法式魔幻來襲~ Weisley's Wardrobe Cafe Bar & Restaurant
單幢式食肆真係勁，越開越多 依家係金巴倫道婚紗街都開左一幢 MW PLAZA, 全幢都係食肆的 今日就上左去 1樓試試 魔衣櫥咖啡廳 Weisley's Wardrobe Cafe Bar & Restaurant 雖然都有心理準備會有奇幻feel， 但打開LIFT 門個下都唔敢出，以為自己去錯地方 好奇幻的設計，將走廊位設計成一個中古世紀特色的房間~ 每個擺設都見心思~ 推開呢度門後，先係用膳既地方~ 估唔到推開門後係另一片光景 呢度主打法國餐，以優雅為主，同門口的魔幻式主題有D唔同~ 落地大玻璃同極高樓底，令人感覺空間感極大~極舒適~ 雖然無門口咁重魔幻感覺，但入面裝修設計都好值得細味~ 最吸晴的，係呢個放滿精緻擺設的書櫃 每一間都各具特色 食物方面除左小食外，無散叫，有3個套餐可揀 套餐中都可揀5 course 同3 course 每上一道菜，待應們都會講解一次個菜的材同烹調的手法 等大家食個時對個餸有更深入的體會 叫的小食先到 炸煙肉薯條 HKD 68 平時炸薯條都係一堆上，呢個薯條排好哂，好精緻 格調即刻提升不少 外面係鬆化個種脆，入面就有粉粉的薯蓉混有煙肉，咸咸地，非常惹味 突然，有種好似食緊魚手指既感覺~XD ~香煎吞拿魚伴西米脆片~ 配合魔幻的歐洲主題，好多菜都用左呢款富歐洲色彩的碟上~ 4面煎香的吞拿魚，伴以脆口的西米脆片，再加埋個山葵汁調味~ 西米片幾特別，脆得黎好似輕身，好以一陣風咁~ 吞拿魚的話略嫌熟左少少，留番魚生的肉質感會好D 粟子忌廉湯 隻碟超級熱，入面既湯可以KEEP住熱 (不過辛苦了上菜的姐姐~XD) 粟子打到好蓉，湯底幼滑 忌廉味偏重，有少少遮過了粟子的香味~ 慢煮法國黃雞胸 用雞骨熬湯，浸雞肉，之後再慢煮45分鐘 真係聽完都覺得好多工夫呀~ 慢煮可以令到雞胸肉較軟同淋， 雖未至於...