Sally Ngai's Private Heart

  作為官塘既街坊，住係同一條街，點都要去試下呢間串燒屋，支持下街坊生意嘛 睇格局，佢有別於一般既街坊鋪。門面大，地方大，尤其樓底高， 成晚都無出現煙霧彌漫既情況枱面放左多款不同調味料，可見店主係幾咁用心經營。除左燒肉汁，仲有自家秘制串燒醬。我最愛的，當然係可以無限添加的孜然粉 餐廳無煙濛濛，多得呢個抽氣扇同爐，非常給力。串燒爐夠哂火力，食物好快熟之餘又唔會燒到出哂煙 放題除左有串燒，仲有網燒同熟食 不論串燒，網燒同熟食既水準都不俗 以前去食放題，對於一早整好既熟食通常都無乜興趣，但呢度既燒雞軟骨， 蝦餅，魚餅都係新鮮整好，熱辣辣， 同平時餐廳單點既質素一樣咁好 串燒以串黎order, 每串都有4舊肉以上，而且仲係大大舊， 唔係碎濕濕， 所以我同女每樣點一串share食都已經飽哂   網燒既食物亦非常出色， 除左靚靚牛肩肉， 個漢堡扒都好juicy好味呀， 有驚喜 爐既火力好好， 無痴網但又好易造到燒既效果。阿女話見到一格格呀 小店仲好貼心咁將雞翼既底部剪開，方便快熟 註： 扇貝係每人送1隻，無得任食，而4人黎的話仲會送甲羅燒架 呢度既串燒係放係爐度自轉架， 一路轉一路燒，火力均勻又唔使理佢。 係咪燒得好靚？ 讚下自己先~XD  串燒既肉大大舊， 仲會每款肉都醃不同味道， 口味多變。 串燒黎講，我最愛腎片， 台灣腸。仲有一串看似肥豬肉但入口超夾超正既豬頸肉。 仲有厚切牛舌加孜然粉，無得輸熟食除左餐紙點既， 仲有是日精選。 呢個茄子推推推， 一定要點呀。 茄子肥美，小店將茄子細心地切開， 燒到咁上下時將蒜蓉推入茄子入面， 入哂味， 超正除左燒物， 雪櫃仲有好多正野 飲品除左大路既罐裝飲品，仲有自家製飲品， 薏米檸檬水酸酸甜甜好開胃， 菊花蜜好清香。 甜度仲減低左， 有益又健康，飲多2杯都無罪惡感呀。 日式前菜同沙律，獨立包裝，乾淨整齊 估唔到仲有好多種醬汁係雪櫃。 阿女攞左蜜糖沾串燒食。好似去左BBQ。 串燒太多肉，即刻食番兜沙律消下膩。 但臨走先發現原來雪櫃好多菜架， 仲有蒜蓉包，蕃薯仔。 Oh No，蝕左,  早知用生菜包串燒， 我可以食多2串嘛 食串燒，甜品當然都要燒下 有燒棉花糖同菠蘿，加埋杯雪糕，即刻變左芭菲呀😝 要讚下個菠蘿，超甜又juicy,好似金鑽鳳梨咁正呀。 最開心係可以食2.5小...

位於尖沙咀出口大興廣場的炑八韓燒 雖然位處9樓，但仍佔盡地點優勢，晚上八點仍然成場爆滿~ 因為樓上鋪，地方佔地很廣，枱椅都夠哂大張，坐得舒服~ 呢度以新派韓式燒肉為主，所以裝修都比較年輕化 除左卡位，亦有韓式的圓枱仔坐 另一邊就有大大的窗，感覺開揚 甫坐下，待應們就熟手及快手地上左一枱野了~XD 有3格調味料/ 醬油/ 4款前菜/雜菜籃/沙律，仲馬上淋上了蛋漿同粟米芝士漿添 除左沙律外，所有野都可以REFILL 架，就連蛋漿同芝士都可以~感覺好超值 雖然係免費野，但呢個芝士粟米同蛋漿都好認真 芝士聞落好香，入口唔算好濃味，而且粟米都超多，食完唔會飽滯左 而蛋漿就加入左泡菜，不過辣味好輕，配合蛋既甜味，MATCH~ 順帶提提，呢度既泡菜唔太辣，反而幾甜，唔似坊間的一味酸， 而且係新泡個種，即係食落仲有D爽口 臨近新年，點左個季節限定的 步步高昇賀年套2人套餐 入面特別加入了韓國人的賀年菜 首先上枱的，係一個造型色彩超靚的  九節板 九節板其實以前韓國宮庭菜，平民係無機會食的  九節板會加入韓國人認為吉祥的五色食材：黃、綠、白、黑、紅 全部材料都切絲，色彩繽紛，淨係賣相都令人垂涎三尺呀。                     而且韓國人好注意養生，九節板內全都係健康的食材，只落了少少麻油調味 味道以清淡為主 食法就係將中間的皮加入自己喜愛的食物捲埋一齊食 有匯合，共聚的意思，就好似中國人的團圓咁解~ 雖然每樣食材都唔太多，但加埋個皮，都好飽肚~  而且建議要快D食，因為塊皮放耐左會乾同硬，影響口感~ 另一樣韓式賀年食物，就係呢個韓式餃子年糕湯~ 以石鍋上枱，一直冒住煙~ 年糕同平時既炒年糕好唔同，因為已經變成一粒粒小丸子咁 應該都係同湯圓同一寓意，團團圓圓~ 清新的紫菜湯底配有3粒超大的韓式餃子 就連餃子都係圓形架~ 果然有意頭 餃子內混有豬肉碎/粉絲等等，味道都偏清淡 韓式，又點會無...

最近天氣涼涼，又係BBQ的好TIMING, 相約了幼稚園的同學來一次聚舊 上次大家黎過小欖呢度玩水，玩到樂而忘返 水上樂園回顧 <請按我> 今次我地再ENCORE 小欖燒烤樂園 早上十一點度黎到，個場已經滿左一半啦~ 大家都一早入黎霸番個靚位BBQ~ 今日我地黎，又點會淨係燒烤咁簡單 當然都係因為呢個 充氣彈床嘉年華 佢就係BBQ場旁邊，小朋友一邊燒，一邊問，幾時可以去玩呀~XD  快速燒完第一ROUND , 填飽個肚 成班小朋友已經飛咁衝去啦~ 彈床收費如下： 全日票: $220 3張 20 分鐘券: $140 20 分鐘彈床券:$60 一入去，成班就好似甩繩馬騮咁，叫都叫唔住啦~XD 超級大的充氣氣墊，用黎跑，跳，跌都無問題呀～ 另一邊有個以海洋為題的充氣彈床 適合年紀較小的小朋友玩~ 不過阿囡同朋友仔依然玩到依嘩鬼叫~ 好開心~ 呢個海盜造型的吹氣彈床，又真係幾型喎 而且斜度都唔野少 阿囡第一次玩，話有D驚驚，不過玩玩下，已經唔記得驚 後尾仲變成大排長龍，最受歡迎的吹氣彈床添~ 呢個好似迷宮咁既吹氣彈床，連我都想入去捐下呀~ 呢個超巨大的西部牛仔，真係全場焦點呀~ 有幾大？ 對比下咪知囉~  原來佢唔止大，仲好好玩架~  除左有條長長滑梯，仲有得左穿右插~ 呢個好可愛的昆蟲彈床，用黎影相一流呀~ 影張相啫~ 使唔使搞咁耐~@#@ HAHA~ 最尾呢個稻草人彈床都好靚同好刺激架~  雖然好好玩，但好開心小朋友都好有規舉，一個跟一個排排隊 現場仲有唔少工作人員係度維持秩序，所以大家都玩得好安全，家長都好安心~  溫馨提示 1. 進入充氣彈床範圍內要除鞋同著襪 就算陪同既大人都要架~ 2. 彈床只提供予小朋友，家長請勿跳埋一份啦~ ...