Sally Ngai's Private Heart

閒時都會同女女去上下興趣班 咩蛋糕班呀，紮染班呀~  最近，朋友介紹 係呢個網站好多Workshop  https://www.facebook.com/learntifyhk   咩類型都有，真係你諗到同諗唔到既都有 搵下ART ，見到有小朋友既畫班，仲有得去試堂添 我都想同女女去試下，因為小學好多功課都要畫畫 呢間位於荃灣荃豐中心的畫室  鄰近地鐵站，都幾方便 行近，已經俾佢鋪天蓋地既作品吸引了 見到呢D畫作真係又羡慕又失禮 人地幾歲人仔都畫到咁靚，我自己都畫唔出呀 自己教唔到，都係要俾專業既老師教架啦~XD  咁多獎，唔知第時我個女有冇份呢 XD  呢度除左教畫畫，仲有好多手工藝班 呢D咁精緻的壽司, 直頭以假亂真~  咩生活題材都可以整到出黎 由菜檔到車仔檔都靈活靈活現~  甚至呢D咁懷舊既糕點都整到呀~   童年回憶即刻返哂黎~XD  除左古老野，當然仲有小朋友最愛的卡通人物啦~  咩公仔，咩造型都有，創意同手藝少一樣都搞唔掂呀~ 呢度既課堂係小朋友獨自上堂，小班教學 而老師會根據番小朋友的年紀編成一班，唔會出現太大的分歧 而且仲有幼兒班 俾 2.5-5.5歲既小朋友架~ 今日係女女第一堂，老師先問左佢鐘意D咩 女孩子，當然鐘意畫番女孩子, (唔知點解，唔好問我 XD )  所以老師就先從小朋友的喜好入手，教佢畫女孩子~  投其所好，引發小朋友對畫畫的興趣先 女女話老師好細心咁教導佢每一個部份的構圖 用色方面除左好似平時咁油，仲教左一D特別既技巧 下課後，老師仲會同家長講番小朋友的強弱部份，學左咩技巧， 等家長知多D，回家都可以同小朋友傾番同練習番 一個鐘頭過去，女女既大作已經完成啦~ 真係好感動呀~ 做唔到短短一個小時，佢既畫功進步左咁多 背景係用番筆油左再暈開，呢個技巧幾好呀，又靚又易整 第時做功課都用...

約了朋友在荃灣的南豐中心行街，同埋特登呢度食野~   呢間佈置得咁韓風的餐廳，當然就係食韓食啦~   就連韓國食品都有得賣架~  成個餐廳都用自然的落地玻璃採光，感覺好開揚~  枱上一早就放滿水，杯同碗，方便大家，唔使下下叫人拎，幾好~XD  呢度既韓食都唔少，有傳統泡菜年糕到創新炸雞韓食都有~ 至於我今日黎，就係為左呢個咁可愛的韓式二人餐~ HKD 288 超大的一份，一上枱已經佔左半張四人枱~HAHA  阿囡見到已經嘩嘩嘩啦~  由左邊開始，放左四種不同配料同醬~  開頭見佢造型咁CUITE, 個韓式辣醬都應該無料到 但估唔到竟然辣得好夠勁，仲幾惹味添~  呢個係美國扁胛翼板牛肉，其實，我都唔太清楚係邊一部份~XD  但見佢唔算切得好薄，而且肉質偏瘦~無咩肥肉~  煎幾煎已經好快熟 (七成熟就食得架啦)  牛肉有幾濃的肉味，幾有O趙頭，唔會淋PAT PAT ~  呢PAT 咁既CREAM , 開頭以為係甜品~  但店員叫我地最好先食呢個，吓，一開始就食甜品？ 搞錯了，呢個，原來係韓式年糕黎~  第一層係CREAM, 第二層係韓式辣年糕，第三層係CARBONARA 年糕~  開頭，都抱有少少懷疑既態度，又甜又辣，會唔會好奇怪？ 不過，呢個年糕比想像中好食呀~ CREAM 其實唔甜，但增加左年糕的幼滑口感~很輕微的辣，但又唔會好膩 好新奇但又好味的配搭呀~ 用上心型的盤裝甜辣炸雞，即刻靚哂~ 炸雞真係用上了韓式的炸雞粉，外層係硬硬脆脆的，不是由求用麵包糠炸完就當係韓式~ 味道帶甜，唔太辣(不過小朋友食唔到)  不過因為有醬的關係，個外層搞到有少少淋左~ 呢一盤呢，根本就係一個兒童餐~  同枱一個六歲, 一個一歲半都啱食~XD  除左有麵包，粟米沙律，...

入 去荃灣找朋友食飯 朋友想食上海菜~ 唔識路喎~@@ 係樓下見到個招牌，上海婆婆，2樓 搭電梯上去搵啦，都真係有D難度，轉來轉去先搵到 家下既商場設計實在太奇怪~ 上海婆婆 Shanghai Po Po 鋪頭的前方採開揚的設計~ 地方也很闊落，沒有背貼背的擠迫感~ 走多兩步，原來入面仲有卡位，配上古典的天花裝飾 很有復刻版的舊上海的風情 甫坐下，便奉上熱熱的香茶，味道較淡，不過剛適合夜晚飲呀 (唔怕瞓唔著) 這個菜，要收費的  HKD 5/ 位 不過待應們整晚都很落力地為我添茶，算是值回票價吧~ 干煸四季豆 HKD 68 每次我都愛點這個菜，除了有蔬菜外，還有濃濃的味道，很好送一大碗飯 是夜的四季豆做得不錯，干煸度剛好，不會太干，又不太濕 四季豆吸了肉碎的汁，十分入味，肉碎的味道也很香口野味~  麻辣燻蹄 HKD65 麻辣醬係好味的，但麻辣感則很輕，就係改良過了 燻蹢也是瘦肉多過皮，而且其實未入味的，只係混合醬汁就出菜那種~ 婆婆小籠包 HKD 36/ 4隻 小籠包，老實說，有點兒失望 那個皮，有點兒厚了，肉也是很實的一舊~ 算是中規中舉吧~~ 大大的 砂鍋雲吞雞 HKD 172  真係有半隻雞係入面~ 待應們很細心的幫我地拆哂骨~ 讚呀~ 望落好似煲湯的湯渣咁，但估唔到雞肉好嫩滑~ 淨食雞味道唔算好濃味，可以混合湯一齊食會更好~ 這個湯，基本可以分到6碗以上，所以6個人食都夠~ 菜都煮得好好，唔係淋PAT PAT ，仲保持到鮮綠脆嫩~ 奶白的湯底唔會一味死咸，有菜和雞的味道，就算飲左3碗都無問題~ 比起小籠包，我更愛呢個雲吞~ 可能加入左菜的關係，明顯見到肉無咁死實 亦無淨肉咁膩~ 一個鍋入面，起碼有6隻雲吞, 而且，係大大粒的 (無認真數過，但每人起碼食左3粒)  雖然這個上海婆婆有兒香港化了，不過隱約間還食到上海那種風味 而且地方寬閣，坐得舒服~  作為商場餐廳，水準還是可...