西灣河的月光~ Mint & Basil

-
星期六周圍都塞滿人，如果唔想同人迫，可以好似我咁去西灣河

西灣河既鯉景灣係岸邊開左一片食肆，
不論環境，氣氛都甚有渡假FEEL 

今次我就黎左呢間專食泰國菜的
MINT & BASIL 
當自己去左泰國~XD


呢間半開放式的餐廳，秋涼可以露天而坐, 感受一下迎面的海風
依家仲有少少暑熱~所以都係坐番入去成個竹棚既餐廳好D~XD 

曾幾何時, 呢度都想打造做成一個SOHO 區，加上附近又係豪宅
大家係咪都諗住價錢唔會平？

咁又錯啦喎~ 
睇番D價錢, 同係商場食肆既價錢差無幾咋~ 
都係幾十蚊至百多蚊度一個餸~ 


款式都分得幾細, 由湯，頭盤(分埋熱，冷盤) 仲有沙律，海鮮，家禽, 粉麵, 甜品.....
款式都係大路野，同平時食開的泰菜差唔多 

阿囡剛坐下，就送上了一SET 小朋友餐具，氹得阿囡好開心~


除左食，呢度既飲品都好出色，杯杯都色彩鮮艷，好吸引呀~


阿囡揀左杯無酒精的 MOCKTAIL , STRAWBERRY DELIGHT (又係士多啤梨~@@) 

好大杯呀，58蚊，真係幾抵飲~


士多啤梨沙冰底加入左菠蘿同LIME 
沙冰好幼順綿綿，士多啤梨味道唔太濃，亦唔算甜~ 反而飲到LIME的清香~
飲住呢杯STRAWBERRY DELIGHT, 望住對出海邊既日落，真係勁RELAX ~ 


平時食飯多數都係沙律先，呢度黎個開胃湯先

酸辣椰奶雞湯
HKD 88


呢個湯幾創新，唔再係獨沽一味的冬蔭公，而係冬蔭公加入左椰奶
除左有冬蔭公的酸辣，亦有很濃的椰汁香味~ 
湯很足料，基本上半煲都係料
有冬蔭公的香料，仲有大量的雞肉和草菇~ 

比起平時飲開的冬蔭公，呢個好有新鮮感，
因為有左椰奶中和，怕辣的媽媽都飲到~
唯一係雞肉無咩雞味囉~ 

因為其他沙律都辣，媽媽揀左呢個~

越式柚子沙律
HKD 68


柚子可能近中秋當造，好鮮甜，一D苦澀味都無~
撈左D酸酸的汁, 好開胃清新，食完即刻成個人REFRESH左~

點左阿囡既至愛~

泰式豬頸肉配酸辣汁
HKD 78


一拎上枱，阿囡已經話，好香呀~ 燒過的豬頸肉有一陣BBQ的肉香~ 
最驚喜係豬頸肉一D都無燒乾，仲有豬肉的油份係度，感覺真係食緊肉，而唔係食落肉乾~ 
而且每片豬頸肉都有少少爽脆的筋肉邊，食起來增加左肉的彈牙感~

跟豬頸肉一齊上的辣汁本黎是我最期待的~
味道嘛，呢個辣汁係調得唔錯，
但唔知點解有少少漿漿地感覺，令到加左汁後既口感唔夠清爽~ 


\


泰式菠蘿海鮮炒飯
HKD 128

呢個飯實在有夠大~肉眼睇有成四碗飯咁多~ 

魷魚都係大大塊的~一D都唔失禮~ (最重要係唔韌)
蛋係好均勻地佈滿係每粒飯度~ 粒粒金黃~ 


略嫌飯粒唔夠完整同唔夠乾~ 
不過整體黎講係大件夾抵食的~

呢度雖然離地鐵站有成15分鐘的腳程
但食飽後沿住海邊散下步，都係一種生活的趣味~ 


絕對建議各位黎呢度食個飯，曬下月光拍下拖呀~
帶埋狗狗黎食都得架~


Mint & Basil
西灣河鯉景灣蘇豪東A期太康街45號地下GA 4-7號舖


如要聯絡本人，請電郵至： smonkichi@hotmail.com






留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容