魚雞海鮮大大煲~ 鐵魚川式食堂
最近食韓野/日本野 食到有D悶
難得係銅鑼灣可以搵到間食中國野的~
睇個名,以為淨係食魚,原來仲有雞煲的~
聽老闆講 (我估佢係~XD) 呢度仲有得BOOK房 同食私房料理的~
除左2間房外,仲有個勁寬敞的大廳~
我早到,仲未有人入座,七點後就開始高朋滿座啦~
呢度打邊爐係任飲任食形式~
唔同時段,唔同日子都有唔同價
(咁多價錢,其實有D難記~@@)
食物的種類也不少,最特別係,有好多海鮮呀~
呢度,都幾跟足川菜的傳統,一坐底就有五小碟
(唔止韓國呀,中國菜都有呢D小碟的)
五小碟包括有手拍溫室青瓜,魚情味豆芽,跳水木耳,嫩七八草,手撕包菜~
個名都幾得意~
青瓜辣味好足,如果多加小小酸味,但更FRESH
豆芽都係辣辣地,但無青瓜咁辣~ 木耳係酸酸的,超爽口
那個嫩七八草比較西式,但一開始就俾我朋友KO了~
手撕包菜就普普通通,沒有很大驚喜的感覺~
飲品任飲的有2個自家調飲品~
汽水,只要LIKE 了這個餐廳的FANPAGE 都可以任飲~
紅桑梅蜂蜜茶~
唔係好甜,帶少少酸味,濃度好足,唔係淡到水個種
菊花薑蜂蜜茶
帶有少少薑既香味,但飲落唔辣,好清新
2枝飲品都好夠凍,用黎打邊爐真係一流~又有新鮮感,好過成日飲汽水/酸梅湯咁悶~
貪心的我,當然要食哂兩樣主打啦~
辣雞煲+青檸福壽魚
雞煲叫左少辣,但辣度都有番咁上下
雞肉切得幾好,唔係全部骨,都有好多肉
調味都幾濃~ 宜快食,唔係會越食越咸呀~
另一邊的福壽魚,其實又叫南非鯽
平時食鯽魚好多骨,但呢條魚就啖啖肉,只有幾條大骨
啱哂唔太識食魚的我~XD
魚先煎香,有很香的孜然粉味
再落鑊煲,完全無腥味~
反而青檸味就無乜,可能佢係加青檸落去煲而無另外加入青檸汁~
呢度既鍋底,其實都係餸黎,好大鍋的,食完,都飽左一半
2個人就可以開一鍋啦~
如果想好似我咁食雙拼,就要多D人黎啦~
食完個煲既雞同魚,待應會先幫我地起哂D骨先
真係好專業呀,起到乾乾淨淨,D湯又唔會有骨~
之後加番湯落去就可以啦~
我就兩邊都加左清湯,可以要求加番原味既湯,不過,就要另外俾錢囉~
不過其實加番個清湯都已經好夠味~
邊爐料黎講,餐廳會幫我地執左一份出黎,食完就可以自己再RE ORDER.
慳時間之餘,又唔使煩食乜!XD
牛肉切得好薄,雪花分佈好平均~ ~
魚皮餃煙煙韌韌
豚肉望落都幾肥美呀,D膏仲多過我~
不過碌熟後,肥膏變得好爽口~ 唔似想像中咁油淋淋~
如果鐘意食海鮮,黎呢度食一定無蝕~
呢度的海鮮比平時街的任食邊爐多好多選擇
而且質素仲要係高個隻~
睇下D蠔同鱔片幾鮮嫩誘人~
仲有好少見的特大紐西蘭大蜆,真係超大隻呀~
蝦唔係細架,隻隻都成隻手掌咁大~
最重要係新鮮爽口,唔係霉個D嘛~
再黎,就係原隻上的帶子,
連埋殼咁上,唔使講都知係新鮮啦~~
熟左後既帶子都依然超大,越肥美呀~
仲有連殼的成隻鮑魚仔~ 果皮蒸就食得多,用黎打邊爐真係好少呀
仲有聖子皇,扇貝同水魷都未食,已經飽到呢~XD
以上的海鮮,除左鮑魚仔外,所有海鮮都可以無限任食架~
平時出街打邊爐既所謂海鮮,都係雪蝦雪蟹
以咁既價錢,食到咁高質的海鮮料,真係好抵~
而且有得成隻帶子,成隻鮑魚咁俾你打邊爐既,都唔止收呢個價啦~
當日有個唔知係咪老闆的人
不時都會走黎問下我地,D野食OK唔OK, 又會問下有咩要改善
好明顯佢真係好有心去做好呢間餐廳
我覺得一間餐廳,最緊要係有心去做
肯聽意見,肯改善,就會留得住客人~
P.S. 老闆話四月時會生日優惠,買三送一,五月就應該會做
五月有人生日的朋友留意下啦~ 慳番唔少架~XD
鐵魚川式食堂
銅鑼灣駱克道491-499號京都廣場6樓
如要聯絡本人,請電郵至: smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言