Sally Ngai's Private Heart

星期日，和女兒到家附近的淘大商場走走 這家店中午12點開，還未開始排長龍，就去試試吧~  這間店金黃吊燈配搭大理石，感覺似日治年代的豪華感覺~  雖然剛開門，都已經不少人入座~  雖然係假日，但仍有午市套餐供應，而且有2款 價錢較平的開心午餐和較豐富的豪華午餐 開心午餐就係一個主食配搭不同的甜品 豪華午餐就主食較豐富，但甜品就簡單D  對於女生來說，開心午餐真係開心D~XD  我點了一個較新鮮的雞肉柚子胡椒鹽味屏屏麵~ 一黎柚子煮麵較少食，二黎都好想試下咩係屏屏麵~ 這個麵嘛，開始時感覺比較油膩 滿滿的油鋪滿了一層~  不過入口的柚子很清香，而且能解去了那個油油的感覺 雞肉係先煎過的，很嫩滑~ 屏屏麵就係很闊的那種麵，也多得面層那油，令麵條非常滑~  這個麵的感覺很新奇，柚子味湯底尤其清香，當然，油少點的話會更好~  附麵一併上的酸菜蘿蔔，甜酸適中，很開胃呢~  女女就叫了較常見的豬較骨拉麵 湯底的話很濃香~  豬較骨很腍，一咬就開~  拉麵軟硬適中，囡囡一個人差唔多食哂~@@  來麻布茶房，一定要飲抺茶呀 這個熱抺茶牛奶，雖然面層有厚厚的CREAM，但入面的抺茶茶味很香濃 係真有抺茶味個種呀~  冬天來一杯，實在會暖上心頭~  我揀左開心午餐B餐 可以揀一款燒蕃薯霜淇淋 我點了杏子金時,  杏子係乾果，有3-4粒，都係大大粒的 雪糕下的黃色蕃薯蓉係熱的，而且很甜 配著雪糕食，感覺很特別~  不過雪糕要食快D，因為溶得都幾快呀~ 女女叫了C餐，配上巧克力聖代 就係雪糕加上生果，香蕉 比起燒蕃薯霜淇淋，就顯得普通了 不過，對於小朋友，雪糕就是可口啦~XD  下次有機會要黎試下晚間的豪華火鍋大割引 半鍋全部半價呀~  麻布茶房  Azabu ...

年假的最後一日，終於有時間囡囡去看一場戲 "快D啦牛牛" 除左小朋友，呢套戲亦適合大人睇 反思一下大眾所認為"對"的生活目標係咪一定啱 盲目的跟風係咪真係開心 究竟知唔知自己想要D乜，清唔清楚其實自己的將來係點 睇完戲，醫個肚先 戲院入面就有間食HAMBURGER，小朋友最開心 GRUBERS 綠白色的設計，墨綠色櫃配上白牆，加上木板鐵椅子，係懷舊工業風吧 簡潔但舒服 一邊更有私穩度極高的卡位~ 3邊圍上了高高鐵欄，加有一盏私人位吊燈 製造了一個小小的自我空間~ 另一邊則感覺完全不同， 餐廳雖然係室內，但極高樓底加上光猛落地大玻璃 陽光射進來，有一股假日的慵懶感 另一個角落，有一排高櫈，感覺比較causal~ 餐廳係半自助形式，先到櫃枱點餐 之後就可以拎埋位等送餐 (記得要係張枱上面o都一下，餐廳先知你坐邊架)  餐廳中間有自助餐枱，有多款調味料 除左有茄汁同芥末醬，仲有蛋黃醬~ 至於食物方面，MENU 好似好雜複，其實都好簡單 餐廳會預設包的一d 餡料，有蕃茄/菜/芝士 我地可以揀自己鐘意既漢堡扒，再揀TOPPING~ 自己設計出一個屬於自己的漢堡飽~ 餐廳，仲有套餐供應 SINGEL MENU 係一塊扒，DOUBLE MENU 係2塊扒 加一個SIDES (可揀沙律/薯條) 同飲品 要了2個套餐 囡囡揀的飲品，全部都係士多啤梨 士多啤梨鮮果汁及士多啤梨奶昔 雖然大家都係士多啤梨，但感覺係異回的 鮮士多啤梨汁味道很鮮甜，沒有人工的假香，完完全全感受到鮮果的香甜 士多啤梨奶昔亦很清新，是鮮士多啤梨加奶而成，不同連鎖店那種糖醬奶的味道， 味道唔太甜，反而入口很清香，加有少少的冰粒一同打碎，更加冰凍入心 兩款飲味都令我對士多啤梨味的飲品改觀了 薯條比較特別，是扁扁的那種 有脆脆的外皮亦有軟軟的薯肉~ 另一款SIDES 就係呢種波波丸，其實係雞肉黎，類似麥樂雞 但當然肉質滑好多，外皮香脆，入面JUICY,  2款SIDE...

表妹要結婚啦~ 作為表姐既我真係好感動 話哂由佢BB開始睇到佢咁大 仲記得佢細細個出頭髮個3執毛好搞笑 同埋著住片行路磴下磴下既搞笑樣 話哂快，已經亭亭玉立嫁人啦~  T.T  星期日同左佢地一家大細去睇下結婚場地 表妹話唔想大搞，都係攞十幾圍度， 但又想BOOK哂個場, 唔想有其他閒雜人等出出入入 於是住九龍東既我地就去睇左呢間 CLUB ONE 德藝會 呢間係正九龍灣上蓋，穿過德福商場就到 地點超級方便，唔使D姨媽姑姐 e e 哦哦話遠啦～ 入黎到既感覺好舒服 窗明几淨，典雅大方~ 呢個門口位咁闊落，迎賓送客都好大體 影相出黎唔使迫迫夾~  一入大堂，即刻俾佢既色調吸引了~ 藍襯白的簡約配搭，係咪好有仙氣呢~  依家新一代人都唔興要大紅大金的結婚場地啦~ 呢D簡約富現代感的設計就更啱心水~  問番經理，原來呢度係新裝修 掛不得裝修咁IN 啦~ 唔似舊式個D結婚格局~ 牆上既掛畫都係一樣咁清新，不落俗套~  酒席包埋基本迎賓的基本佈置~ 雖然話簡單，但油畫架，枱布，枱花，水晶燈咩都齊哂 而且同入面既大堂既設計TONE 一樣 除左包門口佈置外，呢度本身既BACKDROP 都已經好靚 蛋糕，白色琴，布幔，全部都襯到一個點 酒店仲會送埋新人的名牌放係中間 我覺得呢度送既佈置已經好足夠，太多野，只會落得庸俗 唔使搵人重新設計同佈置，咁又慳番幾千蚊啦~  婚禮當日，新娘房都幾緊要 事關我結婚個時既新婚房細到不愖，連換衫都無位咁濟 而我就超級鐘意呢度既新娘房啦~  須知道，新娘既裙係無可能一個人著到 即係往往要搵埋伴娘一齊入去廁所換 而平時個D只夠一人企既廁所，真係迫到，人入左，裙都入唔到~  好多時，要趕哂D人出去新娘房關門換衫~  而呢度既廁所，真係無限大，三個入去都無問題呀~ (點解要3個人？)  第一個新娘啦 第二個，伴娘/姊妹幫手換衫 第三個，伴娘/姊妹...

復活節前夕，費事再煮飯啦, 一於出街食~ 去左德福第二期的嚐越  (搬左位，之前係角落的)  好彩未到七點就到，唔使等就有位 我地食完之後已經排左好多人~ 呢度有成張園枱，適合一家大細 亦都有4人卡位，可以情侶對坐~ 眼見2個人一張枱都無話要搭枱，OK啦~ 是晚以飽肚為主，阿囡又唔係好食得辣~所以叫左2個粉~ 鮮黃牛脊河粉~ 湯底幾好味，不過牛脊肉略厚，全熟後就有D 嚡同 UN~ 唔係想像中咁滑~ 牛河中有唔少芽菜同3粉蘿蔔，蘿蔔幾淋幾入味，不過好細舊，多D就好了~HAHA  呢度既小食同粉麵差唔多錢 見叫個豬扒小食都 八十八蚊，咁不如叫個豬扒檬粉啦~ 豬扒有濃香香茅味，而且好淋，阿囡差唔多一個人食哂~@@  檬粉唔會淋到一PAT PAT ，混埋牛脊肉河的湯底，好好的配搭~  嗜辣的朋友可以叫待應攞番辣醬(是拉差醬) , 因為枱面無放的~ 呢個係我食越南必備的~ 少少辣吊吊味，成個粉即刻好味哂~ 是日見好多人都叫雞，原來做緊特價~ 我地都唔執輸，叫左半隻 (特價HKD 80)  南乳吊燒雞 上枱時已經被佢D脆脆皮吸引啦~  皮好薄，又唔多膏~因為似風干，唔係油炸，所以一D都唔油膩 而且雞肉仲好嫩滑~ 南乳唔係搽好先燒，而係分開沾，不過南乳好似無咩煮過，陣味怪怪的 唔沾仲好食~ 因為唔係新鮮雞，無咩雞味~ ~  甜品時間，造型WIN左既漢堡香芒黑糯米 配上類似咖椰醬~ 不過呢個甜品賣相好過內涵 黑糯米比較硬，咖椰醬又太少太杰，如果多D汁會好好多~  兩個粉每個HKD 65加雞 HKD 80蚊, 甜品 HKD 58 都係268 再加埋一都係294.8 但埋單要324, 走左先諗起，唔知點解貴左，唔知加左D咩費~ 唔通係茶位？   嚐越 Deli Viet 九龍灣德福廣場2期4樓413 – 414號舖 如要聯絡本人，請電郵至：  smonkichi@hotmail.com ...