Sally Ngai's Private Heart

有無發覺係旺角搵地方食飯好奇怪 明明一街都係食肆，但總係唔知入邊間好？ 唔係太貴就係劣食 今次誤打誤撞試左呢間泰式餐廳，感覺價錢公道，食物又夠份量，下次諗唔到食乜，可以黎試下 每次食泰國菜，冬蔭公必定要會試 今次試左一碗小的 $ 78，份量夠2-3人 呢度嘅冬蔭公好啱我胃口，佢唔會太酸, 又唔會太辣 而且湯底非常濃郁，小小一碗竟然有4隻蝦係入面添~ 仲有好多秀珍菇同蕃茄仔，少少辣，飲完非常暖胃又飽肚 小食點了一個炸蝦餅 $88  蝦餅是即點即炸，上枱時熱辣辣，脆卜卜 外皮香口鬆化, 蝦肉結實彈牙~  泰式乾炒河粉 $69   河粉可以揀牛肉，豬肉，雞，雜菜或海鮮  河粉真係超大一碟，入面仲有好多雜菜, 肉都唔少，食極都有，呢個價錢，呢個份量，真係茶記都食唔到  當然唔止大碟，而且仲好有鑊氣, 上枱時香氣騰騰，令人食指大動。 另一個非常抵嘅係呢度嘅飲品 即使是泰式特飲都係25蚊，係咪好抵飲呢  叫左個龍眼冰同咸檸七，非常有泰式風味，用黎配辣野非常夾~  食飽飽後行過對面就有紅VAN 坐回家 真係好鬼方便呀 以後我都識地方食飯啦~~  阿來泰式地道風味 旺角通菜街97號地舖

  近年香港多左好多火鍋放題 但有時d食物質素真係一言難盡..... 所以對於放題的火鍋， 我一般都抱平常心，但求食飽飽就算。 呢間馬祖台式火鍋，令我對火鍋放題的質素改觀不少。 馬祖火鍋放題係一個價錢，無限時任食 除左有十幾款火鍋湯底，仲有超過六十款火鍋配料，多款飲品任飲。 呢度貫徹台式火鍋的特色，超多湯底選擇。 今次揀左田園濃湯蕃茄牛肉湯底同日本壽喜燒Yukiyaki 野菇湯底都非常值得推介 前者有很香的蕃茄同牛肉味， 好似飲緊蕃薯牛肉濃湯。 後者的菇菌湯底非常清甜， 淥菜淥肉都好夾。 香港人打邊爐主要都是食肉為主。 呢度嘅肉類的確有水準。  牛肉全部都係安格斯 Prime Grade 級別, 有 安格斯牛肉， 安格斯牛頸脊,  安格斯極上霜降牛小排 單止顏色鮮美， 而且大大片， 雪花均勻， 肥瘦適中， 有美感，有質感，唔會薄到似紙，夾到碎濕濕~ 就連豬肉都係伽伊利比亞黑毛豬同無激素黑毛豬，入口爽滑彈牙又唔嚡 絕對對得住呢個放題價  除左肉類，仲有唔少海鮮可以揀 我點的沙白， 海蝦, 元貝,  全部望落去都好新鮮，好靚仔~  估唔到D海蝦咁大隻，入口爽口彈牙，證明真係新鮮野, 唔係雪到霉霉個D。 呢度仲有唔少手工丸，手工黑松露墨魚丸，非常香的黑露味，入口好有勁 手工蝦丸真係有成隻鮮蝦係入面。 好推介呢個台式長豆卜，佢吸哂D湯汁，十分好味，必點ITEM~ 作為台式火鍋，一定配備唔少台式火鍋配料 台式黃金地瓜條仲配有4款SHAKE SHAKE 粉，好似去左台灣的地攤呀~ 飲品方面當然都係任限任飲~ 仲有多款自家製台式飲品~ 我女好鐘意愛文芒果苿莉花茶，我就鐘情日月潭蜜香紅茶，非常解膩 甜品方面有多款Dreyer's , Haagen Daz 同Movenpick 口味，完美結束今日的 馬祖的價錢未必是全港最平, 但呢個價錢同質素，而且係無限時任食 相信都無幾多間可以做到。