美國牌子Meaningful Beauty 登陸香港喇~
抗衰老，一直是美容界很重視的研究項目。
尤其好多明星，後生時靚到爆, 所以更加想KEEP住青春不老, 永遠KEEP住最靚既一刻~
以下呢個明星, 相信無咁上下年紀都唔識
佢就是七八十年代好多男仔既夢中情人 CINDY CRAWFORD
SUPERMODEL 今年已經四十幾啦, 不過依然明艷照人
原來佢有一個御用醫生幫佢研究抗衰老~
Dr Jean Loius Sebagh 係法國好出名既抗衰老專家
而CINDY CRAWFORD 親身用左十年後, 決定邀請Dr Jean Loius Sebagh 係2003年一齊創制出
Meaningful Beauty 呢個美國品牌， 屈臣氏就將呢個品牌引入左黎香港~
呢套係一套青春分子基本套裝
Meaningful Beauty Introductory Kit
有齊全日所需的護膚品
由左至右
- 青春份子柔潤潔面乳
- 青春份子抗皺防曬日霜SPF 20
- 青春份子激活細胞再生精華
- 青春份子全效修護晚霜
美國, 是一個好注重安全的國家, 所以佢地既出品都好注重安全
所以包裝都以膠封口,確保無被人開過, 用過或加入其他雜質~
青春份子柔潤潔面乳
Meaningful Beauty Skin Softening Cleanser
唔使加水，直接搽上面按摩, 但個說明好搞笑，話如果想要好D既效果, 就用水洗走
真係無諗過洗面而唔用水, 我唔係好接受到囉~HAHA
質感同平時用開既洗面乳差唔多
白色, 無香料, 亦都無油份
基本上搽上面後都吸左唔少,左邊係搽左潔面乳的
完全無泡, 唔怪得佢話唔過水都得~HAHA
右面係過水後, 比想像中清爽，無平時洗面奶個D 好潤, 又好似洗唔干淨既感覺。潔淨度都好高。鼻邊既陰暗位都洗得好干淨。
就算洗完面後一陣都唔會有乾澀繃緊既感覺。
|
| 可惜.....................搬屋時倒瀉左半枝~ 好肉赤呀~~~~~~~~~~~ >< 第二枝就係青春分子激細胞再生精華 Meaningful Beauty Glowing Serum 個名好勁呀~ |
佢D色好似蝦肉色咁, 好得意, 真係好少見D護膚品係呢隻色
原來佢有南瓜成份, 唔知關唔關事
除左南瓜, 仲有麥軼, 海洋精華, 大豆蛋白同維他命C, 全部都有助減緩肌膚氧化。
可能因為本身質地較厚身, 所以搽上手時覺得幾膠下~
不過搽上面又無咩野喎，都好快吸~
但佢話有香橙油清香, 但我只係聞到一陣好腥臭既味~!
好似海鮮既腥味 (可能係海洋精華~ HAHA)
我平生..............最怕腥,
所以. 對呢枝野即刻扣左D分~
第三枝係青春分子抗皺防曬日霜 SPF20 UVA/UVB
但點解無+++ ? 係咪美國唔興呢？
呢款產品最主要係以防曬為主,含阿伏苯宗全數吸數UVA , 肉桂酸鹽及水楊酸辛酯則有效吸收UVB
幫你抵擋紫外線的侵害，預防肌膚曬傷及過早衰老。
而且佢仲加入左SOD, 強效抗氧。
咩叫SOD ? 其實係一種法國南部既瓜入面發現既抗氧酵素。而經研究後發現呢隻天然酵素可以減緩肌膚老化, 防止細胞損毁, 同時提供彈性和刺激膠原蛋白再生。
睇下有SOD 同無SOD 既分別~簡直係天然防腐劑呀~
質地方面，都係以CREAM狀為主~
發覺好多抗衰老既產品都係CREAM狀的~
唔算太厚身~都幾易推開,幾順滑。
不過因為係物理性防曬, 所以搽上面後好令下~
搽左成日, 鼻頭位都有少少出油, 但常可接受。
不過我唔係咁鐘意咁令身既防曬 (雖然令身防曬係物理性, 會比較天然D)
呢枝有建議可以做妝前打底。不過我覺得效果一般, 都係用黎做日霜會好D~
最後一款係青春分子全效修護晚霜
除左令SOD外，仲加入左11種珍貴成份, 可以幫你係晚間修復受損既細胞
因為有SOD, 所以, 可以完全無加入PARABEN 架~
佢同DAY CREAM 差唔多, 但無DAY CREAM 既油光,(因為唔使防曬嘛)
試用左2個星期後, 面色真係白左 (其實我平時好懶搽防曬) 唔知係咪因為DAY CREAM 有防曬, 所以白左~ HAHA
整體膚質都好左, 感覺到真係緊緻左, 皮膚無之前咁鬆~
(後生女係唔會明白皮膚失去彈性既痛苦~ ><)
以前一直都用開歐洲或日本野多，美國野真係好少用~ (啱先諗起 KIEHL'S 都係美國野 )
效果都尚算滿意。不過真係麻麻鐘意SERUM 個陣味~
味道對於我黎講真係好緊要
因為搽左係面, 成日都聞到
所以唔鐘意個隻味, 真係好難用到落去。
而且, 可能最近回南天，落雨濕濕
個人都濕氣好重,
所以搽完CREAM 後就覺得有D立。
如果冬天用, 效果應該更突出。
作為一個新既品牌, 希望可以係香港既美容天堂創出一片天。
黎緊四月尾, 就可以係各大屈臣氏見到佢啦
如要聯絡本人，請電郵至 smonkichi@hotmail.com
留言
張貼留言