漁鮮風情~ 三家村水產
以前去鯉魚門，一直都係食中式海鮮為主
依家多左個選擇啦~
位於三家村碼頭旁的
三家村水產
臨近聖誕，呢度都充滿左濃濃的節日氣氛
門外仲有一棵超大的聖誕樹，非常壯觀
每個客人到場，待應都會敲一下門口的太鼓
~隆重登場~
呢度尤其著名日式水產 「浜燒」
「浜燒」係日本料理的一種，即是在海邊即捕即燒新鮮海產的傳統日和料理
呢個位於三家村碼頭的水產店，位於三家村碼頭，臨海而立，獨處一偶
充份特顯了「浜燒」的特色~
以竹/木設計為主，很有蜑家風味~
呢度最正當然係無敵臨海靚景 傍晚賞日落，夜晚觀萬家燈火~
對住個咁靚既海景食海鮮，真係食咩都鮮D架~
佔地極廣，除左入門的大廳外，仲有包房服務，適合公司或一大班朋友聚會~
餐牌方面的選擇都唔少, 除了有時令的「浜燒」海產外，仲有多款日式料理
包括刺身，壽司，手卷，炸物等等~
睇餐牌又點及睇實物吸引呀~
大大個海鮮檔放左係度，放哂當日的時令海鮮係度
最鐘意係明碼實碼，任君選擇~唔使估估下
鐘意食邊樣就自己點~
蟹肉怑蟹子沙律
來個清新的前菜醒一醒味蕾
這個沙律是典型的日式沙律，大量的蟹子配以大堆的蟹肉，感覺好超值
沙律是甜甜的那個沙律醬 (有個BB樣個款), 和蟹肉真的超配~
根據我的經驗，沙律記得不要一次過食哂呀~
因為之後的海鮮魚油非常豐富，絕對需要留番D 沙律黎清清胃口呀~HAHA
鮮果茶 ，超大的一JAR, 一個人喝真的可以由開飯喝到食甜品
甜度適中，而且亦喝到茶味和鮮果味~
抺茶紅豆特飲
鮮果茶超大，這杯就係超高的~ 有3個茶杯的高度呀~
不過整體抺茶味和甜味都偏淡，沒有濃濃的抺茶口感
抺茶控的我表示有點兒失望~
先來一個花竹蝦刺身~
擺盤已經好吸晴，花竹蝦係超新鮮無誤，因為蝦頭既鬚同眼仲識郁架~XD
以往食活魚刺身見到個魚咀郁郁下就食得多
望住隻識郁既蝦頭就真係第一次~
蝦肉當然係超結實彈牙，比起平時食的牡丹蝦仲要爽彈得多
蝦頭當然都唔會浪費，師傳會將佢炸到脆卜卜~
炸過後既蝦頭，蝦味更濃，好似食緊蝦條咁~XD
蝦頭既膏更加無得輸~ 色澤亮麗，入口甘香鮮甜，真係值回票價~
上碟時仲以為拎錯左，以為佢係牛舌
其實係.....
火炙三文魚腩
老實講，我本身唔係咁鐘意食熟的三文魚
一黎好O鞋，一黎好腥
但呢個火炙版完全兩回事~
佢炙到7成熟到，既食到熟魚肉纖維質感，又食到魚生的鮮味~
加埋伴菜的蕃茄和醬汁，成個菜好FUSION 但又野味~
比淨食三文魚魚生多了一種新鮮感和口感~
黎到呢度，又點可以唔叫「浜燒」
點左一件超大帆立貝及岩手縣石蠔
師傳會將海鮮一件件放係呢個網燒爐上燒~
燒一隻都成二十分鐘架，其實店員會不時睇火
燒到最後會加上自家製木魚汁提升海鮮的鮮味
望到已經食指大動，個帆立貝裙燒到漲卜卜，大約8成熟到，口感仲好滑
最驚喜係個裙邊竟然燒得好爽口，一D都唔韌
蠔燒過後縮細左少少，不過SIZE都依然見到唔細
蠔香撲鼻而來，濃到不能
蠔邊爽脆，蠔身飽滿， 入口滑不溜口~
唯木魚汁的味道都幾濃，有少少妹仔大過主人婆的感覺，搶走了不少海鮮的原味
或者落木魚汁可以輕手少少~
除左出名的浜燒，呢度既一夜乾都值得食
"一夜干"係以前漁民的傳統做法，將當日打撈到既魚清洗乾淨，浸泡係鹽水中，再風乾
務求將魚的鮮味留住
呢度"一夜干"都係店鋪自家醃製的
~今次用上了當造的馬友~
其實我都係第一次食一夜干
開始以為會好似咸魚咁勁咸，但完全錯哂
三家村的一夜干鮮嫩非常, 魚肉滑到不得了，而且油脂非常豐富，魚油直頭漏出黎～
雖然浸過鹽水，但魚肉都無咸味，亦唔似平時鹽醃咁實～
滑滑嫩嫩的～直頭好似食緊鮮魚咁呀~
除左肉之外，那層外皮都烤得非常脆，又薄，直頭好似食魚皮薯片咁呀~
平時唔食魚的老公，今晚竟然食左大半條，真係出奇到不得了~XD
證明呢個＂一夜干＂真係超級好食～
呢度既甜品都唔簡單架
日本菠蘿雪芭
成個菠蘿盛載住菠蘿味的雪芭
又清新，又香甜～
賣相仲好靚，用黎呃 LIKE 一流~
臨走時記得係門口掛上一個祝福牌呀~ 祝願來緊的新一年順風順水
題外話
原來三家村碼頭咁有特色同咁靚~
得閒可以黎呢度影番幾輯靚相呀~
三家村水產
油塘鯉魚門崇信街三家村渡輪碼頭東翼
如要聯絡本人，請電郵至： smonkichi@hotmail.com
留言
張貼留言