睡眠持續保濕~~森玫瑰水立方晚安凍膜EX

因為"女人我最大" 的台灣節目, 令大家認識了不少台灣品牌

亦令長註美容導師 "牛爾老師" 深入民心~

 "牛爾老師" 更成為了護膚的代詞

聽說受母親從事化妝品業的影響，牛爾老師12歲就在廚房自製面膜。

自醫學院畢業後投身美容界達18年。

這麼富有經驗的老手, 出品的產品又是怎麼樣？

今日, 我就試了 牛爾老師自家品裨的皇牌產品

森玫瑰水立方晚安凍膜EX 

Rose & Botanic HA Aqua Cubic Night Gelly EX

60g   優惠價:$180  Made In Taiwan

呢個係加強版既「肌緻潤膚型」水導膜，睡眠修護期，搶救缺水初老 

新配方選用「活水晶球分子─AQUAXYLTM木糖醇基葡糖苷」，

與多種強勢「禦護守水」配方，透過夜間黃金修護期引水入肌、深度保濕紓解乾涸膚況，同時修護角質

修護角質？有沒搞錯左？角質唔係不嬲都要"去" 架咋咩？

原來牛爾老師既理念是  "當角質健康、充滿水分時，一接收到光線，就能直接穿透肌底，肌膚看起來透明水嫩；

但如果沒做好「角質保濕」，缺水而代謝不良的老廢角質，會因塞車而無法排隊站好，

呈現爭先恐後的堆積狀態，使肌理看起來紊亂，缺水乾紋也會因此產生。"

其實角質層是保護皮膚水份流失的好幫手~

適當既角質層可以將水份KEEP 住係皮膚度, 就好似一塊保鮮膜咁,將水份鎖緊~

所以我地都要好好保護佢, 滋潤佢, 令到佢可以保護我地既底層皮膚~

當然，角質都會隨新陳代謝而老去, 呢個時候我地就要做好去角質層, 以免瘀塞毛孔~

所以, 過度地去角質層其實都唔好架, 因為咁樣會令皮膚無左天然既屏障~

好鍾意盒子上 牛爾老師的一句說話：

瓶子內的效果, 遠比瓶子外的裝飾來的重要

而皮膚以內的, 遠勝過外表所呈現的樣貌

引申為：人的內在美德，遠比外表所看到的重要~ 你同意嗎？

產品主要成份一覧：

Phytoferulin®複合物，AquaxylTM木糖醇基葡糖苷，Dermaveil白 柳樹皮萃取，

雪耳萃取，玻尿酸，維他命A微囊球，維他命E微囊球，維他命B3衍生物，維他命C醣苷

Phytoferulin® (含10種ECOCERT歐洲有機認證之超濃縮植物成份- 甘草、露珠草、 神奇草、銀杏、歐艾草萃取物、小白花、柳蘭萃取物、金盞花、洋甘菊及綠茶)，有防禦性美白作用，同時具絕佳抗氧化效果，恢復肌膚活力。 

Sun’er Complex®亮晶淡化配方(經日本精化株式會社實驗室協力研究)由雪耳及桑葉萃取組合而成，長效保濕、修復細紋、高效抗氧化及抑制黑色素形成。

兩種都係獨家的專利配方～ 將所有植物成份溶合,濃縮，夠哂天然~ 

因為內在是最實在的，所以牛爾老師都完全不添加Parabens（苯鉀酸酯類）防腐劑、

人工香料、色素成分，不僅安全、溫和、低刺激，及不經過動物實驗測試(Cruelty free)

成個產品包裝都好嚴謹，除左有收縮紙緊緊密封，仲有寫明生產及到期日～

最唔鐘意Ｄ護膚品只係寫開蓋期幾多個月～

一黎，唔知佢放左幾耐～分分鐘放左２年先到我手，仲點新鮮？

二黎，無密封包裝，有人開過再放埋好我都唔知架啦～咁個開封期無咩意思～

三黎，我是大頭蝦，　永遠唔記得Ｄ野幾時開，　仲永世唔會記得寫低開封期～＠＠

當然, 除左盒, 個樽底都同樣有寫架~

但要記住保存期同開蓋期唔同架~

保存期是指完全無開過, 密封包裝下既存放時間~

如果開左, 有效期得六個月架咋, 要快手用哂佢呀~

無意中發現成個盒可以拆得開～

原來～

包裝個外盒可以摺成一個咭片盒～

仲可以變成一個親子活動～ＨＡＨＡ　

原諒我手殘，　摺得唔靚　～＞＜　

成件產品有 : 

一個超厚既蓋 : 因為呢Ｄ補濕性既睡眠面膜水份好重好易會蒸發哂, 所以要用個厚厚既蓋減底蒸發速度~

一枝好細既＂匙羹＂:  用黎挖D 面膜出黎~

一個薄薄既膠蓋, 用黎放匙羹~

呢個放匙羹方法都幾聰明，平時個D隨送既匙羹因為無得連樽一齊放, 用用下我會唔知去哂邊~

同埋周圍放, 始於感覺無咁干淨,

呢個方便隨左解決儲藏既問題，仲可以解決埋衛生問題~ 讚~

隻羹其實好細隻, 因為官方寫每次既分量只要2粒黃豆咁大就夠~

我估應該係呢個份量度啦~

質地嘛, 似GEL GEL 地, 同一貫既SLEEPING MASK 差唔多~

味道亦有很香既玫瑰味~同埋, 有一D 植物草味~

我估是因為Phytoferulin®專利配方中加入左10種濃縮植物成份~

GEL 狀, 當然易推同很滑，而且搽上去既時候仲感到涼浸浸, 夏天搽一流~

還記得早前去做LASER, 因為面部皮膚干到發紅被人拒絕左唔肯幫我做~

左手邊就是干到紅左既皮膚~ >< 

雖然官方説2點黃豆, 但我會厚厚地, 狠狠地搽上~

我估起碼有5粒黃豆~HAHA

敷上森玫瑰水立方晚安凍膜EX 後一個時晨~(當然我係未瞓的~HAHA)

皮膚明顯地濕潤左唔少~

泛紅既地方都減淡了～

毛孔都收細了不少～

瞓醒第二日，D MASK 唔見哂了! >O<

唔知係我吸哂定被D被吸哂~ @@

皮膚無任何不適, 刺痛同敏感~

亦無哂泛紅既干燥感~

最好係T 字位無左因干燥而出油既煩惱~

不過呢, 可能冷氣太勁，起身時無個種好水嫩既感覺~

官方話有「保濕‧滋潤‧抗老‧亮顏‧舒護」5重靚膚「膜」法 

我覺得作為一個保水既面膜就絕對合格

舒護？舒緩？舒緩方面亦非常好, 降紅效果一流

但滋潤度就略嫌不足，要另加滋潤精華!

至於抗老，亮顏嗎，使用時間太短，暫時未能下結論~

不過如果保濕做得好，要做到抗老及亮顏都唔係難事啦~

想效果好D, 當然最好成個系列一齊用啦~

Naruko牛爾親研

森玫瑰水立方保濕系列EX

『Naruko牛爾親研』於全線Colourmix卡萊美獨家發售

產品查詢熱線：2201 8668 

www.colourmix-cosmetics.com

以上產品及資料由 提供

如要聯絡本人，請電郵至： smonkichi@hotmail.com

Blog Link :The Ztyle  Beauty Qooza She.com U Beauty Beautylife Blogspot BE