Sally Ngai's Private Heart

我下星期要走了………………….  雖然有點驚訝，但不意外，畢竟在這個年代…. 特意挑選呢間餐廳作為我們暫別的晚餐 日式居酒屋裝潢，對於在80, 90 年代長大的我們，日本文化確實佔了記憶的一部份。 而呢個時間便是我地友誼建立的日子，有意義吧 ( 懶係有FEEL~XD)  餐廳是木系的居酒屋，感覺好溫暖 牆上是滿滿的懷舊日本味~，對於我地呢D中年人，又別有一番滋味 當年多麼青春美好，多麼令人懷念 位處尖沙咀區, 又咁有特色的裝潢，呢個價錢其實算驚喜~  餐廳用手機點餐，而剛好我的數據用完，不能上網，唯有交給朋友做 突然感覺，時代真係改變了。沒有互聯網，日子實在不能過~  是夜的重點係道別，只隨意點了3個菜  刺身，卷物和鍋物 估唔到，鍋物竟然係第一個上場........  牛肉壽喜燒 HKD 108  用鐵兜和木盒爐的設計，馬上和整個環境溶為一體 ，有濃濃的懷舊日本味 欣賞佢個湯底，沒有一般壽喜燒過甜的弊病 牛肉的份量都唔少，起碼有6件以上。牛肉是全瘦的，沒有很多的肥肉。女生唔使怕 但因為全瘦的關係，建議要快食，太熟就會韌啦 個底就以椰菜為主，加有冬菇，豆腐~   五點刺身盛合 HKD 298  係MENU見到呢個，覺得價錢唔貴，OK啦 但見到實物，感覺係超值呀~  好少見到實物係靚過張相既刺身~而呢度做到啦~HAHA Menu 樣 係咪實物吸引好多呢~ ＨＡＨＡ  上枱俾我第一個感覺，嘩，全部厚切，賺大了~ 唔好講笑，呢個厚切真係好有誠意~  件件都有成10mm 咁厚架~ 咬入口個種厚切質感，寧舍不同~ 最重要係感覺到D刺身處理得好好，KEEP 到個種刺身既新鮮感~  呢朵帶子花，非常有心思呀~ 造型羸哂~比MENU 嗰朵靚好多 XD  D帶子仲帶有光澤架~  最估唔到竟然有海膽 而且係咁大塊的海膽 ( 影相前我己偷食左一塊啦~haha)  雖然海膽味未算好濃，但size 都羸左了~  五點刺身盛合其實係餐廳按當日的來貨而做 有咩靚就放咩啦，有點兒師傳發板的感覺。  隨遇而安吧~朋友，雖然未來未明朗，但希望可以給你海膽的驚喜~  大蔥特上吞拿魚腩卷~ HKD 88...

每種地方的菜，都會給我不一樣的感覺 中式小炒的熱鬧 泰式料理的狂熱 法式料理的高貴 以及日式料理的恬靜 是夜，掀起了道鮨的門幔，來一頓寧靜的晚餐~ 簡潔和式設計配合靜逸的氣氛，心情也放鬆下來 這個位於中心的廚司枱也是餐廳的中心 是夜，由師傳發板~ 對於OMAKASE，可以說是舊友，也可以說是新知 雖然也品嘗過不少 OMAKASE 但每一次，都會學到新的知識，新的品種和不同的烹調 每一次，都是一次新的體驗~ 都說認真的男人特別吸引~ 師傳的認真令我不期然噤聲觀賞~ 前菜三點 包括有菠菜蝦、玉子以及胡麻豆腐共3款冷盤 菠菜味道偏淡，以蝦味調味，夠清新 玉子的話係冷冷的，有點兒硬實 胡麻豆腐原來奈良縣和和歌山縣的特產菜，不是用豆腐而是用葛根粉 和坊間的芝麻醬加滑豆腐是兩碼子的事~ 這個胡麻豆腐質感比想像中實，不似豆腐的軟滑，反而有點似豆糕的感覺 味道都是淡淡的，那朵精雕細琢的大根花，美得不忍食呀 4月的天氣，春夏交替 就連食材也以清新的感覺為主 Omakase 均以淡起步，刺身先來吧 真鯛刺身 師傳特意用上了背和腩的兩部份，一次過試哂不同的口感 鯛魚本身肉味偏淡，以肉質的彈性最勝 背和腩位的油脂沒有分別太大，只係背位更爽 深海池魚 同樣一次過上了背和腩的部份 肉質的比鯛魚更有彈性，初夏的池魚味道和油份偏清淡 想食更多油脂的，等到盛夏吧~ 就在我還在回味中，師傳快手送上了這個 我最愛的帶子呀..... 超大的一隻帶子，經過少少調味和火炙過，有一陣海鮮的香氣 但入面仍保住帶子的鮮嫩口感~  好想要師傳來多客~XD  再來白象拔蚌，怎麼都係我喜歡的呀 師傳實在太了解我了~XD 白象拔蚌切成幼條，爽爽脆脆，帶貝殼的咸鮮味~  這個，有沒有日本花道的感覺 北海道牡丹蝦，初夏的蝦以籽為主，師傳說如果是膏，又是另一種製法了~ 師傳將蝦頭內的精華再加上蝦肉，成了一個蝦球~  牡丹蝦不用說，味鮮甜膠質重，再加...

以前去鯉魚門，一直都係食中式海鮮為主 依家多左個選擇啦~ 位於三家村碼頭旁的 三家村水產 臨近聖誕，呢度都充滿左濃濃的節日氣氛 門外仲有一棵超大的聖誕樹，非常壯觀 每個客人到場，待應都會敲一下門口的太鼓 ~隆重登場~ 呢度尤其著名日式水產 「浜燒」 「浜燒」係日本料理的一種，即是在海邊即捕即燒新鮮海產的傳統日和料理 呢個位於三家村碼頭的水產店，位於三家村碼頭，臨海而立，獨處一偶 充份特顯了「浜燒」的特色~ 以竹/木設計為主，很有蜑家風味~ 呢度最正當然係無敵臨海靚景  傍晚賞日落，夜晚觀萬家燈火~  對住個咁靚既海景食海鮮，真係食咩都鮮D架~  佔地極廣，除左入門的大廳外，仲有包房服務，適合公司或一大班朋友聚會~ 餐牌方面的選擇都唔少, 除了有時令的「浜燒」海產外，仲有多款日式料理 包括刺身，壽司，手卷，炸物等等~ 睇餐牌又點及睇實物吸引呀~ 大大個海鮮檔放左係度，放哂當日的時令海鮮係度 最鐘意係明碼實碼，任君選擇~唔使估估下 鐘意食邊樣就自己點~ 蟹肉怑蟹子沙律  來個清新的前菜醒一醒味蕾 這個沙律是典型的日式沙律，大量的蟹子配以大堆的蟹肉，感覺好超值 沙律是甜甜的那個沙律醬 (有個BB樣個款), 和蟹肉真的超配~ 根據我的經驗，沙律記得不要一次過食哂呀~ 因為之後的海鮮魚油非常豐富，絕對需要留番D 沙律黎清清胃口呀~HAHA  鮮果茶 ，超大的一JAR, 一個人喝真的可以由開飯喝到食甜品 甜度適中，而且亦喝到茶味和鮮果味~  抺茶紅豆特飲 鮮果茶超大，這杯就係超高的~ 有3個茶杯的高度呀~ 不過整體抺茶味和甜味都偏淡，沒有濃濃的抺茶口感 抺茶控的我表示有點兒失望~ 先來一個花竹蝦刺身~  擺盤已經好吸晴，花竹蝦係超新鮮無誤，因為蝦頭既鬚同眼仲識郁架~XD 以往食活魚刺身見到個魚咀郁郁下就食得多 望住隻識郁既蝦頭就真係第一次~  蝦肉當然係超結實彈牙，比起平時食...