無煙韓式燒肉放題 ~ Lab 10

朗豪坊，曾經迫到水泄不通、間間食肆等位等到傻

趁依家仲未通關，終於可以唔使排隊啦~ 

今日食我最愛的韓式燒肉放題

餐廳裝修以新式簡潔為主，簡單舒服 

雖然食燒烤，但無一條條煙囱，因為呢度係無煙燒烤的~ 

除左用QR Code order肉同飲品，仲有呢個自助Bar 

有前菜，蔬菜同甜品任攞 

炸物都得意，一個個波既，原來係飯團黎~

黃色一舊，以為係炸蕃薯，原來係雞件黎~ 

薯條條條都好長好大條，唔會碎濕濕~ 

至於醃物就有3款，不過青瓜同泡菜感覺味道偏咸同唔夠辣

蔬菜類有即食，有要燒的。不過望落都新鮮干淨~ 

菇菇燒既時候加埋燒汁 (每枱都有一枝的) 一齊燒，非常惹味~ 

餐廳預先來個牛肉大拼盤，全部牛的款式有，等大家一次過哂先

有牛仔骨, 牛舌, 牛板腱,  牛肩肉, 一口牛..... 醬汁燒牛排

牛肉色澤幾嫩紅， 紋理清晰,  而且全部都係厚切~ 

我自己就鐘意食呢個韓式梨汁牛五花, 因為薄切，勁易燒, 又快熟~

唯一缺點係呢個份量係2人前的話，就有D多，食唔到其他野了~  

呢度既爐係無煙燒烤，又真係幾OK, 食完唔會成身燒烤味

爐既size 都幾精緻，但每次都燒到八件，而且火都幾大，食物好快熟～

牛黎講，厚切真心有Ｄ難燒，太熟又韌, 太生又食唔到~

不過好彩有老公幫手燒~HAHA

除左牛肉之外，呢度既海鮮質素都唔差
蜆同蝦都大大隻，蠔用上鍚紙兜煮，幾方便

不過Ｄ蜆因為太大隻，爆開時好響， 同好驚佢會彈出黎呀

飲品方便都有任飲， 有可樂和多款口味的梳打選擇
叫左菠蘿梳打同檸檬梳打，味道唔錯，無藥水味，仲幾清新添，

大大杯，用黎配燒野食一流~  

呢個辣豆腐湯就唔推介了，湯太稀又唔夠熱，有待改進

甜品方面有棉花糖和朱古力brownie 

呢個類似朱古力brownie 的甜品，感覺似朱古力蛋糕 

唔算好甜，但有D乾口

餐廳用餐時間90分鐘，燒野食要快手少少啦

還好個爐夠給力，我都食得好飽~

LAB 10

旺角亞皆老街8號朗豪坊10樓26號舖