香港人口味的泰菜

九龍城的泰式食肆很多,要突圍而出,當然要有少少特別

呢間位於富豪酒店後面的 ORANGE ELEPHANT 就走新派泰菜風格
連個門面都好新式~


呢度有個1蚊優惠,每日都有唔同的特價餸,只係一蚊
記得以前某酒樓做過1蚊1隻雞,D人爭餐死,
呢度都有1蚊一條烏頭,仲唔使俾一大埋茶芥添~

話佢新派,係因為成間店鋪都光線充足,地方闊落干淨企埋,仲有好多大圓枱,啱哂一大班朋友~
呢度地方都幾大,是夜WEEKDAY,  半場滿,人多都唔使等位~


至於食物嘛,反而傳統D,不過選擇好多~淨係睇MENU都睇左一段時間~


呢度叫ORANGE ELEPHANT, 當然有ELEPHANT 啦,就係呢D設計得好靚的掛牆裝飾


2大一小,又唔係好食得辣,其實都幾難諗食乜

點左個青咖喱牛,青咖喱係我比較鐘意的一種咖喱,貪佢清清地
呢個青咖喱上面佈滿左九層塔,超級FRESH~


青咖喱配蔬菜係好夾的,呢個入面都有唔少蔬菜,仲有泰式茄子,我既最愛
D菜唔會者到淋PAT PAT. 仲有菜既味道,反而牛肉就無咩牛味,不過就唔韌囉~


個青咖喱汁唔算好辣,算係淡口個種。流質感重D,唔係一PAT PAT個隻咖喱。

呢個就係是日一蚊餸 (其實都係因為佢先黎~@@) 
阿囡既至愛,香茅豬扒

豬扒金黃色好靚,上枱已聞到好香的香茅味~
但個伴碟椰菜同蒽唔知想點,唔好整好過

個豬扒基本上好瘦,不過又唔嚡喎,炸得個面好香脆~

最鐘意個辣汁,沾後將成個豬扒味覺改變哂,少酸再辣,好刺激味蕾。

由第一次同阿囡食過蛋包飯後,佢對呢個物體好情有獨鐘
估唔到係泰國食肆都有呢個
阿囡見到即點~

~蛋包海鮮炒飯~


打開後就見到海鮮啦,都係D蝦,魷魚,魚肉之類~


最開心係有加入粟米入去炒,成個飯甜味左唔少~

基本上個飯炒得幾干身,就咁食,食多少少會有D干


而且個飯其實都無咩味,所以,最好就係撈埋之前的青咖喱汁一齊食啦~

飯品方便,阿囡就要左尼個椰汁珍多冰 (我成日都分唔到珍多冰同三色冰~@@)
除左有平時綠色一條條外,仲有D黃色一條條的大樹菠蘿添, 又幾特別喎~
個椰汁好香,好濃,唔係椰水咁~ 亦唔太甜,好啱香港人口味~


我就當然健康D,叫左個椰青啦~
椰青係超清甜的,最重要係呢個好夠凍,更加好味~用黎解辣一流


呢間ORANGE ELEPHANT 由裝修到味道都有別於一般的泰菜
少甜少油味減辣減咸,相信係為遷就香港人既口味~
加上坐得舒服係呢度既另一大賣點~


如要聯絡本人,請電郵至: smonkichi@hotmail.com



留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®