我在橋上看風景 ~「滙豐博愛單車百萬行」

因為公司老闆熱心公益

員工都有機會為社會出一份力~

今日, 我就參加左 「滙豐博愛單車百萬行」

呢個活動之前都已經有舉辦

每年都為博愛醫院籌募善款

今年既活動係4月13日舉行

成個活動既參加名額 6000人一早已經爆满

我D朋友想參加都已經參加唔到了~

今年舉辦既地點好特別~

就係可以橫跨昂船洲大橋呀~

今次共有3個接駁巴士站來回集合場地

有荃灣西, 葵芳同青衣港鐵站

我就選擇係葵芳坐SHUTTLE 去集合地點

晨咁早就去坐第一班地鐵啦~

睇下個鐘, 仲未夠六點呀~@@

估唔到連第一班地鐵都咁多人~

香港真係FULL左了~@@

話咁快就去到葵芳地鐵站

沿途都有好多工作人員同指示牌教你行

安排得幾好~

一上車, SHUTTLE 就開啦, 好快~

其實大會之前已經派左一份小冊子同單車登記證俾大家

入面有哂好詳細既資料~

因為今次呢個單車百萬行係可以自攜單車又或大會提供單車的

而我呢D無車人仕就可以用個單車登記證去免費借單車

用完之後當然要歸還啦~HAHA

睇下D自攜單車人仕, 攞住架私伙真係好型架~

可惜我呢D無車階級,唯有望車輕嘆啦~ ><

見到我公司大大個贊助LOGO 呀

當然要影番張相留念啦~HAHA

呢D就係俾大家借用既單車啦~

一片車海，係咪好壯觀呢~

呢架就我今日既戰車啦~

本黎呢, 都唔係好想揀佢

不過見到個車號咁搞笑, 就算啦~

除左車之外, 大會仲提供一個單車頭盔同一件單車衫送俾大家架~

著住呢套野, 唔係好識踩都即刻變得好專業~HAHA

大家都好細心咁檢查單車, 為出發做好準備~

一眼望過去, 真係人頭湧湧架~

因為太遲入去, 睇唔到開幕展禮, 真失策, 有小齊架嘛~><

終於出發啦~

推上左一段斜路, 昂船洲大橋在望啦~

好興奮呀, 當然要即刻影番張相留念啦~

我朋友造型係咪好爆？因為有單車服裝造型獎架

成程都好多人影佢添~XD

終於入橋啦, 好壯觀既除左橋, 仲有人呀

成條橋既入口都佈滿單車同人~

大家都迫不及待係呢個咁特別既地方影相留念~

同埋要即刻放上FACEBOOK啦~XD

一出發時大家迫埋一齊

但沿途大家都停低影下相, 休息下~

到回程時, D單車已經無咁擠迫啦

可以慢慢享受下係大橋上踩單車既樂趣~

其實全程真係踩既只有半個小時左右~

絕對輕鬆無難度~

大家都踩得好開心, 一路踩一路影相

有得可以係昂船洲踏單車, 呢D機會真係無乜幾可~

有得玩又有得幫人, 呢D活動真係值得多多支持~

唔知明年會去邊度踩呢？

大家可以留意以下既網址, 

http://www.cycleformillions.com

除左可以睇番之前單車行既盛況

仲可以留意將來既新動向~

下年再見~

如要聯絡本人，請電郵至： smonkichi@hotmail.com
Blog Link :The Ztyle  Beauty Qooza She.com U Beauty Beautylife Blogspot BE