Sally Ngai's Private Heart

今日同女女去黃埔玩，見到呢間好粉紅的小屋 好公主，超級Girlish  即刻要去睇下係咩黎啦啦~ 原來係賣雞翼呀~XD 雞翼共有7款 比較創新的款式有玫瑰花/咸檸七/熱情果寶寶/檸香山葵 而傳統D既就有避風塘/芝士/和風味噌 價錢就全部劃一收費，簡單易明 仲可以加18換特飲 (共有3款)  呢度係外賣店，落左柯打就要等啦 (大約要約10至20分鐘，視乎當時多唔多人啦)  (記得攞收據聽NUMBER攞野呀)  呢間屋咁靚，係等候既期間，就要照下相啦 呢個背景，真係影相呃LIKE 的最佳 Background~ 等左十分鐘度雞翼就READY 啦 係收銀處仲有個靚靚位置俾大家影相呃LIKE架~XD  欣賞呢度用上了環保的紙盒代替發泡膠盒 又環保又靚 (不過如果有一個專用垃圾桶回收呢D紙盒就更好啦)  芝士雞翼 雞翼剛剛炸起，超級熱辣辣 芝士雞翼的話其實係原味雞翼加上芝士醬 雞翼本身無落太多調味 芝士醬唔算好濃味，不過混合雞翼食就幾滋味 避風塘雞翼味道較濃，超級香口 辣度算輕至中度，雞翼上的避風塘乾蒜/紅椒非常野味 用黎送啤酒一流~XD  兩款雞翼都做到皮脆內滑 入面既肉無咩醃製，都係靠外皮的味道 不過勝在夠嫩滑，最重要係無咩雪藏味 跟雞翼仲會附上膠手套，很貼心 跟餐叫左個特飲 招牌莫希托式特飲 即係MOJITO 啦~XD  清清涼涼唔太甜，直頭係炎夏的救星呀 飲完即刻降2度~  呢度係外賣店，無枱無櫈，好彩有呢個樓梯坐住食 不過就阻住人地打咭囉~XD  雞翼山  Chicken Wings Mountain 紅磡黃埔德民街29號黃埔新村德民大廈地下F3號舖 如要聯絡本人，請電郵至：  smonkichi@hotmail.com Fanpge :  www.face...

香港大多都係高樓大廈 想離遠塵囂，擁有一個陽光與海灘的婚禮係咪一定要去外地？ No la, ClubONE 位於珀麗灣的"銀灘" 絕對可以滿足你要求 當日就參觀左 ClubONE "銀灘" 的開放日 最吸晴的，當然係呢個位於戶外的證婚場地 面對住一望無際的海洋，藍天碧海，絕對心曠神怡呀~ 呢個戶外的證婚場地，午間證婚連宴會場地，總共可以容納250人 依家好流行午間婚宴，對住無敵海景，吹住徐徐海風和聽住悠和的海浪聲 一對新人在玻璃天橋步入會場，接受親友們的祝福 係幾咁浪漫的一件事 親友們仲可以摸住杯底，係呢個咁有渡假FEEL的環境恭賀新人 係咪好似去左外地咁呢~ 無論新人同親友都可以共渡一個異國情懷、歐陸式的浪漫婚宴。 如果大家想親近大自然，但又唔想太熱太曬 呢度仲有一個戶內的婚禮場地 場地面向青馬大橋，海天合一 「青馬銀灘，海天共證 」 絕對是海誓山盟的好地方呀 證婚完畢，新人同親友仲可以落沙灘影番輯靚相 真係無乜地方可以做到架~ ClubONE 銀灘內以海洋作主題，讓大家感受著婚姻的浩瀚情深，愛的延續 宴會全廳可開28席 室內牆身與天花，以鸚鵡螺貝殼紋作設計。 鸚鵡螺的特性是身軀與貝殼水不分離，比喻著愛情的堅貞矢志不喻。 新人亦可以按自己的喜好佈置場地，打造專屬的婚宴場地。 ClubONE 開放日，仲有多間商鋪提金不同優惠 大家對珀麗灣可能比較陌生 以為好遠， 其實入去珀麗灣係超級方便 不論在港島區，新界區的朋友都有車可逹 ClubONE 更有專車添~ 就好似我咁，住官塘，坐去荃灣的紅VAN 唔使3個字就到葵芳新都會廣場的珀麗灣車站 入到去珀麗灣，第一個站落車就已到商場門口 一入商場就到ClubONE 啦~ 結婚係一世人一次，想有一個與別不同的陽光婚禮 ClubONE "銀灘"絕對是一個不可錯過的選擇 ...

外在壓力加上年齡增長，會令肌膚逐漸暗啞，色素累積，失去光澤，變成俗稱的黃面婆 我要既美白，並唔止防曬，重要保護肌膚，修整膚色，提升膚質。 所以，我要靠呢個~ Lancôme BLANC EXPERT 全方位瞬白亮肌系列 Lancôme 的 BLANC EXPERT 全方位瞬白亮肌系列一直都最受歡迎的美白產品 今次仲加入了三個新成員 BLANC EXPERT DOUBLE AMPOULE 全方位瞬白亮肌美白日夜雙精華  BLANC EXPERT WHITENESS INFUSED MASK  全方位瞬白亮肌美白面膜  UV EXPERT YOUTH SHIELD™ TONE UP MILK SPF50 PA++++  全方位防禦抗曬素顔霜 BLANC EXPERT DOUBLE AMPOULE 全方位瞬白亮肌美白日夜雙精華 Lancôme 突破品牌配方界限，以一小瓶具備雙配方的護膚品，促進亮肌過程 雙配方配合肌膚日夜不同需要，21 天療程，打造亮彩美肌。 日間配方︰蘊含紅藻萃取物的全效亮白複合物，配方有助對抗肌膚色素失衡， 令肌膚回復明亮及均勻。 質感絲滑透薄，味道清香 唧出時係白色，慢慢或推開時會變嫩粉紅色，好得意 質感非常清爽，極速就吸收哂，搽完再影相都已經吸哂了~XD 夜間配方︰由溫和去角質成分組成， 包括藜麥萃取物 ，輕柔去除含有黑  色素的老化角質。褪去充滿黑色素的死皮角質細胞後，肌膚更亮麗， 準備迎接翌日清早的護膚日程。 夜間的質感就如水般透明流動~ 比日間更要快吸收 因為有Peeling的效果，搽上皮膚薄既位置會有少少吉吉的感覺，不過好快就消失了~ 建議可選擇性搽係額頭，下巴呢D特別暗啞既位置，又或重點搽係有斑既地方~ 而我覺得搽完幾日後的皮膚真係有LIGHT UP 的感覺呀~ 此款精華適合所有膚質  (敏感肌膚除外) BLANC EXPERT WHITENESS INFUSED MASK...