排毒美顏食譜，簡單易做，你同我都做到~

-
早前有幸出席了 Cuisinart x Tie then Knots 囍結的消暑排毒工作坊
 

地點選址係官塘的 HIDE N SEEK, 
一入到已經開心到嘩嘩聲，成間好似屋企既裝修，簡單但很有品味~
如果我屋企係咁就好啦~

今日呢個係排毒WORKSHOP，甫坐下，大會已遞上最近很流行的檸檬醋作為迎賓飲料，
酸酸甜甜的, 很消暑，又醒胃~

 
檸檬醋的製作方法好簡單，只要將檸檬切片，再加入冰糖, 一層層相間咁放好, 再倒入白醋等佢發酵就搞掂，飲個時只須將醋加水開稀就飲得, 方便，但功效超大的。最基本係可以殺菌, 減少腸道病及流行性感冒~有人話美白同防癌都得添~ 在於我黎講, 飲呢D天然野點都好過飲埋咁多有化學成份既飲品囉~
 
夏天比較悶熱，好多時都食D涼拌野，
今日導師就敎我地用藜麥作主要材料的沙律！藜麥是少數包含人體所有必需胺基酸的食用植物，亦含大量礦物質，並且Gluten Free，腸道容易消化。
呢D一粒粒既就是藜麥，超多纖維架~
 

材料：藜麥/洋蔥/蕃茄/橄欖/羅勒/薄荷葉/檸檬汁/青檸汁/鹽/水
(可按口味調較份量)
只要將藜麥煲20分鐘，再加入其他切好既材料一齊搞拌~

 
最後放入少量薄荷葉
一道美味又健康既沙律就搞掂啦~

 
呢度因為係商業區, 所以無明火煮食, 導師其實用呢個Cuisinart 的冷熱全能攪拌機黎煲藜麥的~

 
係咪好神奇呢？用攪拌機煲野~
 
呢個Cuisinart 的冷熱全能攪拌機除左平時既攪拌功能
仲可以煲湯，煮醬汁, 調製各種果汁等等~
因為攪拌機本身內置一個加熱器，高達110度，無論煲咩都無問題啦
 
跟住, 我地就用佢黎煲 西蘭花薯仔湯

材料
牛油 30克 / 洋蔥 (切碎) 1個 / 蒜蓉 1湯匙
薯仔(去皮切粒) 1個 / 西蘭花 45克 / 清雞湯 2杯 / 水 2杯
鮮忌廉 50毫升 / 巴馬臣芝士 少許 / 鹽及黑椒 適量

 

 
首先，將D牛油放入冷熱全能攪拌機內煮至溶化。因為攪拌機既底板可以直接加熱食材
我地仲可以加埋洋蔥碎及蒜蓉爆香, 再加入薯仔粒炒香。
之後慢慢倒入雞湯，用高火煮20分鐘


之後加埋西蘭花，再煮5分鐘。把水倒入攪拌機煮滾。
加水時唔使成個開蓋架, 設計好細心咁係上面有個窿可以打開, 方便你隨時加水~
 
把煮滾的湯打成蓉，倒埋忌廉及芝士，最後加入鹽及黑椒調味。
 

好美味既西蘭花薯仔湯就完成啦
唔好睇少呢個湯，佢都係排毒湯黎架～
西蘭花有促進解毒作用，蒜頭有效抑制和消除腸胃病毒，洋蔥可以溫肺化痰、療瘡消腫
 
 
成個過程都只係不停將D野倒入個攪拌器度, 煲下攪下，超方便
我估我個囡都識整~HAHA
 
整完都只係洗番一個攪拌器玻璃瓶就OK了，善後功夫都慳唔少～
 
係整湯既期間，原來導師一早準備左一個超有益又好味既蔬菜盤，配以用Cuisinart 的冷熱全能攪拌機製成既CREAM CHEESE, 賣相精美，味道一流，我食到停唔到手呀~
至於甘筍同青瓜幾有益，我都唔使多講啦~


 食完野，係時候整番杯野飲啦~
 
導師教我地整左一個排毒蔬菜汁
用蘋果, 甘筍, 西芹，檸檬葉同水
 
放哂入機內攪5分鐘，就有一杯可口又有健康既果汁~

 
營養價值唔使講都知好，而且纖維豐富，對於排便不暢順既人真係好啱~
仲可以排出宿便，以免毒素積聚在體內~
 
其實, 今日都係我第一次聽Cuisinart 呢個名~
但原來係1970年, 美國工程師已開始為專業廚師設計食物處理器而創辦左呢個品牌
及後由美康雅集團收購，並且開發多種不同產品
香港唔少酒店都用緊佢既產品架~
 
Cuisinart 的產品設計都以用家為主，好似呢個攪拌機, 可以拆分黎清洗
清洗亦好容易，加快煮食後討厭的善後工作~!


 而且仲有原廠保用3年，絕對唔同一般的買黎玩下既小家電。
 
呢個攪拌機極之推介俾有BB/小朋友既家庭
可以將食物直接攪爛煮熟，減少係製造過程中可能感染既細菌~
( 特別係如果由工人煮野食俾小朋友, 更加可以確保衛生~)
 
如果小朋友唔肯食菜, 又可以煮番個西蘭花薯仔湯俾佢飲, 仲可以得閒整D果汁。
對於我地呢D在職媽媽，真係超方便~
 
想知多D, 可以瀏覽以下的網址：
官網：http://www.cuisinart.com.hk/
Facebook : https://www.facebook.com/CuisinartHongKong
FACEBOOK 仲有好多食譜可以參考架~
 
多謝 Tie then Knots 囍結 的邀請
https://www.facebook.com/tietheknots.hk
http://www.tietheknots.hk/
 
如要聯絡本人，請電郵至： smonkichi@hotmail.com
 

留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容