食到番本既放題~
很久沒有到旺角的地方食日式放題
都要數以年計了。
當時的日式放題，不是食物質素差，就是永世不上菜
時間夠了，肚子還未飽~
不過和朋友相聚，選址了這間
番本。日式放題
打破了我對旺角日式放題偏見了~
這個位於旺角和太子交界的日式放題
位置在3樓，沒有升降機，要一層層的搭扶手電梯上到3樓~
不過整個3樓全層都係，地方好大呀
雖然地方大，但也坐滿人，相信這裏的質素有一定保證呀~
不知道"番本" 有沒有分店，但連紙巾和濕紙巾，ORDER 紙都印上私家LOGO, 很有心
當中的點菜紙由A到G 不止，還有火煱和飲品，選擇超多的。
食日本料理，我都幾愛食前菜
這裏的黑松露沙律和漬蘿蔔都超好味的
反而螺頭和中華沙律似來貨，質素較低
\
之後，當然就到主角刺身和壽司出場啦~
呢個真係好SURPRISE 呀
刺身係成盆上的，全部厚切，還很新鮮呢~ 完全無雪味
亦都無成舊冰咁既刺身。
不過三文魚，吞拿魚都有少少根。
反而我推介貝殼類的各種海鮮，全部都好鮮味又爽口
最重要係，呢度既份量只係FOR 我地三個女仔咋
一D都唔會因人數而減少，我地寫幾多件，就幾多件~仲無漏單添~
最鐘意係壽司既飯全部都係MINI SIZE，唔怕食飯食飽左，又唔怕人浪費食物~
除左主角既刺身同壽司，尼度既熱食都幾好~
呢碟芽菜同羊扒，真係再次ORDER 架
反而牛柳粒係濕煮，同我諗既干炒唔同，我麻麻LIKE
魚蛋，雞軟骨，芝士年糕呢D 就比較普通，真係純為試下~
天婦羅感覺爭少少，粉比較厚
不過尼2舊天婦羅蕃薯仔，用MINI 蕃薯，超得意
雖然我唔LIKE 食蕃薯無食到，不過見到都覺得好可愛呀~
飲品方面都有唔少選擇，而且選擇都幾新鮮
唔再是可愛，橙汁，而是菊花茶，荔枝水
仲有清酒 (冷/熱) 同梅酒添~
呢杯梅酒真係唔錯，甜甜地易入口~
飯後甜品就是各種口味雀巢雪糕
呢隻雀巢雪糕既芝麻味真係唔錯架。
番本定價都要188加一，可以加50蚊升級食D貴野~
不過家下出街閒閒地食餐飯都過啦
而且最鐘意係雖然佢人多，但漏單既情況都好少
而且份量好足，刺身件件厚切，
熱食都好大份，包保食飽。
想在旺角食放題唔使食到一肚氣，可以黎試下呢間
番本日式放題
Banmoto Japanese All You Can Eat Restaurant
旺角西洋菜南街168號3樓全層
如要聯絡本人，請電郵至：smonkichi@hotmail.com
My Blog Link :
留言
張貼留言