盏鬼茶記~ 王牌冰室
女女終於考完試，可以去南豐紗廠行下 行經3樓時已接近LUNCH時間尾聲，估唔到呢間冰室都仲大排長龍 俗語話有人排即係有好野，當然照跟~ 呢度既設計保留左傳統特色之餘又加入左香港既特色 呢個招牌，好有親切感呢~ 入面既設計保留左原有工廠的特色窗戶，再加上一D中式的雙圓門設計 我覺得有可能係紗廠本身的遺物，不過無特別求證~ 但襯埋個水泥牆，完全無違和感呢~ 大大個霓虹招牌，搞笑之餘又將餐廳既特色菜推介埋俾你~ 好有心思 睇到個餐牌，明白左D點解咁多人排，因為實在好抵食呀~ 今日雖然係星期六，但依然有精選午餐 而且價錢係超級抵~ 通常呢D藝術地方，食個意粉都 下下 過百，但呢度竟然唔使50蚊可以食到飯跟埋凍飲 係百物騰貴既香港，仲要係假期呢D日子，呢度真係不可多得既良心食肆~ 第一ROUND，當然要食番餐廳的招牌菜~全部都好金黃色~ 襯埋個仿青花瓷的器皿，好吸晴 估唔到平時食開既茶記餐都可以咁靚仔~ 是是但但叉燒蛋飯，但賣相一D都唔是但~ 係一片金黃的半熟滑蛋上滿佈了叉燒 再加上幾片綠蔥作點綴，將叉燒蛋飯的格調馬上升了不少 叉燒以瘦叉為主，但一D都唔嚡 蛋下面的飯都唔少架，入面加左少少叉燒汁吊味 我女係咁話好食，一個人食左大半碗~@@ 呢一個招牌餸，王牌特濃沙嗲牛肉公仔麵餐 沙嗲沙底真係非常濃郁，絕對係濃情化不開既FRIEND AR~ 沙嗲唔算辣，但好香，一上枱已經聞到陣陣香氣~ 濃郁既沙嗲湯底當然要配公仔麵啦，公仔麵煮得彈牙，掛上了沙嗲汁同食，非常邪惡但又好好味的配搭。 牛肉係一片片的港式牛肉，即係醃到淋左個隻。不過呢個係香港特色的沙嗲牛黎 跟餐有呢個炒滑蛋同厚多士 港式中又帶點質素，蛋炒得夠滑，多士都烤得夠香脆~ SECOND ROUND，飽飽地但見到隔離枱食緊呢個，忍唔住要叫黎試試 變奏版既肉絲炒麵~ 雖然大家都係肉絲炒麵，但佢個樣又的確係得意D既，將麵條整成圓碌碌一個咁 馬上變得好可愛呀~ 肉絲以大碗上，比想像中多呀，而且料都好多...