Sally Ngai's Private Heart

又一工廈介紹 BELLA SHINE 穿過APM 後的工廈區，只係一街只遙，但寧靜舒服多了~ 一入門口已經見到呢2個咁型既武士企左係度~ 同其他樓上工廈一樣，呢度都幾大~  枱同椅都屬於寬闊舒適的設計， 不過枱與枱之間就有少少貼 呢度都有個最近好流行的OPEN KITCHEN 先黎特價的 10蚊 IRISH生蠔~ 無QUOTA, 可以任叫多隻都得~  少少地叫左3隻試下，肉質係瘦瘦地，不過爽口 啱鐘意食爽身生蠔既我 所有MAIN COURSE 加88蚊都可以變SET  叫左2個MAIN COURSE 同一個SET 試試~ SET 餐的頭盤 賣相好精緻喎~ 白酒生蠔，白酒好甜，蠔比IRISH 蠔肥~ 但口感都係清爽 溏心蛋做得幾出色，蛋白調味咸淡適中~ 跟套有個湯，甘笋薑藍青口濃湯 開頭睇漏左個薑字，飲落口有少少辣先知有薑~幾特別 湯幾濃，但個飽粒有D硬，要浸耐少少 MAIN COURSE 叫左同意粉同飯 龍葵菇野菌汁闊條麵 HKD 98 龍葵菇即係平時食個D焗釀大菇~ 呢度碎上，肉厚多汁，好滑 野菌汁味道幾濃，配合淡口的菇和闊條麵唔錯~ 但麵上面個D一條條既，似係烘乾左既金菇，但實在有D乾同韌~ 食到有D攰~  輕煎帶子黑松露意大利飯~ 帶子真係煎得好輕，好似日式炙帶子咁~ 飯都濕，幸好唔會煮得太淋，仲食到一粒粒 有很香黑松露味，但咸淡適中，唔會太濃味~  跟餐的甜品幾有驚喜 紅豆抺茶 : 抹茶奶凍有淡淡的抺茶味，甜味則由紅豆負責，食多D都唔會溜 呢個類似芒果雪米糯的和菓子 芒果味幾香，不過厚皮有少少硬~  芒果乳酸  跟餐要加20蚊的特飲 開頭覺得有D貴，但見阿囡咁想飲就試下啦~ 味道唔錯，芒果味都夠 乳酸味令到入口好刺激，打哂冷震~HAHA  呢度既食物份量都唔少，水準中上 仲有好心思擺盤添 唯一就係個油煙...

本來諗住到荔枝角新開的食肆大廈試一試，誰知入內冷清清地, 馬上走人~ 上OPENRICE 搜尋附近的食肆，發現左呢間~ 程班長台灣料理 開在舊式工廈大廈,  個度咁多工廠大廈，好彩朋友識路者, 唔係都唔知點搵~ 門面嘛, 那個金色字體實在有點兒老~ 我想係要跟著台灣老鋪的設計罷 這樣反而更好, 實實在在, 唔使食裝修~ 下單是寫在一塊過膠的紙在上面, 之後自己去俾錢 攞個牌號返黎等佢送餐~ 過膠既紙可以抹去再用, 非常環保, 好欣賞~ 餐前小食方面有傳統食開既滷水( 我叫左蛋, 豬耳, 豆腐) 都好入味，而且味道好好 台灣泡菜, 唔知係咩, 其實係酸既黃牙白，幾開胃,  薄餅都好香口同脆 反而紅油抄手既皮好厚, 拿埋一舊,無左"金魚尾" 不過醬汁OK 個荀絲滷就最遜色, 可能為遷就香港人，荀絲洗得太過，味道淡口了很多 而且煮得太軟了, 爛爛地, 我們每人只試過便收手了~  牛肉麵都有分兩隻 清燉牛肉麵 : 味道真係幾清，肉都偏瘦, 至於D 人話既油膩我覺得可以接受, D麵加上D油特別滑~ 紅燒半筋半肉麵 : 味道濃郁好多，有少辣，我鐘意呢個湯底多~XD, 特意揀左半筋半肉， D筋軟腍適中,咬就開了，又唔會太過腍PAT PAT~ 兩者都用左我最愛的寬條麵, 煙靭彈牙 不過如果鐘意食淋D既下單時就要講定~ 滷肉飯味道好好, 唔會太濃，肉都唔會嚡口 便當因太飽食唔落了, 不過朋友話舊面筋好咸~重手了~ 刈 (讀者 艾) 包, 又叫虎咬豬 之前係台灣都無食過 估唔到反而係香港食到XD 一食入口有好香既芫茜味~(如果唔食個D人就好憎囉~XD) 之後就有D 好似酸菜既物, 同埋一PAT 好似紅糖既野~ 加埋滷香左既豬排, 咸咸地, 酸酸地, 而個PAT紅糖仲將滷豬扒既香味提升添～ 加埋個唔知點解咁軟熟既包～　其實，我好鐘意食佢喎～ （不過尼個包，真係人夾人，因為係Ｄ好古老菜既味道，我Ｄ朋友就覺得有Ｄ怪～） 同場加映既係冬瓜茶，感覺普通，賣相麻麻，不過因為同埋Ｄ野一齊食，　又ＯＫ，　 同埋，跟餐有得加錢換嘛～ＸＤ 叫左２轉，叫到成枱都係 但四個人每人都係...