韓式酒吧 ~Container Factory
從來，門面野永遠都好緊要
就好似呢間 CONTAINER FACTORY
大大個貨櫃放係度，唔幫襯都要望多兩眼啦~
就係因為咁，我地就中左入去食飯啦~
話明係CONTAINER FACTORY
成個門都整到成個貨櫃門黎咁~ 好迫真 (有可能係真架~XD)
而呢個話明係FACTORY, 成個場當然係工業風既設計啦~
是夜人太多，唔好意思週圍去影D DETAIL 位~
其實個場入面都幾黑, 好似去左地底工廠~XD
D相係較光左方便大家睇
係門口見到D MENU, 走新派韓食風~
好似幾有新意咁~
但坐底後對住只有六頁既MENU, 四條友竟然諗唔到食乜~@@
菜式每款都百元起計，有D腸仔拼盤仲要成400蚊 ，
同埋可能有BAR既成份 ，感覺D 食物都唔似正餐, 似SNACK多D~
我朋友先到，到我黎時見到枱面得番呢幾塊野
朋友話佢食左2塊咋
可能又係BAR 掛，變左SNACK 係前菜, 無左平時去韓食個D泡菜呀，芽菜呀咁囉~
幾個朋友咁耐無見，當然要飲番杯
真露 HKD 70/枝
呢隻真露入口常算清淡，酒精不太勁，屬易入口款
我呢D唔係好飲得既~當然要叫番杯飲品助陣啦~
呢杯MANGO SMOODIE <---- menu 係咁寫
HKD 70
芒果味幾香，幾濃，仲幾飽肚
但飲到尾時唔凍，感覺越飲越甜~
但 70蚊一杯既價錢就有D...........................
我地千揀萬揀，最後揀左2個菜食住先
蜜糖牛油炸雞
炸雞有 9-10件， 炸粉唔似韓式炸雞既粉，唔係硬硬脆脆，反而似炸漿
牛油味唔係好出，蜜糖味好重，太甜，檸檬得個樣，完全無味，如果多番少少檸檬汁吊下味會好D~
炸雞每件都細細件，方便食
不過無手套又無俾濕紙巾，有D唔夠細心 (或者佢預你用叉食掛)
肉其實剛剛熟，仲有少少未離哂骨
當時黑媽媽其實睇得唔太清楚
不過雞肉就幾嫩，就算雞胸位都唔會熟到好嚡個種~
個兜仔本黎係放夾俾我地夾雞的
但D骨又唔知放邊, 所以我地放哂係度, 希望無放錯啦~XD
本黎諗左好耐叫魚糕湯
落哂ORDER 後先黎話 無供應~@@
咁就改左呢香辣海鮮湯 (白色)
跟住又係........無的
最後要左呢個
香辣海鮮湯 (紅色)
HKD 240
實物同張相的確差很大呀~XD
真實版似阿媽屋企煮既雜菜煲~XD
而且比想像中細煲
話哂都成廿百幾蚊，係咪要大個少少呢？
作為一個海鮮窩，佢又的確無欺場，滿滿的都係海鮮
有一隻扇貝，一個魷魚桶，幾隻蝦同十幾蚊青口仔~
個魷魚好唔好幫手切一切呢？咁大舊，好難SHARE 呀~
基本上成個煲都係瓜，洋蔥同紅蘿蔔，連韓野主打既泡菜都好少，得幾條
就連豆腐，年糕，芽菜，大蒽呢D 基本韓野都無~
完全唔覺得自己食緊韓國菜 (可能新派野係咁掛)
如果以二百幾蚊食呢個煲，我會選擇去食個辣雞煲囉~
落單時問過話少辣
實情係幾辣，尤其係煲熱個陣，都叫得堅係辣
食到中尾段，關左火，個湯涼左，辣味有減少到，不過就咸到 HI HI
建議隨煲加番個白飯或麵，一齊食或者會好好多~
又咸又辣，朋友實在頂唔順
呢個時候先發現，原來餐廳無供應水的
(當然，可以叫佢俾杯水你，不過唔係放係度任斟個D)
最後朋友頂唔順叫左杯凍野
SOMERSBY RITA
HKD 75
本黎住都係APPLE CIDER 加冰，應該好正常
但朋友話好酸呀，可能個冰己加入左檸檬，不過重手左少少咁囉~ XD
食到呢度，大家雖然都唔係話好飽，但都已經無咩意慾再叫野食囉~
呢度基本上好似一間吧，黑媽媽
同埋，嘈到傾唔到計
同人講野要好大聲，人地又未必聽到~
如果你抱住落吧既心態黎呢度，可能會好過D
Container Factory Restaurant & Bar
尖沙咀柯士甸路20號地舖
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言