Sally Ngai's Private Heart

無黎一排MEGA BOX，又有新食肆 位於MEGA BOX 13樓開左Club ONE  會所1號 港灣皇宴 Club One The Bay 呢度有2個廳，我今日就去左佢另一邊既 天際宴會廳 Sky Ballroom  點解叫天際，因為真係居高臨下架 呢個新宴會廳新開無耐，貫徹Club ONE一貫的清新婚宴式設計風格 (但飲下午茶時段整左個動畫椰林樹影 background有D搞笑) 整體設計清雅而不俗 由台上望落去，可以一眼睇哂成個場架 今日間左板， 但問過姐姐， 如果全開，呢個場可以擺到40圍~ 真係估佢唔到 而且呢度樓底超高的，感覺好開揚舒服 呢度有幾個新既特色點心，仲要限量 我呢D咁鐘意試新野既人，當然要試一試佢 呢個咁搞笑既黑色波波係咩？ 佢個名叫烏卒辛~HAHA  其實係竹碳叉燒包黎  個黑色皮係脆脆地，而入面的叉更加不得了，好似厚切豚肉咁既叉燒 同我地平時認知的叉燒飽有少少唔同，但又幾得意~  呢個一籠一隻既，叫做白裏透紅 透明的皮滲出入面的紅菜頭餡 平時呢，我都麻麻地鐘意食紅菜頭 但咁樣整紅菜頭真係幾好食， 外皮煙韌，內裏爽脆 紅菜頭 切成薄片仍非常爽口，而且味道夠清新~  另一款特色小菜 鐵板叉燒 叉燒放在燒熱的鐵板上，上枱時淋上叉燒汁，發出濃濃的叉燒香，隔幾張枱都聞到呀 叉燒係超厚切，但一D都唔嚡， 好似梅頭叉燒， 好嫩又唔 韌 好好送飯呀~  飲茶又點可以無2寶，蝦餃同燒賣 我好鐘意食Clube ONE 的 蝦餃架，一籠四隻，但大大隻，塞爆籠 入面除左有大大隻蝦之外，仲有超多荀粒，好爽口~ 第度好少有架~  同樣係大大粒既仲有佢既燒賣 燒賣既肉真係食到一舊舊肉而唔係打到爛既肉醬 D皮仲好靚有咬口，唔會蒸到爛溶溶~ 呢個望落咁名貴的點心，知唔知係咩？ 其實佢係一個生煎飽~XD  不過佢並唔係一個普通既生煎飽，而係加入了蟹肉做餡既 ...

香港最多就係一式一樣的高樓大廈 想個婚禮特別得黎又有香港特色 係船上搞婚宴都係一個唔錯的IDEA  當然，唔係叫你去遊輪搞咁富二代啦~ 而係可以考慮呢艘位於沙田城門河三十幾年 富有香港特色，甚至係沙田地標的畫舫 Club One 水中天 ClubONE水中天位於沙田城門河畔，建築外形有如一艘中式酒樓石舫 石舫已娙有三十幾年歷史，並且成為沙田，甚至香港的一個地標建築 以前係高級食府黎，黎呢度飲茶係好富貴~  2018年6月重新裝修重開，成個場既設計同好啱新一代對婚宴的要求 今日適逢水中天的婚宴OPEN DAY, 就帶阿女去參觀~ 水中天共分為地下，1 樓同2樓 而OPEN DAY 就設係2樓 星際 星際的格局以繁花為題，門口已經見到一大串的花由天花頂直垂而下，彷似花雨從天而降 而入面的BACK DROP 背景亦花團錦簇，好似一個小型花園咁 簡單加上一對新人既名已經係一個好靚既影相位 呢個台可以擴大同縮細架，多親戚朋友既就可以擴大個台齊齊上台影相 少人既，可以縮減一半，令台下的空間感更大架~ 成個場都無遮無擋，一眼望到尾，如果圍數唔多既，擺2行，中間有勁寬闊既空間 March in 夠哂位，想點玩都得~ 如果真係超多親戚，可以擺一行3圍，總共可放到59圍架~ 真係成村人黎都坐得哂呀~ 如果無咁多人包哂成個場，都可以包半埸架 另一邊同樣有齊哂Backdrop可以做婚宴場地架~ 而且一層有2個新娘房架，包全場的話可以用哂2個架 新娘房無限大啦，仲要有2邊間方便大家走動，進場，非常貼心~ 如果係呢個廳擺酒，仲可以係空中花園行禮添呀~ 空中花園係最高的3樓~  一行上黎見到呢D咁歌德式既教堂建築已經嘩然 估唔到係一隻咁有歷史既船上會有呢D裝修 係度拍韓式婚紗相超襯的~ 呢度取景，可以當拍多輯婚紗相呀，仲可以用作朝拍晚播~ 一個琴，一個尖拱門，已經可以拍出無限靚相~  由呢個拱門走出去就係180度無遮無擋的証婚埸地啦~ ...