Sally Ngai's Private Heart

對於皮膚薄同敏感既我 真係唔敢用一D磨砂呀，PEELING的深層清潔產品 但事實又真係要深層清潔呀嘛 尤其夏天又熱又濕，好易有油脂塞住毛孔 轉頭就會變成粉刺暗瘡啦~  所以呢，我就用一D另類的產品 Neogence  神敷奇肌黑凍膜 Deep Cleasing Pack （ HK$188/370g ） 呢款由台灣製造的面膜 選用左台灣桂竹竹炭粉，強效吸附油脂污垢，有效深層淨化毛孔污垢及粉刺 配合白柳樹、薏仁、洋甘菊及金縷梅等成分，集保濕、控油、淨白 及舒緩功效 面膜有成370G，好大罐~ 有2個蓋，仲附送一個小勺幫助搽面膜同除面膜~ 面膜的質感，好似啫喱狀咁~ 但當然更軟 涼涼地，夏天用一流~  唔同角度，見到面膜都似軟膏，好滑易推~  至於使用既方法呢 就係卸妝及潔面後，厚敷黑凍膜於肌膚上，待30至40分鐘， 以附送之凍膜捧把面膜刮走，有助把粉刺推出，然後以清水洗 淨， 之後再搽番後續保養品就得架啦~ 我就建議用附送的小勺幫助將啫喱面膜了出黎先再搽上面 唔好直接用手去取面膜囉，以免將手上的細菌帶埋落成罐面膜度~@@ 厚敷的話，好似呢個程度啦，又唔好厚到一路敷一路流落黎咁貪心囉~  係一D特別多油份同暗啞既位，我就會特別搽多D 好似額頭呀，鼻位同下巴 敷既時候，除左有少少涼涼地既感覺外，面頰2邊皮膚較薄既位其實都有凍到少少泛紅 不過洗完面後泛紅就會退~ 所以問題不太，亦唔需要太驚 甚至可以只將產品搽係T ZONE位同下巴呢D重災區都得~ 敷完個30分鐘後，連阿女都覺得我白左~ 毛孔同皮膚都細緻左~ 最重要係佢幫我推左好多粉刺出黎~ 見唔見到呢D白色一粒粒既，就係粉刺啦~ 只要用黑頭針輕輕刮一刮，就刮走一大埋粉刺 真係勁治癒呀~ 睇得唔清楚？將佢變成黑白色，就會見到好多白色粉頭浮哂上黎架啦~ 係咪好神奇呢？我都覺得係 以後唔使出盡力去刮呢D粉刺啦~，只要一敷一刮，毛孔即刻乾淨哂~ ...

早前有介紹過TIMELESS ORGANICS 的暗瘡修三步曲 1. 暗瘡護理潔面液 2.強效保濕亮澤精華 3. 暗瘡舒緩修護乳液 <<回顧按我 >> 有朋友問我，點解無精華架？ 有有有，當然有啦 今次我就介紹埋佢既精華 Timeless Organics Spot Treatment  (Oil Free)  去痘淨膚修復精華 精華獨特配方採用多種有機成份，向問題肌對症下藥。 結合多種萃取物，抗菌之餘鎮靜舒緩過敏肌，更能活化皮膚細胞，增強其免疫力， 進而加速問題肌癒合和抑制暗瘡粉刺的形成。 佢唔單止對暗瘡皮膚有幫助 仲可以針對粉刺、暗瘡、暗粒、黑頭、毛孔粗大，過敏等肌膚常見症狀 精華採用最佳天然抗痘萃取物，蘊含茶樹油及薄荷油，配搭有機野生藍莓精華，重點修護面部瑕疵 精華的質感似GEL狀偏水, 完全不含油份，非常清爽輕盈~ 極易推開，亦非常快吸收 本黎以為暗瘡精華，一定會好乾 (通常暗瘡產品都偏乾) 但呢款精華反而幾水潤，同平時搽既精華分別不大 因為含有茶樹油及薄荷油，精華搽上面非常的涼浸浸，特別啱咁熱既天氣搽呀~ 而且有殺菌既功效，最啱我粒大瘡呀~HAHA  我地可以直接把精華塗於患處（我粒大瘡個度~XD），輕輕按摩直至完全吸收。 針對頑固位置，可額外塗上薄薄一層，讓其自然滲透於肌膚中，能有效作重點修護。 精華有控油的功效，如果T字位有出油同黑頭問題，都可以KEEP住搽令出油的情況會有所改善 毛孔，暗粒及黑頭問題都會大大改善架~ Timeless Organics 的產品全部人手製造 *100％天然 & 有機認證成分 *不含麩質, 不含麩質、化學成分、 「對羥基苯甲酸酯」防腐劑、人造色素及香料 *不使用動物測試 *適合素食主義者 *對生態環境友好 適合素食主義者、敏感肌膚、暗瘡問題、孕婦或哺乳期媽媽都可以使用架~ 銷售點 VeganConceptStore 以上產品及資料由公關公司提供 如要聯絡本人，請電郵至： ...

最近，大家都好鐘意用油 好多品牌都出左好多種油 有搽頭髮，搽面，搽身 但幾十種油係咪有d煩~XD  如果有一種油可以由頭用到落腳既，你話係咪好正先？ 其實呢，係有既~ 就係呢枝 KUROBARA  TSUBAKI OIL 日本黑薔薇本鋪純椿油 黑薔薇本鋪是一間來自日本的公司，有成90年歷史 而佢自2003年開始已經推出了山茶花的頭髮護理產品，之後一直改良~ 而呢枝100%的純生製山茶花油更深受日本女性推祟 咁同其他品牌有咩唔同？ 原來市面上好多同類產品都會經過高溫處理，產生反式脂肪酸 反式脂肪，大家一聽都知唔係好野啦~ 而且高溫處理仲會破壞左山茶花油的原有結構同滲透力 黑薔薇本鋪就用左「純生製法」，通過活性白土的「吸附過濾精製」技術， 去除當中的非純正物質，實現了0%反式脂肪酸的效果 不論頭髮或肌膚都容易吸收，可以用於全身~ 咁好多果實都有油，點解又要用山茶花油先？ 原來山茶花油的特性比其他植物油都強 尤其係不易氧化同穩定性都比較高~ 講到咁好，但又點用呢？ 遠到江戶時代的理髮師已經用呢隻山茶花油幫人扮靚靚啦~ 咁我地就由頭開始講起 頭髮方面，可以分為日常/重點/濕/乾髮的不同處理 日常護理，可以當做護髮素架 洗髮水後，將3-43到4滴純山茶花油倒在熱水裏 然後我會將D頭尾浸落去 (唔好浸到頭皮呀) 頭頂方面 可以將D加左油既水搽落去  唔使沖水，就咁吹乾就得架啦~ KEEP 住做，可以防止同改善毛燥感架 我用左3日，頭髮既毛燥感已經大有改善啦~  重點護理方面，可以一個月2次 將山茶花油倒在掌心，塗抺係半乾的頭髮上， 可重點塗抺係受損髮絲的位置，之後以風筒吹乾 可以修補及預防頭髮乾旱開叉架 如果有頭皮痕癢或頭屑的問題，可以係頭髮全乾的狀態下， 用山茶花油黎按摩頭部，再加40度熱既毛巾包住焗15分鐘， 之後洗淨，就可以溫和潔淨頭皮污垢，去屑止癢 每星期做一次就得啦 我就暫時無呢個問題，所以都未試到 如果大家...