精緻又仙氣的結婚場地~ CLUB ONE 德藝會

-

表妹要結婚啦~
作為表姐既我真係好感動
話哂由佢BB開始睇到佢咁大
仲記得佢細細個出頭髮個3執毛好搞笑
同埋著住片行路磴下磴下既搞笑樣
話哂快，已經亭亭玉立嫁人啦~  T.T 

星期日同左佢地一家大細去睇下結婚場地
表妹話唔想大搞，都係攞十幾圍度，
但又想BOOK哂個場, 唔想有其他閒雜人等出出入入
於是住九龍東既我地就去睇左呢間

CLUB ONE 德藝會


呢間係正九龍灣上蓋，穿過德福商場就到
地點超級方便，唔使D姨媽姑姐 e e 哦哦話遠啦～

入黎到既感覺好舒服
窗明几淨，典雅大方~

呢個門口位咁闊落，迎賓送客都好大體
影相出黎唔使迫迫夾~ 

一入大堂，即刻俾佢既色調吸引了~


藍襯白的簡約配搭，係咪好有仙氣呢~ 
依家新一代人都唔興要大紅大金的結婚場地啦~
呢D簡約富現代感的設計就更啱心水~ 

問番經理，原來呢度係新裝修
掛不得裝修咁IN 啦~ 唔似舊式個D結婚格局~

牆上既掛畫都係一樣咁清新，不落俗套~ 


酒席包埋基本迎賓的基本佈置~


雖然話簡單，但油畫架，枱布，枱花，水晶燈咩都齊哂
而且同入面既大堂既設計TONE 一樣


除左包門口佈置外，呢度本身既BACKDROP 都已經好靚


蛋糕，白色琴，布幔，全部都襯到一個點
酒店仲會送埋新人的名牌放係中間
我覺得呢度送既佈置已經好足夠，太多野，只會落得庸俗

唔使搵人重新設計同佈置，咁又慳番幾千蚊啦~ 

婚禮當日，新娘房都幾緊要
事關我結婚個時既新婚房細到不愖，連換衫都無位咁濟
而我就超級鐘意呢度既新娘房啦~ 

須知道，新娘既裙係無可能一個人著到
即係往往要搵埋伴娘一齊入去廁所換
而平時個D只夠一人企既廁所，真係迫到，人入左，裙都入唔到~ 
好多時，要趕哂D人出去新娘房關門換衫~ 


而呢度既廁所，真係無限大，三個入去都無問題呀~
(點解要3個人？) 
第一個新娘啦
第二個，伴娘/姊妹幫手換衫
第三個，伴娘/姊妹幫手換衫, 幫手除首飾/換首飾 
第三個角色其實好重要，有時D衫真係要兩個人先搞得掂架
而且多個人幫手除首飾，換衫真係可以快好多架~
( 過來人心得黎架) 

而化妝間裝備當然都重要啦~
成排燈既化妝枱唔少得~ 
仲有夾萬，蒸氣熨斗，好貼心 
看似好細眉細眼，但個一刻條裙縐左，無熨斗就真係無得救架啦~ 

唯一有少少唔方便，就係新娘房唔係係大堂入面~同大堂有小段距離囉~

呢度個場最多可以筵開16席

不過只要過4萬(平日 1-5 )  或 6萬 (星期六/日, 公眾假期) 就已經可以包哂成個場
結緍黎講 6 萬蚊真係郁下就過到啦~ 

以我既經驗，訂酒席最煩就係D隱性收費
我聽過既除左上面提過既通漲附加費
仲要分餸要收錢，椅套要收錢 ..... 
真係一步一驚心
而CLUB ONE 最好就係明碼實價
係咁多就咁多~ 
唔會失預算

另一樣好緊要，就係音樂，燈光
BIG DAY 係一生人一次
當日如果音樂出唔到，燈光唔著，真係好大吉架嘛
呢度會有專人幫你跟進音響/燈光，由BIG DAY 前已經聯絡你開始安排
確保BIG DAY 可以順利進行  
( 唔使下下靠個班"唔可靠"既兄弟~T.T)

表妹問我點，對於呢個場，表姐我就好滿意啦
好骨子，靚得黎又唔老土
踏實不浮誇
最重要係價錢好吸引 

我見表妹留左係度好耐都唔捨得走，應該佢都幾鐘意呢個場~

就黎結婚既朋友，不妨都可以考慮下

Clubone 會所1号​ 德藝會
地址：九龍灣德福花園平台P13-14號

Club One Website 
https://www.clubone.com.hk


如要聯絡本人，請電郵至： smonkichi@hotmail.com



留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容