10億懸賞追殺令 - 一套睇到人發癲既戲~
一個冷血的殺人兇手，因為殺死左金融大享的孫女, 大享於是出10億獎金懸紅要殺死佢。全國陷入一片瘋狂。
而男女主角及其他三個警員就要肩負保護兇手既任務, 將佢順利送到東京受審。
故事的吊詭之處是男女主角要保護既係一個窮兇極惡既兇手
究竟值唔值得為呢一個咁既人渣付上性命？
如果將佢殺死，你可以得到十億懸紅外，仲唔使再有性命既擔憂
俾你是個男女主角？你會點揀？
作為一個現實同生活在香港既我, 當然會選擇二話不說殺死個兇手算~
但記住，呢套係日本片。
日本人既服從性，民族性。由小被灌輸既思想
令人不得不得為其致敬, 但同時亦覺得中國人說的"愚忠"
尤其當兇手連女主角都殺死個一刻，我真係諗唔到仲有咩理由可以繼續保護個兇手~
當然，如果係日本人，佢地會覺得呢D係應該的,
在其位當然要服其勞。
就算個天塌下來都要盡最後一口氣去完成任務~
對我黎講, 真係睇個人發忟~
而另一個人性的鬥爭就係五位探員護送兇手上路, 但其間大家既行蹤不停被洩露, 於是五人之間產生猜疑,
可能因為係電影篇幅有限，所以其他三位探員既背景都唔係太清楚。令到五人之間既爭執變得有D薄弱。
當然，戲中的局中局亦說明金錢既強大，可以令到人性都敗給金錢。同時亦都突顯出男主角的光輝人性~!
很沒不見的菜菜子，變成中菜了。老了很多，亦殘了很多。實在有點明日黃花之感~
兇手是做過夜月神的藤原龍也。今次個一個變態既殺人兇手，都算幾出色，佢既BABY FACE 應記一功
基本上成套戲對我黎講都係一種精神既煎熬。睇慣日本片既人應該覺得係理所當然的發展。對於我呢D咁現實既人，真係接受唔到囉~
如要聯絡本人，請電郵至：smonkichi@hotmail.com
留言
張貼留言