適合假日放空的寵物餐廳~ Chill Inn

香港到處人山人海,想係假日舒舒服食個TEA都諗到頭痕~
九展就係一個我假日會到既優閒地方,人少少,地方又大,坐得舒服之餘仲唔會嘈到頭暈
最近呢度開左間超大的餐廳,唔單止環境舒適,仲係一間竉物CAFE 黎


呢間位於地下的餐廳,門口位都已經非常壯濶~ 
入口處除左係收銀處,TAKE AWAY,仲有一個雪櫃


入面有好多可愛的動物蛋糕,呢D真係俾寵物食架~
佢好細心咁寫埋成份,以防毛孩敏感~ 好細心呢~


呢間餐廳其實分開2邊,一邊就俾帶寵物的顧客坐,而另一邊只係俾客人坐
兩邊係隔開不相通的,怕毛孩的朋友都唔使驚呀~ 

我地坐呢邊無寵物,但透過玻璃,可以望到小寵物的萌様同可愛的動作,都係一種好好的享受呀~

餐廳環境好闊落,枱同枱之間唔會好迫
簡單清新的設計,配以大玻璃窗,望住出面的綠色環境,好適合放空~ 


呢度仲有一間滿帶熱帶風情的房間,適合一家大小或良朋歡聚~


有一個CORNER位,有哂擴音器,唔知平時夜晚係咪會有歌唱表演呢?


而另一邊就係專俾帶寵物既朋友
同樣以清新的園林設計,地方同樣好大


呢邊的枱都係靠邊放,中間留有好多地方俾毛孩走動
而且仲有唔少影相位俾各位主人幫寵物影靚相打咭~
門口更設有欄柵,防止寵物出失,主人們可以安心係度同朋友傾計啦~


呢度既LUNCH SET 由上午11:00 去到下午5點呀,正
(溫馨提示:帶寵物個邊有另一個餐牌,價錢不一樣唷~) 

有女生最愛的Fruity smoothies bowls 同沙律餐呀
仲有阿女最愛的 ALL DAY BREAKFAST~~HAHA 


LUNCH SET 由65蚊起,包一杯飲品
餐廳以東南亞FUSION 菜為主,種類繁多,有泰式,有西式,有日式~

我就叫左一個西式配馬拉的FUSION 菜,安格斯牛肉片喇沙湯麵

安格斯牛肉片比平時既牛肉片滑好多,而且亦唔肥牛咁多肥膏,瘦得黎又唔韌
喇沙湯底只係非常輕微辣,而且有好濃郁的椰香味

麵條係正宗的黃麵,煙韌有口感


跟餐其實包一杯飲品,而特飲的話就全部半價
我叫左呢個派對白桃烏龍茶,成壺上,感覺很HIGH TEA 呀~
不過整體感覺偏淡,茶味唔夠濃, 玫瑰花香比白桃味更出 ~ 重口味的我覺得爭DD ~ 
不過食完D喇湯再飲番杯又可以解膩同清新口腔,所以又唔算太差~


我女去到邊都要叫ALL DAY BREAKFAST
一見MENU 有 ALL DAY BREAKFAST 就要點,好搞笑


呢個ALL DAY BREAKFAST 又真係好豐富
比平時食開的份量都要多,淨係個個蛋同麵包都已經覺得好飽
阿女讚個麵包好好食呀~

沙律方面都好有驚喜,因為加入左左菠蘿,唔係1 , 2 粒,係好多粒
直頭可以做到菠蘿沙律。菠蘿配埋個醋,又真係幾好味呀~ 


呢一個要推介係呢個煙士扒
佢無平時既煙肉咁肥,瘦肉多,而且又唔會燒到好乾
有D似火腿既感覺,我鐘意呀~ 


最不得了的,就係呢個特飲
芒果士多啤梨乳酪沙冰


淨係個樣都好引呀
雖然話係沙冰,但感覺似SMOOTHIES, 非常滑,好似CREAM咁滑,
直頭覺得自己飲緊奶昔
但佢又無奶昔咁甜,味道好清新下,非常推介的一杯特飲,女生一定大愛呀~


Chill Inn
九龍灣展貿徑1號E-Max 國際展貿中心地下21-23號舖


如對產品有任何疑問,可直接聯絡品牌查詢
文章只屬個人意見,效果因人而異,只供參考 
如要聯絡本人,請電郵至: smonkichi@hotmail.com 



Click below for my sharing platform :



留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®