偶爾會錯過的小店 ~ Pom's Kitchen & Deli
在佐敦恒豐商場後有一條小街 平常的確很少走進去 但估唔到呢度由以前既茶記，變成一條食街 其實一間吸引我的，就係佢既裝修~~ 灰灰的牆襯著復古的地磚，實在很吸睛~ 內裏的裝修，有少少工業風的元素 除左旁邊的2-4人枱，還有中間一列長枱，成班朋友坐係度真係好有氣勢~XD 4人行，仲有一個遲遲未到，叫 D STARTER 食住先啦~ 白酒牛油煮鮮大蜆 HKD 78 蜆非常新鮮，煮得好嫩滑，無沙，待應說係天天鮮買的，所以推介 的確無介紹錯 牛油味超香濃，最愛那幾片蒜片，吸收了牛油和蜆的精華，有蒜味而不辛辣 食完蜆那個汁非常浪費~後來才發現有一味白酒煮蜆意粉，下次一定要點，把汁全部吸盡~ 另一個前菜 蜜糖香草雞翼 HKD 49/4隻 雞翼炸得非常香脆，皮脆肉嫩 蜜糖汁在燒時已薄薄的塗上，如果想重味D, 個碟底仲有濃濃的蜜糖 這個做法很聴明，不會太多蜜糖把雞翼弄淋，又可以按自己口味再加蜜糖 點了兩個意粉晚餐，都係約百幾元 有湯/飽/意粉/飲品 湯是磨菇湯，有濃香磨菇味，還有碎碎的磨菇粒，而且菇的味道很清香 鮮茄蓉牛尾肉醬扁意粉 這個意粉和我想像的有點兒出入，就係那個濃稠度 本黎以為又蓉又肉醬，會係稠稠的 但反而味道偏向清淡，汁也偏稀 如果肉醬味或蕃茄味再濃郁少少就更好了~ 卡幫尼煙肉意大利粉 本黎諗住唔POST, 但朋友個個都讚，咁唯有POST 出呢張咁有藝術色彩的相出黎 卡幫尼意粉的汁用料簡單但其實難煮，太大火會一舊舊，煮得唔夠又會好水 呢個卡幫尼汁就啱啱好，條條意粉都均勻地沾上了汁 ~ 但個碟底又唔會淨番好多汁 味道當然係無得彈，濃淡適中~ 頭先食個雞翼，個底有幾條菜，搞到我地又好想食沙律 CAESER SALAD(HKD78) + 三文魚 (HKD 26) 這個沙律的菜是新鮮的，爽口的 但無耐有點兒太大塊，食的時候有點兒狼狽~ 手工芝士PIZZA 西班牙巴馬火腿 (HKD 168) 長方到的...