元朗的泰式角落~
很久沒有踏足元朗
今日就同老公，阿囡入左去行街
估唔到元朗開左唔少OUTLET
尤其係波鞋OUTLET, CONVERSE D款仲多過旺角
有時間可以入去睇睇~
以前入元朗通常都係食好出名既大塊刺身同甜品
但家下都開左唔少食肆。
今次就試左呢間係元朗劇院隔離既泰國菜
Mint Thai House
薄荷葉泰國菜
菜館有戶內同戶外既用膳地方。戶外就似西式吧咁
戶內就以泰式佈置為主，連D枱枱櫈櫈都係用木的~
呢度仲有2樓俾一大班人用餐 (我見上親去既都係一大班人~XD)
有機會都想上去睇下~XD
星期日晚去，估唔到都好多人，滿哂座。我地走個時仲有好多人係出面等位
因為咁, 所以只有個半鐘既用餐時間
建議想去既話最好BOOK定枱
呢度食物種類都唔少，有D都幾特別，好似香葉肉碎炒玉子豆腐，斑蘭咖哩魚，蘇梅鴨等~
仲有2人同4-6人套餐
食泰國菜，我一定要食泰式生蝦~
呢度既泰式生蝦幾有驚喜，夠大隻，肉質起膠無雪味
不過可能唔夠凍，少左爽口既感覺。
最正係呢個點生蝦既汁，真係越食越辣，越辣越過癮。
酸辣湯又係食泰菜必食既~
見到呢個裝酸辣湯既煲已經好有FEEL
(不過後期來既客人已改用湯碗，可能唔夠用)
呢個係細SIZE 既酸辣湯，只係68蚊，有四碗~
湯很濃郁，唔似平時水汪汪既酸辣湯，介乎湯同汁之間
似煲左好耐既湯咁，我老公話蝦頭D膏都出哂黎~
入面有2隻開邊大蝦同好多配料，幾足料
味道濃，有少少辣，但對於我黎講就唔夠刺激。
不過味道真係好好~
再黎就係呢個大蝦沙律
沙律既汁調得好好，酸酸甜甜，好酸胃
唯一美不足就係芽菜無乜啤水，有少少草腥味。
再黎，可以算係當日既主菜，就係阿囡揀既泰式燒豬脾
其實泰國菜好多都係辣，之前個D前菜阿囡都無份
所以俾佢揀個主菜食下~
呢個豬脾仔雖然厚肉，但煮得啱啱好，唔會過熟好難咬~
呢個燒豬脾仔一碟有四隻，而且隻隻都幾大隻
阿囡拎住成隻咬，條骨長過佢個前手臂呀~XD
最後，當然要黎個炒飯醫肚～
點呢個蝦醬炒飯完全係俾佢既外表吸引～
用蛋做成既網已經好靚，加埋其他配菜，成個造型已經赢左～
炒飯入面有Ｄ咸咸辣辣既干蝦米，好惹味
唯一不足是Ｄ飯未完全炒開，好多仲係一舊舊，而且偏濕。
飲品方面呢度好似唔太多，揀左我至愛既咸檸七。
呢隻杯係超級高呀，放係枱面仲高過阿囡呀～ＸＤ
呢度既價錢都係街坊價，好多菜都係幾十蚊至百多蚊度
而且服務都唔差，總算係有求必應
間中都有幫我地換碟，而且執野換菜速度都快～
唯一是見我地有小朋友應該提一提邊Ｄ餸係辣既
好似豬脾仔餐牌無寫辣，但個汁有原粒胡椒
炒飯個蝦米都係辣辣地～
如果再細心Ｄ就更好
大家入開元朗，不妨黎呢度試一試
秋天時坐戶外用餐，應該更加有FEEL
如要聯絡本人，請電郵至：smonkichi@hotmail.com
My Blog Link :
留言
張貼留言