Sally Ngai's Private Heart

大家都好著重美白，不過首先要明白面色變黃，暗啞其實唔係因為曬黑，而係因為氧化~ 好多人應該都同我一樣係坐OFFICE, 雖然減少左戶外工作的紫外線傷害， 但原來日以繼夜於中央冷氣環境下工作都會令皮膚氧化。 再加上返工對住電腦，放工對住手機，呢D電子幅射都會令皮膚氧化。 如果係吸煙者，又或者交際應酬中吸入二手煙， 這些生活模式都令肌膚有氧化危機，從而出現缺水、暗沉, 欠缺彈性及面黃等問題。 講到咁，會唔會有D驚？ 好似氧化無時無刻都在咁。 係，無錯，氧化的確無時無刻在發生。所以我地都要無時無刻咁去抗氧化~ 充足的防曬係必須吧~ 仲要記得要補搽呀~  另外，飲食方面尤其注意，大部分的抗氧化物人體都無法自行合成，須依賴日常飲食中攝取。 所以我地要食足量且種類多樣的食物，從中攝取所需的抗氧化物來維持人體正常的運作，唔好偏食，過份節食。 而我亦會揀一D補充品,  Q10 就係其中一種抗氧化物，可以幫助抗氧化 當然，每日抽小小時間去公園做下帶氧運動，清新空氣都可以令到個人放鬆D，精神舒服D~ 至於抗氧既護膚方面，都可以揀一D含有高效抗氧成份的產品~ L’ORÉAL PARIS  HYDRAFRESH Anti-OX Mask-In Lotion 水清新葡萄籽面膜精華水 提子含有抗氧化成份就好多人都知~ 但原來，葡萄籽蘊含的葡萄多酚有更強大抗氧化力量 L’ORÉAL PARIS由葡萄籽中萃取出抗氧保鮮精萃，注入L’ORÉAL PARIS HYRDRAFRESH水清新葡萄籽面膜精華水中， 傾注50x抗氧化力的精華水，同時保濕/活膚/柔膚　 包裝成枝好似TONER 咁~ 玫瑰金的樽蓋包裝令到成件產品都高貴哂 雖然話係精華水，但其實都好大枝，有175ML~ 成枝乳白色，但倒出黎就接近透明~  帶有L’ORÉAL PARIS 的標牌式香氣~ 質感同想像中好唔同，以為叫精華水就會好水 但原來係好杰身的精華乳液狀~並唔係TONER 的水狀 用法有3種~ 用法一 可以當做平時既TONER，洗完...

復活節前夕，費事再煮飯啦, 一於出街食~ 去左德福第二期的嚐越  (搬左位，之前係角落的)  好彩未到七點就到，唔使等就有位 我地食完之後已經排左好多人~ 呢度有成張園枱，適合一家大細 亦都有4人卡位，可以情侶對坐~ 眼見2個人一張枱都無話要搭枱，OK啦~ 是晚以飽肚為主，阿囡又唔係好食得辣~所以叫左2個粉~ 鮮黃牛脊河粉~ 湯底幾好味，不過牛脊肉略厚，全熟後就有D 嚡同 UN~ 唔係想像中咁滑~ 牛河中有唔少芽菜同3粉蘿蔔，蘿蔔幾淋幾入味，不過好細舊，多D就好了~HAHA  呢度既小食同粉麵差唔多錢 見叫個豬扒小食都 八十八蚊，咁不如叫個豬扒檬粉啦~ 豬扒有濃香香茅味，而且好淋，阿囡差唔多一個人食哂~@@  檬粉唔會淋到一PAT PAT ，混埋牛脊肉河的湯底，好好的配搭~  嗜辣的朋友可以叫待應攞番辣醬(是拉差醬) , 因為枱面無放的~ 呢個係我食越南必備的~ 少少辣吊吊味，成個粉即刻好味哂~ 是日見好多人都叫雞，原來做緊特價~ 我地都唔執輸，叫左半隻 (特價HKD 80)  南乳吊燒雞 上枱時已經被佢D脆脆皮吸引啦~  皮好薄，又唔多膏~因為似風干，唔係油炸，所以一D都唔油膩 而且雞肉仲好嫩滑~ 南乳唔係搽好先燒，而係分開沾，不過南乳好似無咩煮過，陣味怪怪的 唔沾仲好食~ 因為唔係新鮮雞，無咩雞味~ ~  甜品時間，造型WIN左既漢堡香芒黑糯米 配上類似咖椰醬~ 不過呢個甜品賣相好過內涵 黑糯米比較硬，咖椰醬又太少太杰，如果多D汁會好好多~  兩個粉每個HKD 65加雞 HKD 80蚊, 甜品 HKD 58 都係268 再加埋一都係294.8 但埋單要324, 走左先諗起，唔知點解貴左，唔知加左D咩費~ 唔通係茶位？   嚐越 Deli Viet 九龍灣德福廣場2期4樓413 – 414號舖 如要聯絡本人，請電郵至：  smonkichi@hotmail.com ...

3月20 21號係香港天文台開放日 我其實都無去過~見無咩搞就同阿囡去行下~ 雖然唔使排好耐，不過都有少少人流管制，十幾個十幾個咁放行~ 不過全程都係自己行，得草地有一，兩個人講解，又無咪，太多人圍住都聽唔到~ 同埋D野都幾深，我都盡量講解，不過唔知阿囡明幾多~ 眼見有唔少人推住BB車，或同D 1, 2歲既小朋友黎~  其實........... 起跑線係咪真係要咁早，咁細個，黎睇咩都未知啦~@@ 睇完都係四點幾，見咁早就周圍行下，去左好耐無去既WK廣場~(重慶大廈隔離地下商場) 無去一排，呢度變左運動用品集中地，全部運動用品大牌都有~ 真係估佢唔到 (自由行好鐘意買運動用品架？) 不過當日所見就真係得小貓三數隻~ 如果一心黎買野，呢D應該行得好舒服~ 記得以前都有幾間食肆，不過家下得番2間，除左蘭芳園，就得呢間 ESPRESSO ALCHEMY  呢間係主打西式咖啡同意粉~係商場半開放式，坐得比蘭芳園舒服~ 餐牌，價錢都好OPEN咁放哂係枱面俾路過既人睇~ 開頭以為呢度既MAIN COURSE都要過百啦~ 點知又唔係喎，由4X ~ 7X~都有，仲可以跟餐加錢配湯/沙律或者飲品~  最好係，免加一呀~  先黎個飲品，WHITE FLAT~ 平時好多COFFEE SHOP 整呢D新奶咖啡都奶味重過COFFEE 味~ 呢杯有好濃香既奶味之餘仲飲到本身的COFFEE 味~  奶泡亦很綿密幼滑~ 杯端上黎時係熱的，唔會令咖啡倒入時降溫，好細心~  呢杯係店主推介的~  ~胡椒鮮奶~   好新奇，但又好好味~ 飲到胡椒的香味，但又無左胡椒的辛辣感~ 估唔到原來2者係咁夾，出黎既效果係咁好~ 我飲飲下都即刻WHATSAPP 朋友報料，真係特別又美味的CROSSOVER~ ~黑松露磨菇意粉~ 意粉本身做得幾好，軟硬適中，唔會淋PAT PAT,  個白汁唔會太多，完全沾上意粉, 無左食白汁個種膩感~  黑松露好香，值得一讚係個磨菇片整到超滑~ ~  究竟有幾...

每次黎THE ONE 既 Cambo ขุนทอง    都座無虛席，大排長龍 打電話黎BOOK 都會FULL, 要WALK IN~ 其實我都明，咁既價錢係TST 商場真係唔多~食一個海南雞飯都係62, 真係茶記都要咁既價~  今日老公放假，同佢黎試下我之前食過既大蜆煲~ 坐底阿囡係咁叫肚餓，即刻整個炒野佢頂下肚先~ 呢個豬頸肉乾炒河粉就最啱,因為唔辣~XD  (有濕炒/乾炒兩款揀) ~ 阿囡最愛食肉，個豬頸肉好淋好香，最啱佢~ 炒野黎講佢真係少油，唔會食到好油膩~ D河粉炒得有D碎，對小朋友就啱，唔使剪XD～ 不過味道偏濃，食多幾啖會覺得有Ｄ咸啦～ 又到我至愛的泰式明爐大蜆煲啦～ 呢個煲真係好好味～芹菜蒜仔加埋Ｄ辣味，清清辣辣～ 加埋Ｄ勁索味既粉絲～ 越煮越辣，越辣越想食 Ｄ蜆真係隻隻都手掌咁大架～ 不過今次唔知係咪個火太弱，煮左半個鐘煮到無火，之後再換火先滾起 搞到Ｄ蜆熟過頭，無咁鮮甜添 同埋Ｄ粉絲因為滖得唔夠耐，有少少硬～ 建議大家食個時要不停咁望下個火，同埋Ｄ蜆唔好滾咁耐～ 單叫一個炸物都58，叫一個拼盤先98 真係好似抵好多 不過原來個細拼盤係唔包鳯爪~>< 個MENU 無寫, 張圖又有喎~>< 有少少被騙~ 不過整個拼盤食物水準都唔錯~ 個蝦餅外皮炸得好鬆化，蝦膠好有蝦味~  個魚餅好香黃姜粉同香料味，不過阿囡食唔到，話辣~ 個香草雞 比想像中好好多，以前食好多都係炸到成舊黑色，干爭爭，我已經無食香草雞好耐~ 但呢個竟然係好淋香，啖啖雞肉~阿囡超愛~ 佢話呢個係糉黎~XD 唯一係個蝦春卷 D皮有Ｄ硬，隻蝦無咩味，唯一補救方法係沾上附送既2個醬～一個少辣一個甜，補番少少分～ 話說我自己叫餸，好少食泰式肉碎，因為好多時Ｄ肉碎都炒到好干，成粒肉粒死死硬硬咁～ 不過尼個肉碎又真係有Ｄ意外驚喜～ 肉碎Ｄ肉真係FEEL到係肉黎，唔係嚡到鬼好似肉干粒，仲加入左唔少香葉入去，又香又辣～　 附送既菜籃仲有新鮮豆角，加埋一齊食，好爽脆～ (唔食得辣人仕要慎選)...

之前食過2次蒸海鮮，人太少，樣樣想食又食唔到咁多 今次終於約左成圍人去食啦~ YEAH 有蒸氣海鮮火鍋專門店 朋友訂左呢度既一間房，唔使MINI CHARGE, 人多有間房真係開心D，講野都可以大聲D~XD 值得一讚呢度既抽風系列幾好，雖然坐左成晚房蒸左成晚，但無成身都係食物味~ 九點半後仲有勁抵 198/位，不過今次用唔到啦 石鍋，當然要食番個粥底先夠盡慶~蒸野前先將D排骨，南瓜同米放係底先~ 就眼見D排骨都好新鮮，色澤好靚~  蒸南非鮑 HKD88/隻 今次除左平時有既蟲草花，仲有少見的雞油蒸~ 估唔到雞油蒸的味道比蟲草花仲要清，無蓋到鮑魚的鮮味~ 不過雞味就唔係好食到 鮑魚係超爽口彈牙唔痴牙~ 蒸海鮮必食~  另一個又係至愛的聖子皇 (我真係好鐘意食貝殼類~XD)  大隻，無沙，夠鮮味，特別欣賞佢用金銀蒜蒸，比淨用鮮蒜更有味道~ 海鮮就蒸得多，但好似無試過蒸肉 呢個手切牛頸脊用黎蒸，開頭仲怕佢咁蒸會嚡，估唔到竟然好鮮嫩滑口，仲食到陣陣牛肉的香味 比起打邊爐仲能KEEP到原汁原味~ 今晚既主角~成隻手臂咁長的本地大斑馬瀨尿蝦 仲要係冰鎮凍食，真係第一次~ 雖然一隻要成4百幾，但已夠我地成圍人食啦~  蝦入面有成半係膏，D膏好結實，唔腥，有D似魚子 肉質因為凍食，所以好爽，不過就少左熟食時個種肉味~  黑松露墨魚滑配蘿蔔 個造型已殺哂，成枱女生見到個心型都冧左~ 不過師傳話係期間限定，唔係成日有架~HAHA  黑松露好香，配合個好結實彈牙的手打墨魚滑，唔使沾醬已夠好夠味 反而個蘿蔔底感覺有少少唔夠軟，如果將佢變成冬瓜，我覺得仲PERFECT~ 呢度除左海鮮外，佢既熟食都做得好出色~ 避風塘茄子粒，外脆內軟，雙重口感~ 南北杏燉豬肺湯，成碗牛奶咁香濃幼滑，勁足料~  蝦干豆卜五花腩，腩肉炒得好爽脆，一D都唔覺肥膩，加埋蝦醬的咸香味，送飯真係一流~  呢個咕嚕肉好特別，佢有一層好薄薄的脆皮包住，外皮鬆化，肉質嫩滑，加埋好可口的蕎頭同甜酸醬，又係可以食2...