Sally Ngai's Private Heart

有日放假同阿囡去新蒲崗行下 玩完個公園，中午要醫肚啦~ 見到隔離有間野好得意，叫窩子 阿囡見到人地門口D相，已經諗定要食咩啦~XD  見佢價錢又唔係貴喎，幾十蚊已有交易~ 係門口望好似無咩裝修咁 入面估唔到都係一個影相既好地方~ 所有佈置都好懷舊，好似去左花樣年華既年代~ 見到個咁勁既廚房，個出品都應該有番咁上下啦~ 呢度既每個角落都可以係影餐慒~ 加埋佢隻TIFFANY BLUE 的藍，成個環境都好有電影感~ 有時去CAFE ，環境真係好重要的一環 坐低先黎個LATTE~ (又係LATTE~XD)  呢度既LATTE, 咖啡味較重，在奶香中仍突出到咖啡的香味和甘味~ 慢煮牛面肉配法飽 (或扁意粉) 牛面肉是超淋的，就係唔使大力都已經撕得開~ 而且肉都已經入哂味~  個汁有少少甜甜地咁，用黎配意粉我覺得仲正 ~  另一個係新出品 日式海鮮大阪燒PIZZA~ 呢個係日式燒餅啦~ 不過個底就整成好似PIZZA咁~ 上面有雞肉紫菜，淋左燒汁~ 最鐘意中間係夾滿左菜~ D菜仲可以中和燒汁的膩，食起上黎無咁漏~ 仲好啱要KEEP FIT 的我地 (咁樣諗會好過D~XD)  可惜.......阿囡唔食菜~>< 搞到成個PIZZA 要我食哂咁濟~ @@ 飽到呢~ 本黎已經好鬼飽，但應承左阿囡要食甜品~  心太軟 MOLTEN CHOCOLATE CAKE 阿囡一見到個雪糕CONE就發左癲~ 個CONE滿佈朱古力漿，好吸引~ 加埋D M & M 同雪糕一齊食，爽呀~  心太軟就嫌個心真係太軟啦~ 蛋糕只係薄薄一層，入面全部都朱古力漿 用黎MIX埋個雪糕都還可以 就咁食就覺得太漏了~ 呢度既佈置處處見心思 就連個MENU都整到好似手冊咁 假日黎新崗，原來都有好好HEA 既地方架~ 窩子 WoZi 新蒲崗仁愛街36號地下 G/F, Yan Oi Str...

上次係藍田食過蒸氣石鍋後，媽媽好鐘意 今日經過新蒲崗見到呢度都有間喎，於係三婆孫又再食過~HAHA 呢間位於越秀廣場對面既潮福，唔知係咪總店，比起藍田個間殘舊左D~ 好似屋邨酒樓格局咁~不過座位都幾寬敞，尤其係卡位，4人坐都好鬆動 唔知係咪今日係星期二，得半間滿~ 仲有好多吉位添~  唔使同人迫又幾好喎~ 唔同時段都有折頭，開到夜晚3點架，對於D夜鬼都最啱~ 花生10蚊，茶芥12蚊~ 不過花生幾好食~HAHA 呢度都有得揀海鮮，D蟹真係新鮮到爬上黎架~ 呢度同藍田最唔同既地方, 係有套餐架 有$298 同$398 揀，幾抵食喎~  因為散叫的話未必食到咁多款，而且都唔係平架 有款花竹蝦, 二百幾蚊一隻架~OOO 落單時女待應不停係度問問問, 催催催，連俾人諗下既時間都無~ 咁搞法，好易食過千架 所以最好諗哂寫低再叫佢黎落單~HAHA~ 最代表性的，當然係尼個石鍋同個蓋啦~  叫左個鮮淮水瑤柱粥底 細SIZE 80蚊~ (應該係必食架啦) 蒸野前先係個底放哂所有米, 鮮淮山同瑤柱落去，就唔使理 因為個石鍋係唔會痴底的~ 第一個食鮑魚, 上次試過大隻既南非鮑，今次試過呢隻細隻D既大連鮑 (58蚊隻), 用蟲草一齊蒸 不過唔知係蓋過左頭，有少少嚡, 無左啱啱熟個種嫩滑~ 鮑味我覺得呢隻重過南非鮑~ 今次依然食左蝴蝶蜆, 168蚊/半斤 唔知係咪食過加左調味既鮑魚，顯得個蜆無咁鮮甜了 下次食，一定要食左呢D無加調味的海鮮先~ 阿囡食到第一隻就有沙呀~搞到我都驚左 不過之後就唔係隻隻有~吐沙方面要再做好D啦~ 事關D象拔蚌仔都食到隻有沙~ 不過象拔蚌仔係成晚都正既, 夠鮮味，夠爽口，食得出新鮮~ 必食推介 元具叫左日本元貝，細SIZE, 58蚊隻~ 不過應該唔係新鮮，所以肉有D嚡同實，一D鮮味都無, 阿囡食左一啖話唔好味，唔食了~ ><  不過成晚最差係呢個 78蚊一隻既象拔蚌仔, 比之前個D大隻D 不過，我懷疑佢係死死D, 上枱時已經切哂條 食落成陣臭腥味~ ><  基本...