Sally Ngai's Private Heart

之前一直嘈住老公想食蠔 嘈左成年，終於等到佢失業先得閒帶我去食~HAHA  今次入左將軍澳的海晉天匯, 老公之前係附近返工，好熟路 佢帶左我黎間  22 Branch Oyster Bar & Restaurant 睇下幅牆就知佢係食生蠔啦~HAHA  星期一晚平日，人流不多 唔使下下限時限刻要趕住埋單走人，食飯心情都舒暢D~  一入門口，已經見到生蠔雪山啦~  呢度既蠔都唔係貴喎，平時自己係街買返屋企都要呢個價錢 生蠔可以散叫或 DOZEN  今日的DAILY 係南非伊莉珍珠，印象中未食過南非蠔，試一試佢 叫左半打，六隻蠔，個雪山好大呀~HAHA  南非蠔介乎係CREAMY 同爽口之間  蠔身幾飽滿~ 海水味和金屬味就偏淡 我本身鐘意食爽口蠔，不過呢款蠔都接受到~  餐廳開蠔手法都不錯，開得完整又無蠔殼碎 食蠔有專用叉，食完蠔後，餐廳又會幫你換碟。服務幾到位~ 如果ORDER蠔或HAM, 可以平價點紅白酒 學人Chill 下，點左杯Double 8 Classic Sauvigonon  ($44 50% off ) 酒味淡淡地，用黎配蠔又幾夾，唔會搶走左D蠔味~   另外點了3款熟食  一打開MENU，就俾呢個乳豬吸引左 燒西班牙脆皮乳豬 $ 188  印象中既乳豬都係一塊皮或肥肥一舊肉  完全想像唔到脆皮乳豬可以變得咁精緻, 令人一見難忘 而且仲有不同既層次同口感 最低層加上了炸得香脆的皮, 中間係肥瘦相間的乳豬肉和皮 再加有無花果，可以消減乳豬既油膩  餐廳的 SIGNATURE PIZZA ($188) SIZE 有成12寸，幾大塊 雖然係薄皮, 但都有D厚度, 而且D餡都好豐富 除左面見到既蕃茄, 芝士, BLACK OLIVE  仲有底層的辣肉醬  感唔感受到係幾咁贅手，睇相都FEEL 到有重量呀~ 所以呢個PIZZA 都好飽肚下,2條友只食左一半已經食唔落~ 脆炸洋蔥卷 $88 外皮真係幾鬆脆, 而且炸得唔油 特別配埋個蛋黃醬, 即時加分不少 呢個用黎送啤酒一流呀~  呢度除左室內，仲有室外既位置, 秋天涼涼地，坐係外面又係另一番滋味~ 22 Branch ...

上去熊本燒肉，要行上呢條樓梯，有D似時光隧道的感覺 因為佢將帶大家返去青春年代 一出LIFT 口，見到好多日本雜誌貼滿牆 的確，我地成長的年代都係受日本文化影響，不論日劇，歌，衣著打扮 而最深影響的，一定係日本動漫~  熊本的裝修佈置唔單止以日系和風為主 更加入了大量日本動漫的元素~ 我今日坐呢區就係以SLUM DUNK (男兒當入樽) 為主題 仲有龍珠同熊本熊區 阿女對呢D動漫人物一D都唔陌生，因為佢老豆屋企收埋好多~ 我地仲即刻影相俾佢，等佢羨慕下~HAHA 呢D日本海報一睇就知年代久遠 （可能係老闆私藏）  有Ｄ人物我都未見過呀～   聖鬥士星矢我當年都有追過下架~ 阿女反而被另一邊既裝修吸引 因為佢用上了大量手帳畫作主題 （阿女呢期玩呢Ｄ） 真係畫得好ＱＱ架~ 今日食燒肉放題，點餐係用 IPAD, 免除左行黎行去既麻煩 我中午時間去，人流唔算多，點既菜基本都無漏單，每款個樣都幾靚仔。 不過點餐 點 "1" 有D係得一舊，有D就有幾舊，有D難估 建議唔好一次點太多，以免造成浪費呀~ 話明燒肉　肉當然係主角 呢3款澳洲和牛同鹿兒島豚肉超級正 雪花紋理清晰，入口非常嫩 我地encore 左3 round ～ haha  第一次燒牛栢葉，估唔到又新奇得意 夠爽口又脆脆地 幾鐘意呢度既雞6翼，特別整成單骨，易燒易燒 黑椒味同韓式醬都好好味，必點呀~ 要讚下呢度既網燒爐，無乜煙，無乜味，唔怕食到成頭煙~ 因為食得太多肉, 要點番D菜中和下 ENCORE 左澳洲和牛，質量同第一碟都一樣喎，唔會虎頭蛇尾~ 阿女話個鮮冬菇加埋燒汁非常好味，後尾又ORDER 左幾次 熟食點左好少咋  八爪魚丸好OK~  但個炸帶子就麻麻，好乾身~ 叫左一份蕃薯仔，有好多~ 所以份量真係靠估~  牛脷非常厚切，不過燒得好有D難度 ~~ 甜品時間 自製左呢個甜品餐 個芝士年糕好好味，阿女又叫次2次~~@@  而我幾鐘意個紅豆和果子，唔太甜~  小朋友最開心就係呢個燒棉花糖  好少燒烤店有架~ 用網燒又易控制，阿女自己都燒得好靚~ 睇下佢玩得幾開心~ HAHA 呢度飲品方面以罐裝裝為主，選擇唔算好多 仲有自家製既飲品同生啤枱 （生啤要另費）添~ 熊本燒肉 Yakiniku Kumamoto 銅鑼灣謝斐道...

放假周圍遛逹，發現左呢間韓式市場『閣樓市場』，好多韓式野賣，有小食，零食，冷藏食物 全店仲做緊88折，C 9 MODE 即刻上身 除左全店正價88折，仲有呢D特價套裝，真係超抵~ 韓式醬油蝦 + 醬油蟹特價套裝，$ 338 一套 靚姐介紹呢個驚喜零食盒, 有10件零食同飲品，好似盲盒咁架，個個月有新組合 家下做緊特價 180蚊 (原價 : 257.2)  呢度仲有自家製韓式前菜~ 有大/細size 揀 估佢唔到竟然連COFFEE 都有~HAHA  買滿300蚊有呢個超靚冰袋送，我當然買爆佢啦~ 超愛食韓式前菜，平時我常備一盒係公司食飯架~  買左泡菜同魷魚，甜辣魷魚絲，甜甜辣辣超正 泡菜醃得好入味，唔算太辣，偏酸~  雪條 70蚊/ 5 條 ，有5款任揀 (有款朱古力無哂了)  ，款款都好吸引  魚乾，可以即食架。用黎送韓式燒酒一流~  呢個紅豆魚餅，我以為要整  店員介紹只要食之前拎出黎放軟就食得，非常方便 好啱小朋友做飯後甜品~ 一餐一小條魚，又可愛又好食 要讚下呢度既員工，韓國野包裝好多韓文唔識睇 問佢地都可以好詳細解釋點樣食用。好幫到手呀~ 呢個PIZZA 我之前都有買過幾次，直頭係氣炸鍋恩物 簡單方便又好食~  呢D細細包既小零食，俾女女帶學做小食就最啱 依家仲有門市迎新優惠 三揀一，有雞蛋 & 和牛片 我就揀左呢個日本北海道 DOMREMY 梳番厘卷 原價 85.5  家下 $ 39.9 (差唔多4 折 咁濟)  個卷要放入冰格，食之前係室溫放5分鐘就食得架啦~ 極之 鬆軟好食，又CREAMY, 牛奶味又夠香 HIGH  TEA 配杯COFFEE, 一流呀~ 靚姐話之前要買滿200蚊先可以做會員 依家迎新優惠，買任何野都可以成為會員，之後就可以用會員價買野啦~ (會員價真係勁抵呀~) 呢個優惠暫時仲有，但唔知幾時會停，要做會員就快手啦~ 閣樓市場 Loft Market 黃大仙龍翔道136號黃大仙中心北館地下G06E-G06G號鋪 文章只屬個人意見，效果因人而異，只供參考 聯絡本人：  smonkichi@hotmail.com Fanpage :  www.facebook.com/smonkichi Ins...

水門雞飯好受歡迎，每次經過旺角，尖沙咀門口都見有人排隊 一入門口，鋅鐵餐桌加上泰文的雞檔，已經感受到濃濃的泰式大排檔風味 在這個不能旅遊的日子，來一趟水門雞飯，又真係可以解下泰國鄉愁 泰國的水門雞飯，出名在平啦 香港的水門雞飯 $54 一碟，雖然比泰國貴，不過係香港算係經濟 除左海南雞飯，鋪頭仲不斷推出新菜式，都係貼地價。 落單無耐已經上哂菜，速度一流~  我一直都有疑問，點解南雞飯係星馬泰都咁出名 佢唔係海南島出產架咩？  上網搵資料，海南雞飯真係源自海南，不過當時只係叫 「雞飯」,  後尾 移居南洋的海南人開始在在南洋賣，漸漸才有了「海南雞飯」的稱號 細心留意，星馬泰的 海南雞飯都各有特色架 正宗馬來西亞海南雞飯,  D飯係一個個波的，再加上薑蓉，黑醬油同辣椒醬 星加坡的海南雞飯係雞同飯分開放，亦伴有3種不同醬汁 而泰國的海南雞飯就方便，將雞同飯放埋一碟 最重要的當然要配番個雞骨冬瓜湯和秘製辣汁啦 雞肉已起骨，食落啖啖肉，好方便，而且仲幾嫩滑，雞皮皮薄少脂肪，好爽口 配埋個辣汁，送飯一流~ 唔覺唔覺就會食哂成碟飯 (OMG)   以54蚊的價錢，我覺得雞肉的份量都幾多~ 個人感覺，泰式海南雞飯的味飯比較清，無星加坡的雞油飯咁油膩 食落比較清新，無咁膩~ 除左主打的海南雞飯，當然要叫番幾個泰式食物 秋日限定 冬蔭雞湯粉 $54 (仲可以用優惠價加配其他食物)  冬蔭公湯底，望落兇狠，其實食落唔太辣 冬蔭公湯偏酸，辣味輕微，用黎做湯底係幾MATCH的~ 雞肉類似雞胸肉，無海南雞咁滑，但又唔係嚡既，其實都OK  $20 加配的串燒 (可選豬/雞) ，幾抵食 豬肉雖然燒得有少少乾，不過醃得幾入味 最鐘意個甜酸配菜，真係開胃又醒胃 木瓜沙律 $ 48  開胃清新又爽口的一道前菜 唔算好辣，微辣朋友都接受到  前菜黎講，呢個份量3-4人都足夠~ 每次必點的芒果冰，有好香的芒果味，而且D冰攪得好幼滑，推介~  水門雞飯 (豉油街) 旺角豉油街21C號地舖 文章只屬個人意見, 只供參考 如要聯絡本人，請電郵至：  smonkichi@hotmail.com   Fanpge :  www.facebook.com/smonkichi ...