印式滋味2人餐 ~


一間絶不起眼的印度餐廳,位於上環的住宅區
外表好似茶記,入面坐既多外藉人仕~

其實早前已去過,不過無試過佢既2人餐
今次再去,當然要食番~

2人餐有2個前菜,2個主菜,飯或NAAN同2杯飲品
平圴每人百多元,平常DINNER價錢


胡椒餅唔太香胡椒味,唔算辣,不過幾脆~


呢度薄荷醬幾合我口味,有很FRESH的清新感覺
反而呢一個好似有果皮的唔知咩果醬,我就覺得麻麻,甜辣得黎唔知想點~


最快開心是跟餐可以跟啤酒,唔使加錢,當然一人一杯,CHEER 啦~


諗左好耐,叫左呢2個前餐
串燒五香雞件
香草味唔太出,雞件變得味道唔係好夠

蔬菜煎餅,出乎意料,薯仔混合蔬菜再煎香,外脆內軟,好香口
個辣醬都應記一功,唔係好辣個隻,但幾香~


因係2人份量,每人有2件雞同一塊餅
雞好啖啖肉,我寧願係一件雞加2塊餅了~

前菜叫左雞,主菜就叫左羊同牛

印式香料燴羊肉

羊肉好淋,有少少羊味但啱啱好,唔會膻~
印式香料唔係杰身個隻,唔痴口~

用黎送飯一流~


呢個主菜叫牛肉翻炒,諗左好耐都唔知係咩
問左待應,佢話係牛肉炒菜
諗住會有D菜,但原來搞錯哂~XD

佢既菜係青椒,洋蔥個D
呢個菜其實有D似中式青椒炒牛肉,不過味道更香濃
牛肉既牛味不大,不過肉質較實,,有D咬勁。唔似燴羊肉個隻淋身
唔知點解覺得有d大排檔風味~HAHA 


跟餐叫左一個飯,一個NAAN 
其實真係食唔哂~

呢隻印度飯兩頭尖,好勁身,好索汁,用黎食燴羊肉一流~


NAAN 係原味,軟身個隻,好飽肚,食左一塊好似食左一碗飯咁~XD
對比起有味的NAAN,呢隻無咁油添,我鐘意用呢隻黎配食咖哩多D~



食印度野有D好講識唔識點菜,因為好多餸都唔知咩黎
都係靠估去點餸,好似今次點既餸都好啱我的口味
比起第一次黎食印象好左~ 

其實呢個2人餐真係幾飽肚,基本上係食唔哂~
去開上環文娛中心個頭不妨黎試下~

上環皇后大道西38號地下

如要聯絡本人,請電郵至: smonkichi@hotmail.com




留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®