轉秋大作戰~ Lavera 親民有機護膚用品~

平時我是一個很懶既人

基本上除左塊面外，其他地方都好少搞~

而面呢. 都真係只係搽兩塊面豬燈~

不過一踏入秋天, 就會覺得成個人都好干，

周身都繃緊咁, 呢個時候想懶D都唔得啦

點都要搽番D 野啦~

想皮膚順利的轉季，不妨考慮以下呢三款轉季秋冬好物~

Lavera 呢個牌子最初是因為公司樓下有得開倉特價。個時成日諗，開倉既, 都唔慌係好野

不過用過佢既第一件＂有機野玫瑰沐浴啫喱＂後, 就愛上左呢個牌子~

護膚，梗係面最緊要啦～

我就推介呢款

My Age Day Cream 

White Tea & Karanja Oil

有機抗衰老修護日霜 $279/30ml

含有有機紅石榴果油、有機白茶、卡蘭賈樹油、Q10輔酶及Cova Btrox提取物，

可以抵禦自由基、減淡細紋，並深層滋潤肌膚

點解咁鐘意呢個牌子，係因為佢係有機囉~

我最鐘意天然野架啦~

而且，佢仲係攞左好多CERT 的有機護膚品，但價錢又親民喎~!

其實呢個應該叫用清文，因為寫文時我已經差唔多用哂成枝啦~HAHA

呢枝DAY CREAM 雖然話係FOR 抗衰老，但我覺得用黎當做轉季DAY CREAM 啱啱好~

質感本身唔係厚身, 而且CREAM 狀亦很易推

最好就是佢滋而不笠。搽完後唔會覺得好痴, 但會滋潤度極高~

最啱呢D濕度中等，需要適度滋潤的天氣~

因為加入左紅石榴果油，味道都有少少甜，好似平時食開既維他命糖個隻甜味囉~

唯一唔好是DAY CREAM 無防曬囉, 要我呢個懶人又要搽多樣野

面呢, 我就幾時都會搽，但嘴呢, 就真係唔干到裂都唔肯搽~

係干到裂既時候，我就要搵佢幫下手啦~

SWEET CHAI TEA 有機甜柴茶潤唇膏

( Limited Edition) $59/50ml

最欣賞佢既全紙包裝，唔使用膠，而且所有說明都印哂係個盒度。

成個包裝可以循環再造。真係好鍚地球呀, 值得一讚 >3<

其實嘴唇係好薄既 (輕輕撞親都會出血就知啦~)

所以一到秋冬，嘴仔好易干

一轉季，個嘴就會出現警示，出哂干紋~

呢個時候就一定要搽潤唇膏 (想懶D都唔得~><) 

 Lavera 呢款限量版甜柴茶潤唇膏當中加入黑茶，玉桂，豆蔻，黑椒，豆香及薑等抗氧化成分，有助延緩嘴部肌膚衰老。

而且呢D抗氧化成份仲會散發著獨特而不能抗拒的香氣。有少少神秘既感覺~XD 

而且因為唔係好女仔既香味, 男仔都啱用架~ 

質感同平時既蠟質潤唇膏差唔多

呢隻質地係超襟用，用極都仲有XD

而且質感係超薄，搽上嘴後好自然，男女都用得~

一搽上去, 成個干到皺皮既嘴仔即刻漲番哂~ D唇紋都淡左好多~

而且最鐘意佢既質地夠薄, 又唔笠，

就算搽完後即刻搽唇膏都無問題

D唇膏一樣上到色架~

搞完塊面，當然要搞下另一個成日都干既地方

就是隻手啦~

每日我地洗手都唔知洗幾多次，洗D哂油脂，所以雙手好易變干同變粗糙

REGENERIERENDE HANDCREME

有機緊膚紅莓油潤手霜 $59/50ml

採用有機摩洛哥堅果油和抗氧化有機小紅莓的有機萃取，為長期工作的雙手提供細緻的呵護，

有機牛油樹脂或有機葵花籽油，以及從有機紅莓刺激咖啡因抗氧化劑等有機精油，能促進細胞更新，

令雙手能抵禦任何乾燥不適的環境。皮膚保持柔軟和光滑的感覺。

初初見到INTENSIVE 呢個字仲諗住佢會好笠~

但原來一D都唔會笠，而且好快吸收之餘仲覺得隻手變得軟熟左~

最最最最最最最重要係, 可以幫我去除同預防呢D最忔人憎同最痛既倒刺~

用左一排，真係成個指甲邊都健康哂, 無甩皮同無倒刺再生啦~

因為有小紅苺既關係，味道都幾甜架, 啱哂甜美既女生~

Lavera 呢個有機牌子實在值得推介，除左價錢親民，有證書保證，佢D產品全部都係德國製造架。

希望大家唔再有皮膚問題。可以好好享受呢個由熱轉冷既天氣~

秋天，其實都好浪漫架~

 以上產品，由品牌提供

如要聯絡本人，請電郵至： smonkichi@hotmail.com

My Blog Link :

The Ztyle Beauty Qooza She.com U Beauty Beautylife Blogspot BE