Sally Ngai's Private Heart

朋友介紹呢間位於兆萬的火鍋 開初都有D擔心，不過食完後都好有驚喜~ 訂左七點半，早左幾個字上到去，的確人山人海，最後都係準時7點半入座。 呢度係2個小時任食，所以建議先訂枱，唔係會有排等 至於價錢，就不同時段有不同的價錢 仲可以自己決定額外加刺食或海鮮，豐儉由人 要加刺身，其實只係每位加多30蚊 但質素比想像中好，唔單止擺設靚，夠大塊，又唔會雪到凍冰冰 呢30蚊，抵加~ 至於湯底的話，除左有雞煲，仲有中式同日式湯底揀 都幾多選擇~ 因為係等候期間聞到勁香的椰子雞煲味 所以大家都2話不說點左呢個湯底~ 雞煲除左有藥材湯底，仲有成隻雞~ 不過椰子就比想像中少~  既然一埸黎到，當然要食盡D 我地每人加左59蚊，點左呢個龍蝦鮑魚海鮮船 呢個海鮮船，有夠震撼的 我地係3人份量，所有每款海鮮都有3件 聖子，都用上了聖子皇呀~ 每樣海鮮料都洗得乾乾淨淨，切得靚靚仔仔~ 至於其他的海鮮料，都係大大隻的 絕對唔係普通CHEAP CHEAP 貨 而且用料都係新鮮靚料，唔會甩頭甩殼~ 至於正常的火鍋配料，選擇都唔少，質素都很好 牛肉/豚肉肥瘦適中， 又唔會雪到死實，樣子討好~ 特別推介呢個爆漿芝士丸，芝士香濃，外皮夠薄~ ]反而九菜水晶丸就麻麻，九菜太少，而且皮太厚~ 菜的話亦非常新鮮同乾淨 呢度既醬料架真係好正，唔單止整齊，仲大兜選擇又多 除左平時食開的醬料，仲有好多特別醬 好似柚子醋/淅江醋/ 甜雞醬等等等 飲品方面，都幾多野揀，而且有d飲品都幾特別~ 甜品的話，有雪米滋同呢款方型雪條 榴槤味同紫米味 也夠過癮過癮了。 雖然兆萬的食肆名聲不太好 但呢間壹火鍋的質素比想像中好好多 而且價錢又實惠 難掛咁爆場啦~ 壹火鍋 旺角西洋菜街1號兆萬中心16樓 文章只屬個人意見，只供參考 如要聯絡本人，請電郵至 ：  smonkichi@hotmail.com ...

每種地方的菜，都會給我不一樣的感覺 中式小炒的熱鬧 泰式料理的狂熱 法式料理的高貴 以及日式料理的恬靜 是夜，掀起了道鮨的門幔，來一頓寧靜的晚餐~ 簡潔和式設計配合靜逸的氣氛，心情也放鬆下來 這個位於中心的廚司枱也是餐廳的中心 是夜，由師傳發板~ 對於OMAKASE，可以說是舊友，也可以說是新知 雖然也品嘗過不少 OMAKASE 但每一次，都會學到新的知識，新的品種和不同的烹調 每一次，都是一次新的體驗~ 都說認真的男人特別吸引~ 師傳的認真令我不期然噤聲觀賞~ 前菜三點 包括有菠菜蝦、玉子以及胡麻豆腐共3款冷盤 菠菜味道偏淡，以蝦味調味，夠清新 玉子的話係冷冷的，有點兒硬實 胡麻豆腐原來奈良縣和和歌山縣的特產菜，不是用豆腐而是用葛根粉 和坊間的芝麻醬加滑豆腐是兩碼子的事~ 這個胡麻豆腐質感比想像中實，不似豆腐的軟滑，反而有點似豆糕的感覺 味道都是淡淡的，那朵精雕細琢的大根花，美得不忍食呀 4月的天氣，春夏交替 就連食材也以清新的感覺為主 Omakase 均以淡起步，刺身先來吧 真鯛刺身 師傳特意用上了背和腩的兩部份，一次過試哂不同的口感 鯛魚本身肉味偏淡，以肉質的彈性最勝 背和腩位的油脂沒有分別太大，只係背位更爽 深海池魚 同樣一次過上了背和腩的部份 肉質的比鯛魚更有彈性，初夏的池魚味道和油份偏清淡 想食更多油脂的，等到盛夏吧~ 就在我還在回味中，師傳快手送上了這個 我最愛的帶子呀..... 超大的一隻帶子，經過少少調味和火炙過，有一陣海鮮的香氣 但入面仍保住帶子的鮮嫩口感~  好想要師傳來多客~XD  再來白象拔蚌，怎麼都係我喜歡的呀 師傳實在太了解我了~XD 白象拔蚌切成幼條，爽爽脆脆，帶貝殼的咸鮮味~  這個，有沒有日本花道的感覺 北海道牡丹蝦，初夏的蝦以籽為主，師傳說如果是膏，又是另一種製法了~ 師傳將蝦頭內的精華再加上蝦肉，成了一個蝦球~  牡丹蝦不用說，味鮮甜膠質重，再加...

官塘的工廈，真係百花齊放 食極都有新驚喜~ 註：我已經成為朋友間的官塘詢問處，成日問我官塘有咩好食~XD  今次，就想介紹下呢間最近去過既 丼瀛 J-city (丼 讀 "噹 "呀) 呢間鋪係間係正APM 後面條街，由APM一穿出黎就到 (如果你識) 好方便，唔使行到好入好遠的海皮個邊 店鋪入面都以日式裝修為主~ 而且佔地都唔算細，枱櫈又可以自由組合，一大班人都OK 有番5-6個朋友，更可以坐入呢間半開放既房  (半開放係因為上面有個窿囉)  而且仲唔使另外收費架~ 此外，呢度仲有個大大的露台 又有風，又有景~ 可惜當晚有D凍，唔係既話，老公一定坐出面呀~ 這塊玻璃，盡顥老闆的幽默~XD 第二個賣點，呢度做緊開業優惠 龍蝦刺身爆丼又大碗又抵食, 只係賣緊 228 其他丼，都係講緊百多蚊鬆d (絕對滿足香港人既心態，大件夾抵食)  開始以為佢送錯，都未叫野食就有菜上 原來呢個炸物係前菜黎架 係炸三文魚黎，味道酸酸地，好開胃 第一次食咁樣的前菜，真係好特別喎~ 今晚同老公食飯，俾D好野佢食下啦~XD 中吞拿刺身~ 食件刺身者，咁有仙氣~必影打咭位呀~ 淨係望住D分怖均勻, 縱橫交錯的紋理，就已經感受到個份油脂滿口的甘香 入口果然不失所望，味道鮮甜~肥腴適中~  入口有少少冰凍，再放暖一陣食會更回鮮~ 久仰大名的海膽杯 終於見真身了 北極光海膽杯 高腳杯內放滿了不同的材料，砌得實實的~ 最吸引，當然係杯面上那2塊超大加拿大海膽 還有一埋黑黑的魚子和橙橙的三文魚子~ 墨綠的沖繩海葡萄爽爽脆脆的，中和了的海膽的膩 不要錯過了那片脆脆的餅，是由魚乾仔燒烤而成，很有心思和心機呀~ 這杯是餐廳的招牌菜，來自網上的資料 "老闆樂師傅是國際北極光協會的香港區大使， 他為了這活動創作了幾款菜式，「北極光海膽杯」，真係別具意義呀～ 　　除了面層的各種魚子，原來裡面還有松葉蟹、蟹膏豆腐、海膽豆腐和紫薯等， ...