舒舒服服食個泰式LUNCH ~ 泰屋 Swaadee Thai
現在的每個星期六都要到太子補課，當然也要在此覓食。 今日就黎左呢間地方大，人少少，坐得好舒服的餐廳 可能因為地方處2樓的關係，LUNCH 時間的人流也不算多，只有3-4枱客 不過對於疫情，這樣的環境反而令人覺得安心 於旺角而言，其實呢度既LUNCH唔算貴 總比迫在一角圓枱的小餐廳坐得舒服吧~ 對我而言，食飯的環境比食物質素更重要 不一定要華麗高貴的裝修。但至少也有地方放件褸吧 食泰國野，飲特飲是常識吧~ 比起平時的餐廳，泰餐的特飲令阿女有更多選擇 所以就算泰國野係辣，但阿女都好願同我一齊去食 (只為個杯三色冰~XD) 呢度既泰式特飲係叫餐另加 10 蚊。還好SIZE 大大杯的 龍眼冰有五六七點龍眼肉，而且很清甜滋潤，好啱咁乾燥的天氣~ 三色冰沒有很甜，而且入面的三色都大大粒的，很易潷到黎食~ 餐牌沒有告訴你的事 每人都有一碗免費的冬蔭公湯呢~ 雖然係贈品，但絕不馬虎，落足料架 冬蔭公湯沒有很辣，酸味偏多。餐前飲一碗，很開胃的~ 明明黎之前諗好食菠蘿炒飯，但見到個豬頸肉阿女就要轉軚 豬頸肉烤得好靚，睇個賣相已經好吸引，沾埋個燒汁就更一流 個餐有得揀跟燒汁或咖喱汁，小朋友點左燒汁，有少許辣 但都無阻佢既食慾。 一個九歲既小朋友差唔多食成個飯，係咁話好食 嚇到我叫停~~好驚佢飽得滯會嘔呀~HAHA 札肉冬蔭公湯底加金邊粉，完全係越泰既完美結合~XD 成個擺盤又紅又綠，好靚呀，即刻食慾大增 呢度既札肉非常厚，好有口感，仲好有肉味 真係食到豬肉既感覺架~ 而粉我就揀左金邊粉，比較幼同爽身的質感，沾滿冬蔭公湯底入口，夠哂惹味 而且份量仲好多，我已經盡力食架啦 ，但最後我係食唔哂，有少少浪費添~ T.T 今次我有少少笨蕉左，因為唔知有冬蔭公湯送呀，又揀左個冬蔭公湯底 下次黎，要試試呢度既越南湯底先 泰屋 Sawadee Thai 旺角彌敦道726號2樓 2/F, 726 Nathan Road, Mong Kok TEL : 28073366 / 95873366 (WhatsApp / WeChat) 文章只屬個人意見，效果因人而異，只供參考 如要聯絡本人，請電郵至： smonkichi@hotmail.com Fanpge : www.facebook.c...