值得尊敬及支持的香港品牌~ Sherry & Jayden
雖然是星期六，不過我同阿囡一早就起左身,
因為要黎參加 Sherry & Jayden 的CUPCAKE 班~
題外話，今日坐的士去K11, 的士司機唔知K11係邊度~@@
究竟是K11既問題，定司機問題？
黎到今日既活動場地~
K11 EASY 123 Dinner and Cooking Studio
一去到就被D好靚造型既蛋糕同CUPCAKE 吸引左~
呢個蘋果, 大過我個頭呀~ HAHＡ～
好多超靚造型既CUPCAKE , 真係靚到唔捨得食架~
仲有好多整蛋糕既配件賣添~
Sherry & Jayden 原來是一間香港既自家品牌創作公司
公司以一個男仔Jayden 同一個女仔 Sherry 2 個俄羅斯娃娃做LOGO
呢2個公仔造型好可愛呀~
阿囡同朋友仔朗朗見到都忍唔住都去同佢地玩下同影相~
估唔到朗朗鐘意 Sherry 多D, 要企埋同Sherry 影相~ 真係異性相吸？HAHA
阿囡身上既廚師帽，圍裙同手套全部都係由大會提供
由好多個 Sherry 組成的圖案~係咪勁靚呢？阿囡著左之後成個小廚神咁, 仲唔肯除添呀~
除左阿囡身上既小廚神系列，原來Sherry & Jayden 仲出左好多日常家居產品
全部係印滿Sherry & Jayden 既樣, 好可愛呀~
大會準備左早點俾我地~好窩心呀
咁靚既早點, 真係第一次食呀~
我同阿囡都食得好開心呀~
呢D就是我地今日整CUPCAKE 既材料啦~
估唔估到我地整乜呢？
原來今日我地要整2款唔同既CUPCAKE
由Twinkle Baker Decor 既導師好細心咁教我地整~
小朋友都好留心咁聽書呢~
有冇覺得導師有D似王菀之呢~HAHA～
CUPCAKE 有女仔既士多啤梨款同男仔既足球款
首先學整左個士多啤梨先啦~
阿囡平時最鐘意就是玩泥膠
整CUPCAKE 完全開正佢個辨, 佢開心到不得了, 樣樣都要搶住自已整
仲整得有板有眼添~
之後, 就到整足球款~
其實只係搓左一個白色球, 再將D黑色花花貼上去就得~
簡單, 但係造型出黎好靚~
話咁快，士多啤梨同足球都完成左啦~
之後加番D CREAM 同裝飾就完成啦~
係咪好簡單又好靚呢~
當然, 唔少得影大合照時間啦~
不過今日實在太多小朋友啦, 所以出現左以下既場面~HAHA
不過個個小朋友都好得意, 尤其著哂Sherry & Jayden 的廚師衫同帽, 更加可愛~
Sherry & Jayden 簡單用2個俄羅斯娃娃, 但就組合成一個系列好靚既日常用品出黎~
除左上面小朋友既廚師系列仲係一系列既大人小朋友用品~
小朋友有呢D 好實用同好靚既口水肩同全身圍裙~ 由BB到KIDS 都啱~
而媽媽呢, 就有呢D唔同SIZE 既袋, 仲有保溫袋，IPAD 保護套同紙巾盒套~
我自己就好鐘意呢個餐枱墊~
色彩鮮艷, 圖案鮮明~
而且係全棉加上PVC 膠面，就算跌左D 餅碎係面都無問題，易於清洗~ 仲可以摺埋, 方便儲存~
最鐘意係放個餐墊就劃分左一個位置俾小朋友, 等佢可以坐定定食飯~
做到最基本既Table manner
其實Sherry & Jayden 既創辦目的是"以德為質"
重視小朋友德育培養，因此以［以德為質］作為使命，培育孩子全人發展。
根據研究表示，零至八歲的是兒童人格發展的最重要時期。在這段時間，他們有極強烈的學習及模彷能力，容易受教育及周邊的環境影響，故這是決定日後孩子人格取向的關鍵期。
我地除左關心小朋友既學習外，都唔可以忽略小朋友既品德教育~
創辦者關心香港德育教育，希望以一男一女俄羅斯娃娃公仔作 icon，
為香港孩子和父母打氣，鼓勵大家面對教育困難時不會放棄。
開初見到Sherry & Jayden 既產品同品質，以為價錢唔平, 點知價錢只由幾十蚊到百幾蚊
品牌既目的是希望大家係使用, 見到呢對俄羅斯娃娃時會諗起佢 "以德為質"既理念~
香港既整個大圍氣氛都以讀書為基本，加上現今社會好多年輕一代都缺乏既品德既敎育
淨係睇港鐵係咁多年後既今日仲要整關愛座就知現今既德育幾有問題。
雖然第一次接觸呢個品牌，但已被佢既理念吸引
很感激在今時今日既社會仲有唔係唯利是圖既企業
真心希望呢個品牌大放光彩
喚醒大家對品德教育既重要性
大家都黎多多支持呢個香港既品牌啦~
即將推出：網上售賣點 － fingershopping.com
專櫃 － 樂富Uny （2014年7月15日至2014年7月29日）
以上活動及產品由品牌提供
如要聯絡本人，請電郵至： smonkichi@hotmail.com
Blog Link :The Ztyle Beauty Qooza She.com U Beauty Beautylife Blogspot BE
留言
張貼留言