Sally Ngai's Private Heart

不論是信仰，環保或keep fit 的原因，令近年素食流行起來款式也變得多樣化，尤其多左好多西式的素食，同事介紹尖沙咀的呢間西式素食，好有水準。 呢間素食鋪都開左唔短時間，之前都黎食過幾次午餐同晚餐 好鐘意呢度既環境，好清雅~ 最愛有大圓枱，仲可以因應要求隔房添~ 夜晚同朋友黎食飯，好有氣氛又有私隱~ 午市有套餐~ 主菜連飲品 加10蚊有前菜和湯 淨睇餐牌，唔會發覺呢D係素菜架~ 有炒意粉, 有叉燒飯，有焗吞拿魚通粉，仲有炸豬扒, 炸鰻魚 中西日泰，咩地方既菜式都有，好勁呀~ 飲品可升級，甜品也可加錢換購呢~  我同朋友都加左前菜同湯 +$10  呢個真係值得加呀 ~  朋友既中湯配沙律，湯是佛手瓜茶樹菇甘荀眉豆湯，沙律是烤南瓜紅石榴黑醋沙律 個湯非常清潤有益 (佢話次次黎都飲中湯，好推介)  我揀左蘋果南瓜忌廉濃湯配香脆法包 個濃真係好濃郁，仲起哂沙，非常清甜 法包係剛烘起的，非常脆口~ 黃金素叉燒配蕃茄炒滑蛋  好想試下叉燒係點，就揀左呢個咁中式既飯 落單時店員細心地提醒呢個有蛋呢~  鋪滿係叉燒面的的黃金汁其實係咸蛋黃汁 估唔到叉燒幾得意，佢仲做到有少少肥膏的感覺，唔會嚡褶褶~ 蕃茄炒滑蛋 ，蛋炒得好滑 叉燒飯係超大碗，不論叉燒，炒蛋同飯都超多，我係食唔哂D飯，同埋飽到收工都仲飽緊 整個飯既味道唔會太濃，如果平時食開濃味野，可以叫餐廳加甜豉油架~ 焗烤牛油果墨西哥薄餅配香脆薯角 & 紅菜頭蘋果藜麥沙律 份量也是超多的，薄餅竟然有3款咁多，塊塊都手掌咁大架，而且焗得很香脆 餡料好豐富，而且很健康，非常有特色又美味的一個菜式 餐飲方面的選擇也是以健康主，有蘋果蘆薈茶，生薑茶等等 (不用加錢的) 我地今日就揀左鹹柑橘蜜和韓風蘆薈柚子蜜 這裏的熱飲真的很熱很燙，建議要食到中段就好叫定放涼呀~ 很多人覺得食素無肉食，好似唔夠飽咁，但我覺得這裏的素菜真的可以非常飽~ 而且菜式也很特別，清新健康，很適合想keep fit 或食得清淡的朋友~ 這裏雖然是樓上鋪，但也有不少客人，大家都熟門熟路了  晚上來，最好先訂座呀~  雅 ‧悠蔬食 Leisurely Veggie 尖沙咀金馬倫道48號中國保險大廈3樓B號舖 

 旅行還未有計劃，先來一個偽日本飲食 漁初·魚丼 Isarihatsu Sakanadon 超可愛的河豚燈，馬上加分~ 這裏叫 漁初·魚丼, 所以處處都有魚魚的蹤跡 (我自己估啦XD)  下圖你又找到魚嗎？ 名字已告訴了，這裏是吃丼飯的~ 價錢由幾十蚊到2百幾都有，真係富儉由人 仲有得自選魚生做一個丼飯架 當然，串燒也是不可錯過的~  實物同圖片都好接近，絕對無照騙喎~XD  每個丼飯都用一個金黄的盤子上，感覺矜貴~ 魚魚木匙羹也是亮點呀~XD  今天沒有選擇困難呀，因為第一眼就已決定要佢了，全都是我的最愛 XD  火炙鰈魚邊烤得好靚，油脂非常豐富~  吞拿魚腩蓉是丼飯必備, 撈飯一流 磯燒鮑魚入哂味，夠哂淋~ 玉子燒略嫌有D乾身~  附磯燒鮑魚仲有呢個鮑魚醬 但磯燒鮑魚本身已經好夠味，就咁食就好好味 呢D醬有少少腥，我就唔太識欣賞啦~XD 朋友好想食海膽，叫左呢個海膽加三文魚加玉子燒 Ｄ海膽比圖片仲要多好多呀　～～～ 三文魚都勁厚切，一個感覺~ 值了～  呢度既飯粒粒飽滿，軟硬適中 不過飯嘅份量女仔OK, 男仔可能一碗未必夠飽~HAHA 不過呢度除左丼飯，仲有好多野食  留個肚仲可以食其他好野~ＸＤ 呢度既串燒都燒得幾好架~ 是日叫左４串串燒， 價錢2X-3X度 佢會每串燒好就即上枱，所以係分開一碟碟上~ 睇色澤，每款都燒得好靚，好夠火候，唔係HEA 燒的 燒雞腎是餐牌推介，又真係好正，超大塊雞腎，烤好後灑上七味粉，非常惹味 燒明太子雞脾肉，第一次食，明太子超的咸香同雞脾肉好夾，雞脾肉好嫰滑 豚肉荔枝卷係我最愛點的串燒 外面的豚肉燒得香口，入面的荔枝肉甜甜地又軟糥 而另一個肥牛露荀卷亦是不可錯過  估唔到係長沙灣呢D街坊鋪，都食到咁高質的日本丼飯同串燒 而且服務非常好，待應很有禮，好有日本餐廳的感覺~ 漁初·魚丼 Isarihatsu Sakanadon 長沙灣營盤街147號天悅廣場地下B2號舖

前日去左棉登徑的一間英倫風 Restaurant & Bar  第一次黎，超有驚喜  餐廳有戶外和室內2個用餐區 呢D天氣坐戶外，嘆番杯，真係CHILL到爆~  室內英倫懷舊風格，懷舊水牛皮梳化係咪好有FEEL  地方超級大，好啱約朋友係度開PARTY添~ 坐低先來2杯MOCKTAIL  "CHILD ONLY " 是一杯果汁沙冰 有菠蘿，檸檬汁，芒果蓉，士多啤梨加沙冰 味道酸味味，好清新，亦唔會太甜 朋友的PEACH OCEAN 好高貴 好似飲緊香檳咁ELEGANT, 但其實無酒精的 佢用ginger ale, 檸檬汁, 蜜桃蓉同蜜糖混合而成 睇D成份就估唔到係酸甜酸甜的。 英式餐廳，當然要食個英式早餐  係咪好似去左英國食早餐~XD  呢個係BRICK LAND FULL ENGLISH BREAKFAST  非常的多料同足料，有齊平時見到嘅，仲有D無見過既 好似YORKSHIRE PUDDING 同 BLACK PUDDING  2者都係英國既一種特色食物 , 亦是英式 ALL DAY  BREAKFAST 必備，真係高度還原呀~  雖然大家都叫PUDDING, 但前者其實似一個酥皮撻底。 BLACK PUDDING 其實係豬血，豬油加燕麥做成的~ 同我地認知既PUDDING 有D唔同~XD   再黎一個軟殼蟹咸蛋黃意粉 呢個感覺似FUSION 菜多D  醬汁用上了咸蛋黃，唔會好多汁，但幾掛麵，滿滿的沾滿了意粉上 這個軟殼蟹實在非常大隻，和平時見的不一樣~ 入面仲食到啖啖的蟹肉，非常驚喜，而且炸得唔油膩 餐廳係門口有一個甜品櫃，款款都咁精緻，我當然要留胃試一試啦~  Yuzu Angel Blanc Cake 柚子白芝士蛋糕  揀佢係因為俾佢上面花花同BEE吸引左~XD 我仲帶埋回家俾阿女~XD  但成個甜品係好味的 上面的芝士蛋糕好SOFT 唔漏 入面有一層好似柚子JELLY 咁，將成個芝士蛋糕的味道提升~ 尖沙咀棉登徑17-23號地下  

近年，脫髮的問題令我好煩惱，有日仲把心一橫，走去剪短添~ 髮型師話, 脫髮其實同長短頭髮無關架 @@ 咁又係喎，好多男人短頭髮都會脫髮啦 為左改善我的脫髮問題，我試左呢部機 CURRENTBODY SKIN LED Hair Regrowth 光療生髮帽 (成個頭盔咁~XD ) 脫髮問題的成因有好多，我的脫髮原因是DHT 雄性荷爾蒙脫髮 全球約有5 成以上既人都係患者， 而我，就是其中一員啦~ DHT雄性荷爾蒙會係頭皮形成一舊舊，使毛囊生長期縮短，以致提前進入毛囊休止期而脫髮 最煩既係DHT 係唔可以用平常嘅洗髮劑洗走架。 而且仲會不斷生添~ CURRENTBODY SKIN 的光療生髮帽就係針對因DHT引致既脫髮問題啦~ CurrentBody SKIN LED 光療生髮帽的使用方法真係十級簡單 只需要每日戴係頭上，照燈10分鐘就OK 唔使洗濕個頭，唔使搽任何精華，亦唔使用任何洗護用品 用完又唔使次次清潔，就咁放番上個座就得~ 對於我呢D懶人黎講，真係快靚正既懶人恩物呀~   (成座野仲好型，放係屋企做裝飾都OK呀~XD)  CURRENTBODY SKIN LED 光療生髮帽 有120 個醫療級的LED 紅光燈泡 包含3 種波長(630, 650, 655nm) LED 光能加強頭髮毛細血管循環、使養分、氧氣更容易到達毛囊 當有足夠的養分能到達毛囊，刺激頭髮毛囊活化，延緩毛髮提早進入休止期 就可以預防過度脫髮同時促進頭皮回復健康狀態。 呢頂帽既造型FIT番成個頭型，仲有2個SIZE 可以揀 成個頭既頭皮位置都可以照到~ 個帽中間係通窿的，戴既時候唔會焗 重量唔會好重，戴得幾舒服。 TYPE C 充電，每次充 2.5小時， 充一次可以用半個月架~ 無線設計，戴住四周去都無問題架~XD  每次要乾髮使用，每次使用10分鐘 時間到佢就會自動關機，唔使自己計時架~  生髮帽仲附帶耳機，利用藍牙連接手機 我係公司會戴住佢食一邊食飯, 一邊做TREATMENT, 仲可以一邊聽歌，煲劇~XD  直頭係時間管理大師呀~HAHA 每天輕鬆戴上使用 10 分鐘，好快就見到成果啦 官方建議使用16 週 但我真係忍唔住要快D分享呀~ 我試用左1個月，生左好多毛毛出黎， 頭頂的髮線比之窄左同短左。前額位置已經濃密左D啦...