銅鑼灣的西班牙風情~La Postre

銅鑼灣的百樂中心已經變成左幢飲食中心
而且每一間的裝修都好有風格

今日就去左19樓的 La Postre
一開LIFT 門,已經見到很多花心思的設計~ 


每一個角落,每一個細節都是精心設計過


總之就係叫你一入黎就會影影影不停的~

就連MENU ,都變身成雜誌式~ 夠玩味吧~


Menu 圖文並茂,而且選擇都十分多~  由前菜小碟到飲品有十多頁,真係諗食咩都有排諗
忘了說,這裏係一間西班牙餐廳呢~  
就是DRINK LIST 都有幾版~ 
酒我麻麻,加上又咳到死死下,叫杯熱茶安全D 

~荔枝茉莉綠茶~
HKD 39

要求了少甜,少少的甜味再夾有荔枝的清新果味~最重要係飲到絲絲的綠茶味
這杯叫對了~ 我就係要呢一種感覺~ 



一見到個蠟燭座,即刻又舉機啦~ 
心型架,第一次見,真係好靚呀~

西班牙嘛,當然要食TAPAS,
欖油蒜片蝦配蒜蓉飽
HKD 108 


蝦是精細小巧個種,但隻隻爽脆彈牙~ 
除左主角外,仲有好多蔬菜配角~ 所以味道偏清淡

Tapas , 就係將D餸放上塊多士度食~
不得不讚下呢塊多士,超級鬆化, 同隻蝦真係平分春色呀~


雖然全部餸都浸哂係D欖油度,但D油好清澈通透~ 所以食落口亦都無油膩的感覺

唯一可惜係食完後淨番好多油係度,感覺好浪費呀~
如果有D意粉撈埋佢食,應該唔錯~XD 

西班牙的另一特色菜就係Tortilla
即係蛋餅, 平時都係菜,磨菇,火腿 etc 

呢個係UPGRADE版既
芝士煎蟹餅~HKD 168 

面頭鋪滿了一條條識郁既木魚絲
再配上真係有肉的蟹鉗~


蛋餅唔係全熟,個餅心係半熟,所以食落口蛋好滑~
入面包住好多料,有火腿,磨菇, 仲有蕃薯,味道複雜得黎又很配合~


重量級黎啦~
成隻豬手上枱

西班牙豬手
HKD 388


成個餸都佈滿菜,加埋D綠色既汁,好似豬手沙律咁~XD
成隻豬手已經起哂骨,切片上,方便食~
綠色既忌廉芥未醬好特別,很清新,可以去除豬手的肥膩感~


豬手烤過,但肉仲好嫩滑,唔會烤到乾哂~ 仲保留到肉的鮮嫩質感~

最點晴係呢個龍眼蜜糖,簡直係成個豬手的靈魂~


唯一係豬手的皮有少少韌,唔係鬆化個種,食落時要落D牙力~

飯後又點可以無甜品架~
伯爵茶焦糖燉蛋
HKD 59 

平時既燉蛋都係細細個,呢個係成杯上,仲要係大杯添~

一睇MENU,我就要定左呢個甜品啦
因為用茶做甜品係我既至愛
呢個焦糖燉蛋都無令我失望,伯爵茶的茶味夠哂香濃
配合不太甜的燉蛋,蛋香中有茶的甘,茶味中有蛋的甜 ~ BRAVO~

呢個甜品,令到是晚的晚餐有個很完滿的句號~


La Postre
銅鑼灣銅鑼灣耀華街3-9號百樂中心19樓

如要聯絡本人,請電郵至: smonkichi@hotmail.com






留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®