Sally Ngai's Private Heart

公司隔離開左間Club One The Victoria，我過條天橋就到，咁近當然要去試下 全場無柱大禮堂，一覽無遺，個場非常靚 更加靚既，當然係呢個無敵大海景，180度無遮無擋既維港靚景 望住個咁靚既香港景色，真係唔捨得走架~  Club One The Victoria 的禮堂均以淡雅淡逸為主，脫俗而清新，我自己就好鐘意呢種STYLE ~ 我今日的LUNCH係~飲茶~ 2個女生估唔到都愛呢個 胡椒咸菜肚尖 呢個改良版的胡椒豬肚湯，比傳統的煮法較清，胡椒味唔會嗆喉，酸菜仲爽口 而肚尖則彈牙有咬口，唔會煲到淋PAT PAT~  荀尖蝦餃皇，老實說，不算太便宜呀 不過質素係有保證的 四顆大大的蝦餃差不多塞爆籠呢 雖然皮未算透薄通盈，但唔會黏口痴牙。每隻蝦餃入面都包住了原隻大蝦，爽口美味 超有睇頭和創意的牛肉球 名都好搞笑 叫(假的，真不了)  一放上枱已經被佢既外表吸引左 食落口亦無失望呀，牛肉球好實淨，睇樣都睇到有彈性 最特別佢唔係用支竹而係用左金菇, 有新鮮感之餘又幾夾喎 薑蔥牛栢葉 滿滿的牛栢葉伴以紅紅綠綠的配菜，賣相很吸引 對比起其他的點心，我覺得這個牛栢葉有點兒失色 可能放涼了的關係，沒有甚麼薑蔥，甚至沒有甚麼牛栢葉的味道。 是有點兒失望~ 還好有這個大大的叉燒飽 這個叉燒飽十分抵食，因為係小點來~XD 而且飽的份量比想像中大呀~ 叉燒飽的餡真係有大大舊叉燒，非常美味和飽肚 好食又抵食~ 本來已九分飽，見到這個懷舊點心，又忍不住手點上了 鵪鶉蛋燒賣 這個燒賣不是每間酒樓都會做，而我係非常愛食這款舊式燒賣 因為那個鵪鶉蛋很可愛，因為是一種情意結 這個鵪鶉蛋燒賣做得很好，因為佢加料了，把大大皮的原隻蝦放入去 而且皮很薄很透，沒有厚重感 賣相很通透，美味也很鮮味~ 食完這頓，由下午飽到晚上呢~ 會所1號 維港皇宴  ClubONE The Victoria 尖沙咀麼地道68號帝國...

安達中心開左ClubONE，一直都以為只係俾結婚擺酒 同事同我講，中午有得飲茶~即刻要去試試啦~ ClubONE 位於安達中心地庫，見到扶手電梯落去就啱架啦~ 因為係婚宴埸所關係，一入門口已經見到呢個咁靚的三輪車 即刻感覺好甜蜜蜜~XD  每一個角落係靚靚背景，搞到我都想影番幾張靚相 仲有個大大銀幕可以播放新人的結婚片段~ 大廳非常開闊，樓底好高，今日剛巧有宴席，我地就去左另一個廳 呢個廳細D，但係好清靜，好適合傾計飲茶~ 唯一係燈光有少少暗 (相片較光左少少)，有d想瞓覺~XD  十蚊的茶芥成盤上，非常精緻 雲南什菌餃，外皮晶瑩通透，入面的什菌豐富多樣，每款都切得大小一樣 而且味道好清新~ 皮薄餡靚當之無愧~ 飲茶，當然要食個飽啦~ 叉燒飽，飽皮鬆軟 上枱時熱辣辣~ 經理介紹最近主打的小菜，賣相唔錯，叫左個牛試試~ 菌皇川汁牛小柳 牛柳非常的淋，但淋得黎又有咬口，仲要係大大舊，有睇頭~ 川汁有少少辣，濃穠適中，掛在肉上又唔會濕笠笠 最驚喜係那塊白色薄片，原來係年糕黎，煙煙韌韌好有咬口~ 同川汁仲非常夾添~    點菜時見到呢個肉絲兩面黃，馬上要點 呢個兩面黃唔係度度有得食，要把麵烘成一個脆脆麵餅，都幾浪費功夫 金黃脆口的麵上淋上韮黃，銀芽，冬菇絲同肉絲炒成的汁一齊食 非常懷舊傳統，但幾時食番都咁好味 係一道喚起回憶的菜呀~ 而且呢個麵都有夠大碟的，份量不輕，3個女仔先食得哂~ 平時出街LUNCH 度度都迫人到CC下，又要等位，又嘈 等得位黎都唔夠時間食，趕到死~ 但係ClubONE 呢度飲茶，直頭好似放假咁 慢慢行到黎，又唔使等位 (地方實在好大)  靜靜地食下野，傾下計，食得非常自在 加上經理服務非常週到 笑容滿面不單止，仲有問必耐心解答 呢餐茶，好滿意~ ClubONE La Plaza 尖沙咀麼地道65號安達中心地庫B/2 電話號碼 : 35758580 ...

星期六的下午二點幾，行經金公館 lunch都未食，來個下午茶吧~ 呢度是食京菜為主，大大個京劇造型係門口~ 裝修好新式，唔會老老土土咁~ 枱椅都好闊大，坐得好舒服~ 飲茶既器具，上菜就碟都係一套架，幾有心思 好少可飲茶都有埋公筷提供呀~  本黎打算叫點心拼盤，竟然無得供應~@@ 咁唯有散叫啦~ 蝦餃係飲茶必食的吧 就連唔愛食蝦的女女都愛食蝦餃~好奇怪 水準還可以，皮還算煙韌，唔係淋PAT PAT  燒賣也是必點的項目 燒賣水準較高，唔單止皮仲有質感 個豬肉餡肥瘦適中~仲好彈牙~ 叉燒飽賣相幾靚，白雪雪，包發得好好，好軟熟~ 近年已很怕到酒樓小籠飽，因為都係失望既多 尼度既小籠飽都算有番d水準，飽入面既肉汁超級多 皮也算薄~~肉都唔係雪到死死實實個種 鳳爪是很有驚喜的，一隻隻鳳爪清晰可見，皮都唔會溶溶爛爛 更無個D 一PAT PAT 醬痴到實既嘔心感覺，入口非常清爽 最愛那個豆卜呢，簡直係點晴之作~ 這個煎墨魚餅外表很吸引呀，煎得金黃金黃的 咬落去都彈彈有口感，如果整厚少少，會更彈牙呢~ 同埋感覺油膩了少少，不過煎野通常都係咁~@@  腸粉的話就有D失望了，睇樣都感覺到係幾咁厚實 粉皮一大塊，好厚的一塊皮呀~ 雖然餡不太差，但整個分數就被扣了不少呢~ 盅頭飯的賣相很別緻，用上了木桶盛載，整個賣相加分了不少 而且飯的份量不少，真的有整整一大碗飯呢 本黎已經話好飽的女女，見到呢個點心又馬上動起筷子了 以錦滷雲吞變奏而成的沙律雲吞盏 外型吸晴，沙律味道可口，而且仲有脆脆的雲吞增加口感 又軟又脆，又熱又凍，非常多重享受的一個點心~ 小朋友非常鐘意 因為呢度無灼菜叫，於是叫左個竹笙鼎湖上素 說實在的，這個菜嘛 味道是不錯的，只是墊底的菜變成只有3-4條放在一旁 賣相真的夠奇怪 菜心數量不多 ，而且芯還是白白的, 有點顯老了。 整體而言，點心的質素不過不失 但不用排隊又坐得舒服，服務也還可以 希望下次有機會來試一試這裏的正式京菜 我...

入沙田探朋友 順便一探這個石門的馬鐵站商場 商場入面開左唔少食肆，其中呢間就係飲茶的~ 蒸蘆 呢度係點心專門店 話說已經係下午2點半了，人間湧湧的~ 呢度係小店黎，座位都比較接近 尤幸枱面都很寬濶，可以放得落好多點心~ 而且樓底幾高，所以感覺唔會好焗促 呢D櫈真係好有特色呀~ 點心選擇方面都係一D大路既款式 反而甜品較特別，有雲南紅棗茶, 杏仁霜薏仁露  同埋好多人點的籠仔蒸飯，燉湯 原來蒸飯同燉湯係有套餐的~ 呢度會按時候季節推出不同的原盅燉湯 全部都係加有藥材，原味，無添加 叫了2個燉湯 花旗蔘石斛燉烏雞 (養肝)  入面的料好多，有1/3 係湯料 湯汁很濃郁，帶有濃濃的蔘味~仲有少少甘 我覺得蔘味有D似紅蔘~ 栗子蟲草花花膠燉雞湯 (養肝) 非常多的圓肉和大紅棗，湯頭很清甜 仲有成條花膠同勁大堆的蟲草花 成個料連渣都食得~ 鳳瓜排骨南瓜飯 呢度既蒸飯同平時酒樓的盅頭飯不同， 因為佢係成個籠，超大的一盤 一個正常人係肯定食唔哂~ 最特別的，除左份量大，仲有好多菜粒係上面 除左增加口感，仲可以減去油膩感~ 排骨同鳳爪的份量都好多，尤其排骨，鋪滿成個飯面 南瓜略嫌太少，多番2粒就更好 飯吸收哂排骨的肉味，變左味飯~就算唔使落豉油都好夠味~ 不過飯身偏淋，有少少糊口 點心拼盤 人少少去飲茶，最鐘意就係點呢D拼盤 而且50蚊有9粒點心，種類又多，下下一籠四粒真係食唔得哂~ 點心方面以蝦餃最出色 皮爽，蝦更爽，而且仲係原隻添 另一個菜苗餃都好好食，入面係滿滿的菜~菜也很新鮮 叉燒飽同燒賣就中規中舉 中間個馬碲糕好爽口，又清甜~  爽滑叉燒腸 腸粉既豉油另上，可以按自己口味添加 不過腸粉實在有D太厚粉~ 好似食緊成舊粉咁~  最後的一個甜品 係跟籠仔飯加13蚊的 紅豆杞子桂花糕 紅豆係超多超大粒的，配上桂花的清香 而且味道唔太甜，...