童心，童樂~ Candies Foodies
很久無見的朋友，趁著生日約食飯~ 好朋友嘛，就是不論相隔多久，永遠都有無盡的話題 當然要搵個舒服的地方傾飽佢 係尖沙咀的樓上鋪搵到呢間~ ~CANDIES FOODIES~ 說實話，真的不好找，由其我呢D路痴，走錯了去另一邊的入口，要打電話問過才找到~ 上到去既第一個感覺，就係好有童真~~ 一幅幅好可愛的掛畫，將灰黑的環境熱鬧起來~ 最近在看裝修，很喜歡這種原木傢俱的簡潔設計呀~ 我都想屋企放番張呢D枱~ ( 題外話飛到九丈遠~@@) 另一邊，有一張大大的長枱，因為位處一角，好似一個獨立室咁，成班朋友黎應該幾開心~ 點解間鋪叫 CANDIES ? 見到呢個就知道啦~ 因為呢度有個糖果櫃，可以俾客人免費任夾糖果架~ 阿囡黎到實開心死呀~ 呢度主菜加 10蚊就有咖啡/菜, 加25蚊就有特飲 黎到CAFE, 當然要飲D特別D架啦~ 特飲 " 冰檸 " 有檸檬，青檸，薄荷，7 UP 雖然加左7 UP, 但一D都唔甜，因為D檸味真係超勁呀~ 第一啖飲落去直頭打左個冷震~ 如果薄荷味再濃番少少就更"冰"啦~ 呢兩個咁可愛既公仔，其實係杯墊黎，真係好得意呀~我都唔捨得用隻杯責住佢地~XD 朋友要左杯薑餅 LATTE ~ 試左一啖，感覺有D奇特，薑餅同LATTE 好似唔係朋友咁，兩種味分得好清楚~ ~蒜片香辣肉腸翡翠螺天使麵~ 本黎以為係一隻隻有殼的翡翠螺，原來已經幫我地去哂殼，咁又幾方便喎~ 調味加有少少辣粉，可以去除翡翠螺的腥味，亦都令到個意粉味道更豐富 意粉無咩油，但都做得幾滑，最緊要唔係淋PAT PAT~ 不過呢，實在擺得有點兒凌亂，美感差DD~ ~牛油果風乾蕃茄波菜忌廉醬荷蘭薄餅~ 意大利薄餅就食唔少，荷蘭薄餅就真係第一次食 一上枱，嘩，好大盤呀~ 成半張枱咁大~ 薄餅是超超超薄底的脆脆~ 中間又似PANCAKE咁軟軟地喎~ 呢個薄餅呢，唔可以成塊食架~ 因為太大塊，又太薄，中間...