中西日韓任你揀~Chopsticks Fork n Knife

 千等萬等,終於等到官塘市中心的凱匯落成了
作為官塘人的我,當然要去探探

凱匯賣野既店鋪都係以前舊官塘的小店
反而開左好多餐廳,有D驚喜

等我慢慢試下啦~
第一間,就係位於2樓的 
Chopsticks Fork n Knife

餐廳以園林風為主題
以金色枱椅配搭綠色植物,整個感覺幾高雅

最特別的,當然係呢個位於半戶外的位置
係呢D涼涼地既天氣好舒服~
呢度雖然係半公眾地方,但因為全層係餐廳,所以唔會有太多人行黎行去
感覺唔會嘈同多人,設計幾好~




睇餐廳名 又刀又叉又筷子,就知呢D係食多國菜,
睇下MENU,果然中西日韓乜都齊~
對於選擇困難症既我,實在有D難落手~HAHA 
睇MENU都睇左好耐 ~


我個人有少少奇怪,即係某D 菜又唔可以同某D菜一齊食~
最後揀左呢3款野~HAHA

酥炸魷魚圈 ($68) 


魷魚圈SIZE 都幾大個圈同幾厚肉架~
外皮炸得鬆化,唔油膩
魷魚好嫩滑,一D都唔韌,亦唔會炸乾~ 
非常有驚喜同出色的一個炸物小食
用黎佐酒一流~ 



海南雞 (例牌 $108) 


呢個海南雞唔係飯,係一個餸~
不過可以另加20蚊加個油飯~


海南雞係星加坡式,比較精緻,跟雞仲跟齊3個醬汁 

雞係全去骨,做得幾嫩滑,而且仲幾厚肉
雞皮無乜肥膏,仲幾爽口~ 


食海南雞,我都幾注重個醬汁
好食的醬汁會令成個海南雞加分好多
呢度既醬汁有齊哂3款醬,分別係 薑蓉,酸辣汁同黑醬油

尤其以當中的酸辣汁特別出色好味 
佢似自家調味的,酸辣酸辣,幾開胃,同雞肉好夾~

另加20蚊的油雞,入口非常香,而且唔油膩
不過個飯既質感有D嚡嚡地碎米的感覺
個人就唔鐘意食呢種米 ,但整體個飯既味道係幾好的 



呢排天氣凍凍地,又坐OUTSIDE, 想點個熱熱地既辣湯飲下~

泡菜豚肉辣豆腐窩 ($98) 


這個泡菜窩的話,實在有點不太韓式的感覺 
菜式的樣子和器皿加起來,給我的感覺比較中式


豆腐的確很嫩滑,豚肉的份量也很多,而且肉質不錯
辣味是十分輕微的~
窩內還有金菇,洋蒽,脆玉瓜~ 
但說好的泡菜好似唔太見~~


整個菜給我的感覺很中式家常的豆腐豬肉一品窝
味道是正常的,但卻沒有了那份辣式辣味~ 
味道不愠不火,缺了那份韓式的辣勁

相比起韓式,餐廳的中菜做得比較出色,下次有機會試試西餐既扒先~

Chopsticks Fork n Knife (CFK) (裕民坊YM² )
觀塘協和街33號裕民坊YM² 2樓204號舖

文章只屬個人意見, 只供參考

如要聯絡本人,請電郵至: smonkichi@hotmail.com 


Click below for my sharing platform :


留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®