Sally Ngai's Private Heart

12年了，人生有多少個12年 是夜來到胡爐，為我們12年的婚姻添加一點回憶 胡爐一直係一間高質的火鍋店，多得這2年的社會環境，令食肆紛紛轉型 在厚福街的胡爐分店，推出了$298蚊半放題的套餐，令我可以用優惠的價錢享受到高質的火鍋 這個火鍋分店一直以私房菜形式經營，故店鋪內除了大廳外，更劃分了不少房間 而且唔使最低消費，5人或已上已可以訂房，擁有私人空間享用晚宴 (記得要早d訂啦~)  食物方面 每人 $ 298 己包含了限定的湯底，肉，丸，燉物，海鮮 仲有其他的配菜可以無限order ~ 湯底方面唔係普通的行貨湯底，有好多特別口味的選擇 是夜得2個人，驚食雞煲/牛腩/人蔘雞煲太飽，於是揀左最輕手的黑白胡椒卜卜蜆鍋~ 第一道菜，竟然係每人一盅名貴的山珍海味 個底仲有大大舊的花膠，食一盅已回本一半了~  湯底的黑白胡椒卜卜蜆，很濃香的胡椒味，但唔算好辣。要先食完卜卜蜆再加水做湯底 我覺得呢個湯底同所有食物都好夾，佢無麻辣咁濃味，唔會遮蓋食物的原味 但又比普通的湯底多了一份胡椒香，增加食物的味道層次 時令海鮮盤是根據當日的來貨而定，諗住套餐既海鮮至多咪幾隻蝦同蜆 估唔到個海鮮盤原來咁華麗 海鮮全部都俾預期大隻呀，好新鮮，洗得好乾淨，起埋殼方便放落湯~ 每款海鮮都好鮮甜，肉質彈牙~ 胡爐拼盤有澳洲和牛，牛舌心和黑毛豬豚肉 ( 拼盤可自行挑選全牛，全豬都得架) 澳洲和牛紋理分明，肥瘦適合，入口有濃濃的牛味 牛舌心大大塊，厚薄適中，爽口又唔韌，我鐘意呢個多過厚切~ 黑毛豬豚肉係近年我打邊爐的首選，難得呢個拼盤都有 黑毛豬豚肉爽口之餘，肉質又滑，d白色筋位好彈牙，絕對係火鍋必食~ 跟餐仲有呢個手工丸餸拼盤 唔好以為呢係普通既丸，佢有黑松露墨魚丸，手打蝦丸同芝心丸 每款手工丸都超彈牙，又有特色 ，唔同成舊粉個d丸架~  手打蝦丸真係超正，入面混有左d蟹籽增加口感，彈牙爽口到不得 餃方面都唔係行貨 有泰皇新鮮雲吞，XO醬帶子餃同魚皮餃 每款都係新鮮製，唔係雪到凍硬綁綁個D  皮薄餡靚，XO醬田帶子餃真係食到成粒帶子係入面呢~  除左指定的套餐物外，仲可以用QR CODE 任點以下的火鍋料 我地食左個套餐食物都已經飽左九成 唯有點少少菜調劑下, 已經食唔落了其他野了 雖然係任點的配菜，但全部質素都好好架，賣相仲幾靚 連上菜的盤都有配搭埋的...

朋友的洗面機壞了，把家裏的送給她 原來洗面機耐唔用都要叉下電，唔係舊電都會壞架 我送洗面機，佢就請我食飯~XD 係公司附近求其找了這間 離遠已經俾佢既面門吸引了~ 川婆婆 呢度以重慶四川菜為主，感覺都幾地道，有巴蜀菜，又有干鍋~  出面門口夠搶眼，估唔到入面既裝修一樣咁特別~  雖然有D 國內色彩，不過都幾搞笑呀~  醬料都算齊全，干淨企理~ 想叫個野飲，呢度都唔少選擇 待應姐姐極力推介自家製甘荀汁 本黎我都麻麻甘荀，見佢咁落力，又即管試試 又真係幾值得推介喎，無左甘荀既草腥味，飲落又唔會好甜，仲唔會飲到成口O鞋習習 感覺好新鮮健康，姐姐果然無介紹錯呀~  呢度以打邊爐為主，我見隔離枱有小菜，賣相不俗 不過一心諗住打邊爐唔好再諗咁多啦~  寫到明用新鮮雞，咁厲害，點可以唔試試~ 叫左一個雙拼 招牌麻辣火鍋拼純椰子水竹笙清雞煲 呢度既湯料全部都咁大舊既XD 辣椒超大隻，連竹笙都超級大呀，咁大隻既竹笙都唔平架~  麻辣鍋叫左小辣，麻香而唔算太辣~ 香氣樸鼻但又唔會攻鼻個隻~ 話明純椰子水，姐姐係我地面前倒左2大罐椰子水入去做湯底 估唔到加左椰子水既湯底又唔錯，雖然無乜很濃的椰子味，但飲落好清甜，好過落雞湯喎 又學到野，下次在屋企可以試試喎~ 雞的話，忘記了拍照~XD  叫左半隻雞，似係細雞黎，份量唔算太多 是新鮮雞呀，皮沒有肥膏，雞肉很實淨和滑，不是雪藏雞那種霉霉感 搞掂湯底就黎料啦~ 呢度既火鍋料超級多選擇，睇到有D眼花~~XD 不過黎呢度，一定要食牛呀~ 有牛既唔同部位，有牛根，牛脷，牛頸脊，牛胸爽 (橫隔膜) 牛黃喉 (牛心頂)...... 仲有唔同地方既牛肉食，有日本和牛，韓牛，安格斯，本地手切 最估佢唔到係呢度既韓牛係要證書架~@@  係四川鋪頭食到有證書韓牛，真係好SURPRISE~   韓牛，記憶中好似第一次食寫明有證書的韓牛呀!HAHA ...

閏蜜的生日飯，由12月約到2月 真係有夠忙的  終於約到啦，天寒地凍，最啱就打住邊爐黎傾計啦~ 揀左介乎銅鑼灣同灣仔交界的謙記打邊爐 謙記其實開左好耐，由2003年第一間鋪到依家發展到有3層 今日去左2樓，裝修較新淨，環境感覺幾高級 九宮格的醬料好靚，任加任添~  特別的有白醋，待應話，連陳醋都有，可以問佢攞 麻油超香~ 呢度主打靚料，所以全部散叫 食物方面由貴價海鮮到平價丸都有 呢度既湯底都係其中一個賣點 有好多特別的湯底，水魚窩/坑腩窩/鯊魚翅骨窩等等 而我地就揀左椰子雞鍋 呢個椰子雞鍋不得了 首先，有成半隻雞，而且仲有步驟架 等水滾，落雞，滾到雞剛熟，即起，食落超嫩滑 飲左個頭啖湯先，湯頭超級鮮甜 之後，就可以加入椰青水落鍋一齊滾黎做邊爐湯底 呢個湯底，望落雖然好清，但味道好夠 用黎打邊爐，夠味唔使沾醬油，仲食到食材的原味 我整左碗醬料都無用武之地添~@@ 待應推介我地呢2個前菜 見佢咁有誠意，即管試試 鮮蝦刺身，蝦肉勁有膠質 個醬辣得黎又好清新，食到濃濃的香草味，比好多泰式生蝦醬還要好 蝦餅都超爽超彈牙，中間仲食到一舊舊蝦肉架 食得出係鮮蝦膠打，而且唔會成舊粉頭 如果上碟時厚切番少少，彈牙感應該更強烈 估唔到係中菜廳會食到咁有水準的泰式菜喎~ 至於料方便，新奇又新鮮 四寶丸全部手打，爽彈到不得了，每一口咬落去都很有勁 那個蝦丸內，真係有成隻蝦，佩服佩服~  至於我至愛的餃子，餡入面多菜少肉，好啱我 而且有款西洋菜餸，用上了澄麵皮，透出內裏鮮翠嫩綠 口感煙煙韌韌~ 女生們，當然要補充下膠質啦~ 呢幾塊魚唇翅，超級大塊之餘，只係46蚊，勁抵食 咁既價錢，敷塊MASK 都無咁多膠質啦~ 呢度仲有好多健康之選，有鮮淮山，秋葵，冰豆腐等等 又低卡，食多D都無有怕~ 黎呢度打邊爐，一定要試呢2款 水晶叉燒飽 奶黃水晶飽 煮熟後的外皮會變成透明，煙煙韌韌 比起咸的叉燒飽，我更加...