Sally Ngai's Private Heart

  本黎諗住入沙田踩單車，點知落雨 不過因禍得福，俾我地發現左呢間有小新的牛大人 原來呢間牛大人依家同小新玩CROSSOVER  餐廳不論裏裏外外都貼滿了小新同其他角色的公仔 而且仲可以用優惠價換購小新的限量聯乘精品呀~  係門口，仲有一部即影即有的相機，有小新期間限定相框架~ 牛大人的午餐分為定量的 60分鐘同任食的90分鐘  其實定量的只係肉，無論邊一個餐，丸同飲品係任飲任食的~  牛大人最出名的當然係湯底囉 今次就試呢個台中蒜頭雞鍋 入面真係好多蒜頭架，但就唔會有蒜頭既辛辣味， 反而有少少蒜頭的甜味~ 之前仲擔心阿女食唔慣，但見佢食停，即係好好味囉~HAHA 我鐘意去食牛大人，其中一個原因就係佢Ｄ丸啦~ 我真係好鐘意食丸，仲要超多唔同種類既丸，次次見到都心心眼 雖然人地話任食要食多D肉，但我真係好愛食丸呀～ 而且呢度既丸係放係盒入面，Ｄ 冷氣仲要超勁，感覺好衛生同安心 仲要個溫度係剛剛好，唔會雪到成舊冰咁硬，但又唔會出哂水～ 我最愛食佢既包心麻辣丸，十級正~仲牛肉丸，貢丸 ，魚腐，豆卜，冰豆腐.... 其實隻隻都鐘意啦~ 粒雞肉丸真係有雞肉架~ HAHA  除左可以係出面攞丸，仲有D火鍋料係要用手機落ORDER 的 肉就係其中一種要落ORDER 叫的 D 肉每塊都切到好薄的，落水一灼即食，非常嫩滑 西班牙豬五花片都唔使淥太耐架~ 因為切到好薄，所以好快熟 D 肉唔單止薄，仲好新鮮，唔會瘀瘀黑黑，更唔會出哂水~ 不過唔知點解一盤只裝2塊， 變成D盆疊到好高，以為我好大食囉~HAHA 除左肉外， 墨魚滑，牛滑呢D都要落order 叫   我同女次次都叫呢款台灣腸。佢是熟的，上枱已食得, 2母女搶住食，秒速KO~ 本身已經好飽，但見到呢款王子麵又心思思想試下 佢係台灣牌既福麵，包裝又得意 好彩細細個，最終都食得哂~ 飲品都係任飲的，最正一定要飲牛大人自家製的茶類飲品 清新解渴，打邊爐飲一流  最後仲有每人一碗的台式甜品 每日都唔同架，今日呢個係燒仙草 超級多料，煙煙韌韌~ 雖然已經食到好飽，但學阿女話，甜品係另一個胃 KO 碗甜品，成餐飯先感覺完滿架嘛~HAHA  牛大人台灣火鍋吃到飽 沙田沙田正街11-17號偉華中心2樓9A-9B號舖 文章只屬個人意見，只供參考 如要...

終於食到「牛大人」啦 ～ 放大假， 可以同女女去食早段火鍋放題（平日收工堅係爆多人 ） 餐廳佔地成層，入面的卡位很闊落。  牛大人係台灣特色火鍋放題。 食120分， 肉類，海鮮用QR 任點， 仲有唔少台灣直送火鍋料可以係自助區任取， 當然包埋任飲啦。 牛大人最特別係佢有多個好有台灣特色既湯底。 我點既金鑽鳳梨雞鍋，聽個名已知係台野，湯底有成大舊雞， 仲有醃製過既鳳梨，椰菜， 魚仔， 比平時既雞湯味道更濃郁同豐富。 肉類的質素都幾高， 最愛薄切，一燙即熟。 我今日食$258 個個餐，牛肉有澳洲A5和牛，仲有多款安格斯，封門柳，美國prime 肩里肌。除左牛外， 豬同羊都好食呀。 個澳洲羊卷肉超有羊味 海鮮方面唔算特別多，但質素都OK，隻蝦好大隻呀~   呢個餐仲每人送2粒和牛丸， 超爆油， 勁濃牛味 任食區有好多台灣直送既丸，全部盒都有蓋，好衛生~ D丸全部都解左雪架啦，唔會硬崩崩啦~ 好多特色醬汁， 我最鐘意個洋蔥牛肉醬，酸酸甜甜架，用黎食肉可以減去油膩感，再食多幾塊肉 飲品方面有個飲品櫃， 除左有大路野， 仲有唔少樽仔茶 用QR code 點仲有台灣特色飲品， 好似金桔椰果（阿女投訴太少椰果 XD）， 酸梅湯， 尤其烏梅汁超正 ~ 呢度上菜既速度超快，無漏單。 而收碟既速度都超快，一清左個碟就有人收。 一舉手又好快有人黎。不過佢2粒丸又一個碟， 洗死人個女~  其實我唔介意group 埋一齊既。XD 食到最後30分鐘就會截單唔俾再落order ( 但可以繼續食）。 同埋有一張甜品紙 可以點雪糕同台式甜品仙草凍架 。 我傻下傻下， 即刻走去點雪糕， 搞到都唔知繼續打邊爐好定食左雪糕先好 呢度既食物質素高， 價錢抵， 服務人手都好足， 唔會叫十年都無人，而且服務態度都好好。 呢餐飯好滿足 牛大人台灣火鍋吃到飽 (瓊華中心) 旺角彌敦道628號瓊華中心9樓 文章只屬個人意見, 只供參考 如要聯絡本人，請電郵至：  smonkichi@hotmail.com   Fanpge :  www.facebook.com/smonkichi   Instagram :  https://instagram.com/smonkichi/ Click be...

好耐無食過麻辣雞煲，今日終於約到朋友黎一齊煲煲佢~ 位於長沙灣的米走雞，店面乾淨企理，感覺討好 座位同座位之間位置寬落，坐得舒服。打邊爐要慢慢品嚐，坐得舒服真係好緊要 一坐低，咩都唔使諗，叫左個獨家「火焰麻辣雞煲」先 雞煲有小 (2-3人份量 $ 168 ) 同 大 (4人份量 $228 ) 2個SIZE  辣度由半隻辣椒, 1隻, 2隻至最多6隻辣椒 , 因為第一次食，唔敢叫太辣，所以叫左 1隻辣椒 雞煲上枱啦，真係有火焰架~  好有 GIMMICK, 即刻要影相同拍個片打下咭啦~ 之後，店員會幫我地撈勻個雞煲，再滾起~ 一起蓋，濃濃的麻辣香味撲面而來。麻辣味很香，麻度唔算高。 一隻辣椒的辣度我覺得都幾適合，辣得黎又可以品嘗到食物，唔使辣到狂飲水 呢度既麻辣，辣得黎仲有少少甜甜的味道，特別又惹味，我同朋友都好鐘意呢隻麻辣味 加湯時仲有可以揀加麻辣湯底或雞湯底添 雞件啖啖肉，店員話原來佢地全部用雞脾肉，唔怪得咁滑咁厚肉。 而且份量仲唔少,  我地叫左細煲，2個人係食唔哂架...... 呢度既菜式全部都有分 大 / 小，全份/半份咁點，特別適合人少少又想打邊爐既朋友呀 打邊爐又點可以無牛呢 店員推介呢個「手切新鮮牛頸脊」，叫左一份細 ($138)  開始以為牛頸脊同牛肩肉差唔多，但原來我搞錯左。 牛頸脊即牛頸至牛膊之間的位置，因為條頸成日郁嘛，所以牛頸脊D 肉特別有彈性 而白色個D唔係肥膏黎，係類似牛筋的物體, 食入口好爽的。果然無介紹錯呀~  叫店員介紹，佢推介左呢款鮮炸響鈴 (半份 $ 28)  是店鋪自家製架，比平時的炸響鈴 SIZE 大左成倍, 食完一舊好飽肚 最欣賞是炸響鈴鬆化得黎又無咩油，唔會成咀油淋淋~  另一個店員推介  竹笙墨魚滑 (半份  $48)  長長的竹笙入面釀入手打墨魚滑，放入雞煲入面煲 墨魚滑打到起膠，實的的架。朋友讚好有墨魚味添~ 外層竹笙吸收左雞煲的麻辣汁，令墨魚滑更惹味，創新又好味的做法，贊~ 鮮制五拼餃 (半份 $58)  五寶餃分別是鳯城水餃，韮菜餃，鮮蝦雲吞，菠菜豬肉餃以及鮮牛肉餃 本人很喜愛食餃子，但太多來貨的餃子，入面既肉成PAT 野, 又霉又淋，令我對餃子開始卻步 米走雞的餃子食得出所有都係鮮制，見到皮都仲有麵粉的...

『香江花月』將打邊爐呢件事變得又靚又典雅，感覺完全唔同哂~  好多謝好姊妹帶我黎呢度食正野, 未食完，我已經不停SEND 相俾朋友威威啦~  香江花月位於佐敦百誠大廈2樓，鄰近廟街，大廈外表就睇唔出有咩特別 但一出電梯，成間餐廳既環境，裝修，氣氛會令你完全忘卻自己身處佐敦。完全將佐敦的食肆平均值拉高左至中環水平。 寫文時上網搵下資料，原來呢間餐廳耗資左 1,200萬裝修。以昔日五十年代中西合壁的舊香港為設計背景，呈現舊香港的獨特情懷，甚有心思。 唔怪得之咁靚啦，令我聯想到張愛玲的《傾城之戀》入面的優雅古典建築~ 餐廳以五/六十年代背景做主題，懷舊得黎又好GRAND  而且仲放滿左好多店主搜羅返黎既古董~  好有心思，又有味道~ 見到個留聲機，耳邊彷彿傳來  .....是誰.....在敲打我窗........... 最得意係入口門位有間超靚既TEAMLAB 房間俾大家打卡 雖然同餐廳既主題有少少分野，不過靚野，大家都鐘意啦~ 甫坐低，待應就送上每人一杯WELCOME DRINK ~ ( 真心幾Surprise  好感度即刻 up!up!up!)  再黎望真D呢杯荔枝特飲，杯底有條錦鋰仔架，好可愛，心心眼呀~ 擺放醬油的部份位於餐廳的中心，乾淨企理，圓形設計方便大家取物又唔會迫埋一齊 各式各樣的醬汁同配料齊備 建議放醬料的盒蓋加番個手挽，方便掀起個蓋呀~~~  是夜主角上場啦~  養生美顏湯底 加「香江拼 」 火鍋配料 將食物擺到成個花環咁，未起筷，相機已經開動 店名取名為「香江花月」，其實暗藏兩個不同的意思，除左代表昔日50年代舊香港五光十色的浮華外，另一個意思就係食物以繁花盛放的姿態呈現，拼盤除左加入不少花卉裝飾，師傳更將各款牛肉捲成一朵朵花咁，有心思又有新意~ 呢個集齊豬牛羊的拼盤，種類多不勝數，我以有限的記憶力將佢地寫番出黎，有錯請多多包涵唷~ 食物種類包括各款不同的牛，有安格斯牛、牛白肉、牛展、牛心椗、牛柏葉及牛脷，愛牛的我真係超開心，一次過可以試哂咁多款~  蝴蝶腩真係有驚喜，入口嫩滑，牛味超濃郁，一D都唔嚡 安格斯牛無得傾，油花分佈均勻~ ~入口嫩滑而不失牛肉的質感~ 牛心椗平時好少有，薄薄一片，灼幾下就熟，入口爽脆，口感過癮 牛展切成薄薄一片，筋肉...