躲在鰂魚涌裏的Laksa~ 漢斯 Hans
放半日處理私務，當然要食飽飽先再行動 一條友，求其食啦，見到呢間個名好西式，個門口又好港式的茶餐廳 咁得意，入去試一試先 入面的裝修都幾西化，完全唔係茶記個回事 白瓷磚牆配上木製枱椅 加句DESIGN 字的SLOGAN, 仲有少少文青FEEL添~ 2點去到，下午茶已經開始左 但午餐仲有供應 入去見到好多人都食緊叻沙 原來係呢度既招牌菜，當然要試啦 DO ANYTHING IF YOU REALLY WANT TO~XD 呢度既下午茶竟然有辛拉麵，其實都心郁郁想試架 但叻沙又真係好吸引，辛拉麵就留番下次啦~ 以碟上的叻沙，好有FUSION 菜的感覺 老闆講左幾次，因為2點接近午市尾聲，個湯底層頭油無咁厚，會爭少少， 同我講左好多次唔好意思~XD 睇得出佢對食物真係好有堅持 呢度既叻沙係咖喱叻沙，配以類似油麵的黃麵 傾談中得知個湯底叻沙料係由星加坡來架 而且不加味精，真材實料 湯頭好濃郁，咖喱味初嚐唔太辣 初嚐唔算太辣，但食食下，叻沙的濃香慢慢在口腔中滲出 成個湯幾有住家的感覺~唔似平時死咸的師傳湯 湯底配以非常彈牙的黃麵 麵爽彈，也不易浸淋，而且份量，係超多的呀~~ 除了麵外，還有幾束米粉 米粉索滿了叻沙湯底，更加惹味~ 配料方面，除了有一個很日式的流心蛋 還有2隻大蝦 蝦味不太特出，但肉質係爽脆的~ 另一個我至愛的配菜，豆卜 豆卜吸滿了叻沙湯底，一口咬落去，比喝一口叻沙湯口感更多樣 叻沙其實很難做，要將大量的香料炒香再熬湯 因為香料很多，每家的用量和份量都不盡相同 所以要找一碗合胃口的叻沙，也是一種緣份呢 漢斯 Hans 鰂魚涌英皇道939號地舖 如要聯絡本人，請電郵至 ： smonkichi@hotmail.com Fanpge : www.facebook.com/smonkich Instagram : https://instagram.co...