來一次中式放題~ Club ONE
我係一個鐘意食中菜多過西餐既人
不過市面以中菜為主的BUFFET 真係唔多
難得Club ONE 有呢個idea , 而且價錢又抵食，即管去試試
位於Ｍega Box 的Club ONE, 對我黎講好方便, 人流又唔算多，當然係我首選之地
呢間Club ONE 佔左成層，有2邊宴會廳，地方極之廣闊
入門口前，當然要做番D防疫措施。員工都戴哂口罩
好認真地探大家量體溫同消毒，絕對唔馬虎
場內可見每張枱與枱之間都相隔甚遠，每枱食客都保持一定距離
呢間Mega Box 分店的樓底非常高，空間感非常好
而且仲有一邊落地玻璃窗，入席時六點幾，還有夕陽陪伴進餐呢~
今日呢個中式放題價錢好抵食，平日都HKD196，假期都係HKD 224
小朋友更係 HKD110 ，並送兒童拼盤
$196 有咩食？
每位送逾$400既回本熱門菜式
更有任食30款精選菜式
真係食5款熱門菜式都已經賺左啦~
坐低無耐，5款菜式就自動波登場啦~
第一款，每位都可以揀一個湯或翅
濃湯竹笙大碗翅
翅都幾足料架，真係見到一梳梳翅~ 仲有翅裙
個奶白色的湯底非常濃郁，令到入口的每一啖翅都味道豐富
蟲草花響螺燉老雞
雖然望落湯底好清澈，但估唔到個湯比翅更濃味，好似將所有的精華都濃縮左係入面咁
雖然面有少少油，但成個湯保溫得好勁，飲耐D都熱辣辣，超級正。
金銀蒜蒸波士頓龍蝦 (每人半隻)
龍蝦係正常既size, 唔係 mini 版架 (出面食一隻都要200蚊啦)
個蒜香整得幾惹味，連唔食蒜既阿女都話好味
龍蝦身的肉很嫩，剛蒸熟的狀態，一d都唔老
不過我個人覺得有少少削，反而龍蝦箝既肉仲實淨~
原隻蠔皇生扣鮑魚 (每人一隻)
鮑魚成隻上，彈牙有質感, 個鮑魚汁配個西蘭花都好滋味，真係汁都撈埋
不過略嫌有D擺盤大而主角細既感覺
甚至個舊西蘭花都大過佢，視覺上會令人有D失望~
鹽香燒乳鴿 (每人半隻)
乳鴿既賣相非常吸引，皮薄色水靚。令人食指大動
之前以為係脆皮野，不過原來唔係的
鴿身上左醬油，唔算好脆，不過調味不錯，搶回不少分數
除左每人指定必食的菜式外，呢個放題仲有30多款小菜俾你任揀任點架~~
小菜分有前菜，小菜同健康小菜3大類，有涼拌，燒味，到煲仔都有
傳統菜式同新式菜都共冶一爐，絕對可以滿足一家老嫩的要求
不過我發現原來無"粥粉麵飯"提供的，對於要有飯落肚既人黎講好似未夠完整啦~
前菜呢，我點左3款 ，2個涼菜加一個燒味
青瓜海蜇，調味有很香的麻油味。青瓜唔夠酸，整體不過不失
陳醋雲耳
成盤雲耳都偏乾，陳醋可能被吸哂，沒有多餘的汁
而且成碟雲耳仲暖暖地，和我想像的冷盤有少許出入
丹麥叉燒
呢個叉燒瘦得黎又唔會好嚡，少少肥肉但又唔覺肥膩
個蜜汁呢，幾個人口味，鐘意甜既會好鐘意
而我同阿女都幾鐘意呢種甜甜的感覺~XD
小菜方面就叫左3款
草莓蝦球
大大隻的蝦球，外皮炸得香脆，再配上士多啤梨醬汁
蝦球超級大隻呀，肉又實又彈牙，絕對係物超所值
而個外表炸粉都係簿薄的，只有脆口唔會粉厚，小朋友大朋友都大大愛呀~
梨山醬汁骨
呢個骨以鐵煲上，一直都熱熱的，非常有氣氛
排骨先走油，再撈上梨山醬，雖然有D肥肉，但肉實好爽脆，唔會覺油膩
不過甜甜酸酸的感覺不太突出，反而咸味更濃~
XO醬炒蚌柳
呢個菜可謂不惜工本
平時的小炒係菜墊底而肉鋪面，但呢個小菜竟然係用蚌柳墊底
除了面上那幾條蜜糖豆外，下面的，全都係蚌柳呀~~~
而且蚌柳也不是濕濕碎碎的，而是每件都係一整隻，大大塊的
加上XO的微辣感，真係看著開心，食著爽心~
雙蔥美極件仔肉
呢個菜送上來的以為送錯了，因為找不到雙蔥呢
原來因為原料缺少了。所以變成了蜜糖豆炒牛仔肉，
牛肉很易咬，亦有小炒的鑊氣，不過味道有點兒過濃了~
可能之前的蚌柳太吸引，令呢個小菜變得有點兒平淡了
健康小菜呢欄，我媽媽揀左綠野禪蔬
非常清新同出色的一道菜
所以菜都好新鮮，炒得又爽口，蔬菜的味道又鮮甜，仲可以中和小炒的濃味
因為咁，我媽叫左2碟，仲食哂~ XD
中式放題，每人都包括一個甜品
有雪糕和布甸揀
瑞士Mövenpick 雪糕 ，有雲呢拿同朱古力兩款味
媽媽揀的芒果布甸，入面有整舊芒果粒的，賣相和味道也不錯呀~
係呢D時間食中式放題安全好多，唔使個個出去攞野食嘛
平時去酒店食buffet 見到成盤中式菜式，我真係無舉筷既意慾
但呢個小炒放題，每個菜都好精緻，好吸引
而且中式小炒老老嫩嫩都啱食，尤其屋企有老人家的，更加啱
家下出街食飯求求期期都要200蚊一位，家下以咁既價錢食到咁有質素既放題，我覺得真係物有所值。
會所1號 港灣皇宴
ClubONE The Bay
Tel : 27988866
產品及資料由品牌提供
如對產品有任何疑問，可直接聯絡品牌查詢
文章只屬個人意見，效果因人而異，只供參考
Instagram : https://instagram.com/smonkichi/
Click below for my sharing platform :
留言
張貼留言