在13樓的天際嘆茶~

無黎一排MEGA BOX,又有新食肆

位於MEGA BOX 13樓開左Club ONE 
會所1號 港灣皇宴
Club One The Bay

呢度有2個廳,我今日就去左佢另一邊既
天際宴會廳 Sky Ballroom 


點解叫天際,因為真係居高臨下架


呢個新宴會廳新開無耐,貫徹Club ONE一貫的清新婚宴式設計風格

(但飲下午茶時段整左個動畫椰林樹影 background有D搞笑)



整體設計清雅而不俗

由台上望落去,可以一眼睇哂成個場架
今日間左板,但問過姐姐,如果全開,呢個場可以擺到40圍~ 真係估佢唔到
而且呢度樓底超高的,感覺好開揚舒服

呢度有幾個新既特色點心,仲要限量
我呢D咁鐘意試新野既人,當然要試一試佢

呢個咁搞笑既黑色波波係咩? 佢個名叫烏卒辛~HAHA 
其實係竹碳叉燒包黎 


個黑色皮係脆脆地,而入面的叉更加不得了,好似厚切豚肉咁既叉燒
同我地平時認知的叉燒飽有少少唔同,但又幾得意~ 


呢個一籠一隻既,叫做白裏透紅
透明的皮滲出入面的紅菜頭餡



平時呢,我都麻麻地鐘意食紅菜頭
但咁樣整紅菜頭真係幾好食,外皮煙韌,內裏爽脆
紅菜頭
切成薄片仍非常爽口,而且味道夠清新~ 



另一款特色小菜
鐵板叉燒


叉燒放在燒熱的鐵板上,上枱時淋上叉燒汁,發出濃濃的叉燒香,隔幾張枱都聞到呀
叉燒係超厚切,但一D都唔嚡,好似梅頭叉燒,好嫩又唔
好好送飯呀~ 


飲茶又點可以無2寶,蝦餃同燒賣

我好鐘意食Clube ONE 的蝦餃架,一籠四隻,但大大隻,塞爆籠


入面除左有大大隻蝦之外,仲有超多荀粒,好爽口~ 第度好少有架~ 


同樣係大大粒既仲有佢既燒賣
燒賣既肉真係食到一舊舊肉而唔係打到爛既肉醬
D皮仲好靚有咬口,唔會蒸到爛溶溶~


呢個望落咁名貴的點心,知唔知係咩?


其實佢係一個生煎飽~XD 
不過佢並唔係一個普通既生煎飽,而係加入了蟹肉做餡既蟹肉生煎包~
成件事係咪即刻唔同哂~XD 
飽入面既蟹肉都真係唔少架,食到有海鮮味架
最感動係飽係即叫即煎,上台仲熱辣辣,
飽皮煎到脆,但飽依然好熟軟熟~亦唔會好油 (張墊底紙都無咩油架)




甜品時間

女女最愛芒果布甸


布甸唔會好甜,好滑,仲有大大粒的芒果肉係入面~


再黎一個綠茶仙境

煙住咁出場,真係無得輸



呢個其實係綠茶和菓子,不過比想像中淡好多
只有淡淡的綠茶味,無乜甜味,個人覺得加番兩粒紅豆入去會好D~

是日臨近中秋節,酒樓內都有D清新系中秋擺設,唔知係咪燈架呢
不過咁樣放埋一齊已經好靚,女女都話要影張相


食飽飽行左過去另一個廳,以淡藍色為主
仲可以有好多活動板,可以間開唔同呎吋黎包場呀






會所1號 港灣皇宴
ClubONE The Bay

文章只屬個人意見,效果因人而異,只供參考
如要聯絡本人,請電郵至: smonkichi@hotmail.com

Click below for my sharing platform :



留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®