休息是為了走更長的路 ~ LCDB Spa薰衣草球身體按摩

-
啱過去既星期，參加左上海商業博愛單車百萬行
踩單車過來回南灣隧道同昂船洲大橋
真係一個好難得既機會可以企係昂船洲大橋上呀，當然要影多幾張相啦~


不過我都知自己事，十年唔運動，一動起上黎實周身唔妥
所以一早就BOOK 定左去呢度做按摩啦~ :P

LCDB SPA


 Le Château du Bois (LCDB)源自 1890 年法國普羅旺斯真薰衣草蒸餾世家 ─ Lincelé 家族，
擁有 125 年提煉純真薰衣草精油的豐富經驗
LCDB 提煉的真薰衣草精油獲歐盟 A.O.P. (又 名 P.D.O.) 的認證。
呢個認證確保產品原產地以至出品均符合法國法定產區命名管理局的核准)認可，
產品更獲 ECO CERT® 有機認證


 近年LCDB更把真薰衣草精油用於至護膚產品，
推出了不少很受歡迎的皮膚，身體的洗護用品


甚至連家居香薰，淡香水都有～


LCDB嚴格監控產品研發及生產過程中每個程序，確保不含一般護膚品常見的致敏物質
堅持5大防敏保證，以減低對肌膚的傷害




平時我地都成日接觸到薰衣草架啦，咁LCDB又有咩唔同？

平時既薰衣產品好多都係叫 Lavandin (雜薰衣草)  
而LCDB 的薰衣草係 fine Lavander  (真薰衣草)


原來真薰衣草同雜薰衣草係兩種唔同品種的薰衣草，
前者要係高山上，有良好氣候，土壤先可以生產，而且仲有藥用價值，
能寧神失眠，並有效醫治灼傷、喉嚨痛、風濕痙攣等毛病

而雜薰衣草就很粗生，只有其香，無其功效，更唔可以當精油咁用~
所以大家係購買薰衣草精油或產品時要加倍留意啦~

一打開門就聞到樸鼻而來的清香薰衣草味，加上週圍的環境佈置，
真係好似去左旺羅旺斯薰衣草園渡假咁呀~


去按摩最唔鐘意就係環境唔舒服
因為按摩係想RELAX ，如果環境迫迫窄窄，心情都爭D

一入黎呢個寬敞的房間，心情都馬上好起來~


呢籃咁靚既welcome gift,  其實係俾我地按摩時著既底底啦，紙BRA BAR , 浴帽


仲有一個膠袋俾你裝住自己D"小可愛"添，好貼心呀~

按摩前我最鐘意就係沖個熱水涼先，等成個人可以放鬆D嘛



搞掂哂，就可以按鈴叫人入黎按摩啦~  

今次做既呢個叫

薰衣草球身體按摩

開始時以“The Ritual” 靜心療法 令你放鬆身心
按摩師會將純薰衣草精油係面上打3圈
每個圈都要用鼻吸，用口呼，令真薰衣草的香薰油帶動身心放鬆~


平時係街聞到D未稀釋的精油，會覺得陣味好濃烈刺鼻~
不過LCDB 的純精油就算直接聞都好舒服~ 氣味好清新，一D都唔嗆鼻~

之後美容師就會用以熱手套按摩手腳，令到繃緊的皮膚得到鬆馳　

真薰衣草滋潤足部護理
腳就用含有真薰衣草成份的熱毛巾包裏，等毛巾的熱力浸透入皮膚內~

成個加熱的過程令到平時緊繃的皮膚同神經都可以放鬆


熱完之後就開始 "暖油紓緩身體按摩"
美容師將真薰衣草放鬆按摩油放入個兜兜度加熱先
熱左的油除左搽落身唔會凍冰冰外，仲可以加快身體吸收添~


留意番，按摩師係戴住手套同我按架，咁就可以避免到大家有肌膚之親啦~ 

每按完一個部份，按摩師就會係個蒸爐度攞出2個大包出黎~XD 


呢D 大包就係薰衣草球啦，入面全部都係一粒粒既薰衣草黎~
用紗布包住再加熱，係啱啱按摩完的部份再按壓幾下，
草球的熱力有效滲透肌底，疏通淋巴，促進血液循環，仲可以去濕添～

溫馨提示：如果好怕熱的朋友，可以先同按摩師講聲~

不過熱辣辣按落去個下真係好爽
尤其D肩頸勞損位，真係想佢辣多幾下呀~

除左手腳外， 按摩師仲會按埋肚同用草球碌碌架
按個時有少少想排氣出黎添~XD
按完後覺得個肚好似鬆左好多咁，好舒服呀
如果M痛時有得咁按下真係爽到爆呀~


按完第朝起身，個肚腩真心覺得平左呀~ :3

按完前面，當然要反轉按埋後面啦～　
係咪好似賣泰國旅行廣告尼？ XD 


平時抱住阿囡搞到條腰鬼咁攰
踩單車時又坐到個PAT PAT 好鬼痛
當按摩師按落腰同PAT PAT 個幾下真係舒服到差D叫出聲~

其實按摩時係無可能瞓到 ，當按摩師按到你D勞損位，真係又痛又爽架~


按完後就黎個深層潤膚身體護理，就係幫身體搽番真薰衣草身體滋養潤滑乳

最後的“Finishing Touches”，就係坐係度，按摩師再用熱毛巾幫你再按肩頸~

因為已經按到個人昏昏迷迷，相都唔記得影了~XD

成個按摩過程都好RELAX,  昏暗的環境，滿室清香
聽住悠揚的音樂~  話咁快就做左 105分鐘啦~

真係想呢個105分鐘可以永遠都存在呀~ 

按摩完行去坐車，成個人都感覺輕左好多，膞頭D重擔都唔見哂啦~ 
不過呢，如果有張床俾我瞓落去就最好啦~ 真係舒服到好想即刻瞓呀~

以前返大陸按摩，D妹妹仔淨係用死力去捽你
按完第2日成身都好似俾人打過咁 ，仲痛過未按既時候

LCDB 呢個按摩，按摩師係用適度既力去按壓你的穴位
而唔係係咁捽你的根位。
按完第2朝起身，成個人都好精神，亦都無周身痛的情況~ 

適當既時候要對自己好D，做個舒服的按摩，又可以再重新出發了~
如果你都想試舒服下，唔好錯過以下的限時優惠啦~

HKD$368尊享薰衣草球身體按摩乙次，完成後可獲得真薰衣草身體滋養乳(價值$220/75ml)


數量有限，送完即止，快D手啦~

提提大家，是項按摩不適用於孕婦或正在餵哺母乳的媽媽架


是次療程由theZtyle.com提供


如要聯絡本人，請電郵至： smonkichi@hotmail.com


留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容