鉑金碌面，V面重現~

-
最近的美容儀器大行其道

大多都係以聲波功能或使用紅外線等等
最重要係, 要叉電~
好似我部洗面機咁，有時唔記得叉，又無得用了。
同埋，有時幾千蚊，得一年保養, 用得2年又壞左~拎去維修又貴。真係肉都赤~

其實，美容儀都未必一定要用電
家下就介紹一款唔使用電的美容儀

Oregon
Platinum Beauty Roller
鉑金美膚按摩捧


由日本美容界引入的鉑金美膚按摩捧，可以活化，收緊，同時安撫，熨平表層肌膚
令皮膚可以緊緻光滑

日本製造架~

\

隨包裝附有一個銀色很高貴的袋，放係手袋拎出街都好型仔呀。


金屬捧其實有2個頭


第一邊
Platinum Roller
鉑金緊緻按摩捧
捧上係一個礦石，再圍以鉑金線包邊
2者產生互相影響，可以有效地活化皮膚細胞的新陳代謝，血液循環及淋巴腺流動。令肌膚回復彈性，重塑緊緻輪廓。


按摩時由面部中間開始向外推~
因為有鉑金的圍邊，造就出"韻律式琴鍵按摩"，就好似模彷手指彈琴時的節奏，
推時會FEEL到有一下下的按摩感覺。幫塊面做運動
令肌膚回復彈性，重塑緊緻輪廓，預防因肌肉鬆馳或水腫而影成的雙下巴~


記得要按埋頸位，由上向下推


推到淋巴位時會FEEL到有少少冤痛但又好爽。真係超舒服~
好容易按到停唔到手~HAHA 

設有彈性的手柄，避免肌膚過分受壓，唔怕自己越按越興奮，太大力壓傷皮膚

推完後即時會FEEL到面部的皮膚有收緊左，彈性都高左~。

第一邊頭係
Coolant Roller
撫平細滑按摩捧

上面既頭就係幫內層皮膚活化，做運動
而呢個頭就以表面平滑低溫黎舒緩番肌膚
可以收緊面部肌肉及頸部曲線外，仲可以安撫皮膚細胞
有效撫平細紏和減少皺紋形成，令皮膚滑一滑


成個頭以高份子陶瓷合金做成，唔單止質感好滑，仲好涼浸浸
碌落面時真係好舒服，幫助做完運動的皮膚馬上降溫


同樣以由內向外的手法推進
滾輪設計，均勻地將力度推送，加強淋巴和促進血液循環
幫助帶走多餘水份及廢物，今皮膚緊緻，平滑及紅潤

做左一邊後面，已經睇到即時的效果啦~
好明顯面部的輪廓已經提升左，向下垂的"面豬登" 都即刻收緊左同，成塊面既SHAPE都平滑左


做埋另一邊面，之前凸出向下垂既肉都縮番上去啦~XD

只要每日幾分鐘，瓜子口面就返返黎啦
V 面，SO EASY 

因為無任何電流，大肚婆都用得架~
老公們，識做啦~

想效果好D，仲有以下小TIPS
1.當然要日日用啦，勤力先見效架嘛
2. 睡前按摩5分鐘最有效，朝早起身番面都無咁腫呀~
3. 按摩前後可以塗上水溶性護膚品，吸收效果更好架

當然，仲有少少溫馨提示
1. 記得除左隱形眼鏡先好用按摩撐，以免整親隻眼
2. 每次按摩唔好超過10分鐘，碌得太耐皮膚會好痕架
3. 記得用前同用後都要先清潔按摩捧，以免皮膚受細菌感染
4. 尤其係加左護膚品一齊按，更加要清潔左隻捧先好收埋呀
5. 要抺乾/風乾枝捧先好套番個蓋，咁枝捧會更襟用

因為唔使用電，真係隨時都用得
LUNCH 後用黎碌下，下午做野都醒神D
化妝前碌下，可以令妝容更貼服
落妝後碌下，可以令皮膚回復狀態
尤其係有重要約會，之前碌下做個急救都好呀~
放工坐車時用黎碌下條頸，成日既辛勞都即刻消除哂呀~

呢枝唔使電的美容儀，除左隨時都用得外，更加唔怕佢用幾用會壞
分分鐘用得10年8年架，計番條數，真係幾抵~

想了解多D，可以到以下網址參考
http://store.oregonscientific.com/hk/platinum-beauty-roller-pearl-white.html

又或者可以去專門店試下架
Oregon Scientific 
專門店：香港中環國際金融中心商場1019B舖
專門店：銅鑼灣時代廣場926舖
專門店：港島東太古城中心256舖
專櫃：銅鑼灣崇光百貨10樓
專櫃： 澳門新八佰伴百貨4樓

以上產品及資料由公關公司提供

如要聯絡本人，請電郵至： smonkichi@hotmail.com












留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容