悠閒下午茶 之 金公館
星期六的下午二點幾，行經金公館
lunch都未食，來個下午茶吧~
呢度是食京菜為主，大大個京劇造型係門口~
裝修好新式，唔會老老土土咁~ 枱椅都好闊大，坐得好舒服~
飲茶既器具，上菜就碟都係一套架，幾有心思
好少可飲茶都有埋公筷提供呀~
本黎打算叫點心拼盤，竟然無得供應~@@
咁唯有散叫啦~
蝦餃係飲茶必食的吧
就連唔愛食蝦的女女都愛食蝦餃~好奇怪
水準還可以，皮還算煙韌，唔係淋PAT PAT
燒賣也是必點的項目
燒賣水準較高，唔單止皮仲有質感
個豬肉餡肥瘦適中~仲好彈牙~
叉燒飽賣相幾靚，白雪雪，包發得好好，好軟熟~
近年已很怕到酒樓小籠飽，因為都係失望既多
尼度既小籠飽都算有番d水準，飽入面既肉汁超級多
皮也算薄~~肉都唔係雪到死死實實個種
鳳爪是很有驚喜的，一隻隻鳳爪清晰可見，皮都唔會溶溶爛爛
更無個D 一PAT PAT 醬痴到實既嘔心感覺，入口非常清爽
最愛那個豆卜呢，簡直係點晴之作~
這個煎墨魚餅外表很吸引呀，煎得金黃金黃的
咬落去都彈彈有口感，如果整厚少少，會更彈牙呢~
同埋感覺油膩了少少，不過煎野通常都係咁~@@
腸粉的話就有D失望了，睇樣都感覺到係幾咁厚實
粉皮一大塊，好厚的一塊皮呀~
雖然餡不太差，但整個分數就被扣了不少呢~
盅頭飯的賣相很別緻，用上了木桶盛載，整個賣相加分了不少
而且飯的份量不少，真的有整整一大碗飯呢
本黎已經話好飽的女女，見到呢個點心又馬上動起筷子了
以錦滷雲吞變奏而成的沙律雲吞盏
外型吸晴，沙律味道可口，而且仲有脆脆的雲吞增加口感
又軟又脆，又熱又凍，非常多重享受的一個點心~
小朋友非常鐘意
因為呢度無灼菜叫，於是叫左個竹笙鼎湖上素
說實在的，這個菜嘛
味道是不錯的，只是墊底的菜變成只有3-4條放在一旁
賣相真的夠奇怪
菜心數量不多 ，而且芯還是白白的, 有點顯老了。
整體而言，點心的質素不過不失
但不用排隊又坐得舒服，服務也還可以
希望下次有機會來試一試這裏的正式京菜
我最愛的 "片皮鴨" ~XD
金公館
太古康山道1-2號康怡廣場3樓T4號舖
合作．邀稿請電郵至： smonkichi@hotmail.com
留言
張貼留言