親子快閃台中3日遊 - Day 1

-
朋友報料HK EXPRESS 有平機票，來回台中 HKD 240 
即刻上網睇啦~其實機票係由最平單程 120，當然靚時間靚日子又貴D啦~
左計右度
一黎有大細四個小朋友，個個都係第一次出門，去3日試下玩囉
二黎住多一日除左多晚酒店五百蚊外，回程機價都貴2百蚊一個，一家3個就6百，即係貴左成千蚊

終於揀左呢個PACKAGE 
6月11日(星期四) 早機 07:40 
6月13日 (星期五) 晚機 20:40

因為七點幾機，即係六點要到機場，我地當然係的士啦~XD 

HK EXPRESS 要坐一程機場接駁車，仲要行到尾尾，所以我地都無時間入去食早餐
係7仔咬個飽就上機啦~


雖然都知平機係無野食，但估唔到真係連一杯水都無~@@ 
不過一家3口通常都安排到有窗口位既~


到步後一出閘口就見到我地預約左既司機
因為有太多小朋友，所以都一早包左2日8人車
台中市內：TWN 5500 
台中去清境：TWN 6500 
問過好多價錢都差唔多，我估都係公價黎~

我地啱啱好一架車~三個家庭 SHARE ，一日都係四百幾蚊，俾佢啦~


有朋友話到台灣本地銀行兌錢會抵D，但因為費事週圍搵，我地都係係香港同台灣機場兌~


第一站
醫肚
上網睇台中機場呢個米糕好出名~
坐車，唔使十分鐘就到~

王塔清水米糕王
台中縣清水區中興街30-1號

米糕幾惹味，反而干麵遜色左少少~ 

註：不過呢度因為係好古老既建築，無冷氣架~ @@

食飽飽就起行啦~

第一站，又係好近機場既天馬牧場

天馬牧場
台中市外埔區水美里山腳巷56號

曾經網上見人評語話好細，同埋好臭~ 
不過見佢近近地機場，就去睇睇啦~
呢度要入場卷架，大人 TWN 250, 小童200 

可能我地呢日係平日，去到個牧場都好少人~
雖然天氣好好，太陽高掛，不過因為郊區有D風，都幾舒服~

牧場外面有好多迷你工程車，有D仲畫哂公仔，放哂係度任影~好得意~
上網睇呢D工程車是可以玩架，不過周圍都搵唔到工作人員，唯有影下相算~

小朋友見到呢D車車都好開心，係咁爬上去玩~



正式行入個牧場，見到超多好大隻既動物
呢度有好多款雀仔俾你影相，呢隻就免費既，有D就要收錢
不過都係TWN 20 一次，幾抵玩~

有個女仔抱住呢隻野影相呀，雖然都係TWN 20 一次，但免費我都唔抱呀~

仲要佢咬爛隻臭蛋時，臭到我地即刻四散呀~@@


呢度既動物真係隻隻都好大隻~
駝鳥好大隻~


龜好大隻~(呢隻叫象龜，160歲啦~)


全部都可以零距離接觸佢地架~

呢度仲有得騎馬仔，小朋友騎細馬，大人騎大馬，都係TWN 20一次，抵到無朋友~



不過我騎上去，原來隻馬咁高架，又成日覺得就黎跌，都驚驚地架~XD



係牧場入面搵到呢個真係玩得既剷士機，又係TWN 20一次 (大人小朋友一齊玩都係計一次)
行一個圈，小朋友個個玩到KAKA聲~XD 


呢度最出名就係睇呢D草泥馬，又係零距離架~


呢度仲有個無敵大草原俾D草泥馬，不過佢地去哂遮蔭，成個草原無人，好正呀~


我地去個日係平日，無論玩同睇動物都無人排，真係超爽~

上網睇牧場既餐飲唔太得，我地又有車，於是揀左去呢間~

米夏費德爾 
台中市南屯區永春南路98號

原來西屯區的舊鋪結業了，於是再去新鋪
去呢度係因為有蛋包飯，好啱小朋友食


因為太熱，都唔係好想食野，於是叫左2份餐ONLY ~
奶油雜菌飯，阿囡食到好滋味，我自己就麻麻LIKE 隻奶油味~~

下一站，就係餐廳附近的~

彩虹眷村
台中市南屯區春安里春安路56巷

呢度其實是一個細細的幾間村屋，但由一個退休伯伯將佢畫上七彩繽紛的圖畫而出名~


求其搵個位企下都可以影到一幅靚相~


而且色彩鮮艷，小朋友同大人都好鐘意~


唔少人都黎呢度攞境，有D人仲係度影婚紗相添~


呢度仲有D道具放係度俾大家玩~


道具應該屬於呢位彩虹村IRONMAN
其實佢都幾辛苦，大熱天仲要戴住個面具，我地去到時，佢瞓左係地下休息~XD



呢度雖然細細，但我自己就好鐘意
呢度既紀念品都好靚，但無耐太貴，一把遮 HKD220
一頂CAP帽都百幾蚊
於是，我選擇將D錢捐左俾伯伯買油漆同俾IRONMAN~XD

返酒店沖個涼就出發到夜市
朋友話去旱溪好，但好似有D遠
於是去近D既龍富夜市~



龍富夜市
台中市南屯區五權西路二段大台中龍富觀光夜市 408, Taiwa


點知真係把鬼~
D野唔好食，地方又細又偏僻，走個時搵的士都搵到火黎~

唯一好處就係有個小朋友遊樂場
買一張飛，只要你坐上去唔落黎，就可以任玩，玩到你叫停為止~XD 

小朋友就好開心，大人就有D無聊啦~
不過呢個係親子團，最緊要小朋友開心啦~


如要聯絡本人，請電郵至： smonkichi@hotmail.com




留言

張貼留言

這個網誌中的熱門文章

灰甲小知識 ~ Emtrix®安甲適®

-
圖片
夏天又到，又係涼鞋出動的時候 大家往往好易忽略左指甲既護理 著住對名牌涼鞋出黎，但D指甲全部灰灰黑黑，甚至出現灰甲，你話幾老尷呢~ 灰甲其實係一種真菌黎 如果初起時唔理佢，就會越黎越嚴重，最後甚至會成塊甲面都爆哂，壞死，到時先搞就太遲了 不如大家一齊黎了解下咩叫灰甲先？ 灰甲真菌易於在溫暖、潮濕的環境滋生。 人多聚集的地方，如泳池、公眾浴室和更衣室等，是容易感染灰甲真菌的場所。 溫暖和太緊的鞋子亦有利真菌大量滋生。 其他風險因素包括︰指甲受損、外傷，而引致真菌入侵；年長人士；患有慢性疾病，例如糖尿病、免疫力疾病。 灰甲既症狀 真菌生長速度緩慢，感染初期的症狀通常很輕微。灰甲真菌的特徵是指甲變得凹凸不平和易碎。 剪指甲時會發現指甲變成粉狀，甚至開始逐漸變色、增厚、裂開或剝落。 如不及時治理，嚴重可引致指甲脫落，造成疼痛。 如果發現自己有灰甲的初期特徵，唔使擔心 家下坊間都有一D家用的產品 Emtrix ® 安甲適 ® Emtrix®安甲適®是一種外用塗劑，獲歐盟認證醫療儀器， 可改善因真菌感染而引致的指甲問題。 Emtrix®安甲適®能改善指甲外觀，如變色及變形 可以溶解指甲角質及分解引起灰甲的真菌，同時能增加水分，軟化及平滑甲板。 透過營造不利於微生物的環境及改善指甲表面的完整性，避免真菌及細菌滋生，令指甲保持健康。  安甲適的造型好似一枝小小的筆咁，有個尖尖的筆頭 使用時非常方便，無需銼甲 只要將安甲適直接滴係有問題既指甲上面 佢會自動流動直至覆蓋成個甲面，唔使落手去搽架~ 另一樣好方便的就係安甲適每日只須用一次，對於我呢D大頭蝦實在太好了 (通常要一日搽2次個D，朝早趕頭趕命，實會唔記得搽 XD) 而且，七日就會開始見效，最啱咩都要快既香港人呀 七日後，就可以見到指甲外觀修復的效果啦 我既指甲之前有D變色，灰灰黃黃咁 搽左7日後已經白淨左好多啦~ 不過如果想徹底治療，當然要KEEP住用3個月以上直至新甲長出 先至會達到最佳效果架 用既時候有幾點要注意 1. 要停止搽指甲油啦，指甲油會阻礙...
閱讀完整內容

小朋友熱氣又唔肯飲涼茶咁點算？

-
圖片
阿囡放暑假，日日出街食埋D熱氣野 仲要成日去愛既M記食薯條~ 食到個嘴唇紅下下，唔使睇睇醫生都知佢熱氣到鬼啦~ ><  小朋友熱氣好難叫佢飲涼茶，咁點算，好彩位元堂幫我地諗多一步 位元堂 小兒清兒散 十支裝 小朋友食既中藥, 出產地當然好緊要~ 之前有講過大陸出既小兒中藥製成品重金屬含量超標~ 所以買俾阿囡食既藥物，我一定揀香港製造的~ 仲係百份百個隻添~ 淨係清楚咁寫明產品編號同有效日期 (印埋上去，無得改) 有咩事都有源可尋 小兒清熱散既成份牛黃、水牛角、太子蔘等珍貴中藥成份， 之前有個飲食節目介紹過"太子蔘"比花旗蔘更適合小朋友用架~ 而牛黃，水牛角呢, 就有清熱，涼血，解毒既功效 清熱散有助清熱解毒，紓緩喉嚨痛、口瘡、口氣大、眼垢多、 小便帶黃、大便不暢等熱氣徵狀 除左清熱外，仲有廣藿香，可以化濕，和胃止嘔。祛暑解表 好啱呢D咁熱又濕既天氣~  一個鐵盒裝有十枝 每枝0.38g 1-3歲小朋友每日食一枝就夠啦 4歲或以上的小朋友就可以每日食 1-2枝 記得呢D都係藥黎, 唔好諗住想功效快D就食多D呀, 要有份量架~ 而且如果小朋友有"G6PD" 就唔食得架啦~要小心睇清楚呀~ 盒入面有"2包"防潮珠的, 記得小心處理，以免俾小朋友誤吞呀。 以鍚紙密封包裝, 不過都好易開~ 我個囡就最鐘意開呢D架, 乜鬼都要佢自己黎~ 攞到出黎個樣幾得戚~ @@ 每枝0.38g, 比平時既保X丹大枝少少~ 而且蓋內仲有蓋, 密封存氣同防潮~ 不過呢D蓋中蓋通常都好鬼難開, 有時唔小心大力D會成枝倒瀉哂~ >< 所以開蓋時要小心D, 唔好心急呀~ 我會將佢倒落杯度, 再慢慢加水至完全溶哂就OK 呢隻清熱散都幾易溶解~ 加水後搖幾搖隻杯就溶到了 連匙更都唔使用 通常開呢D我會盡量唔好太多水 因為怕小朋友飲唔到咁多水而浪費~ 不過如果小朋友怕中藥味, ...
閱讀完整內容

「真」「仿」 RAY MASK 大拆解 ~

-
圖片
早前介紹過一款熱爆的泰國MASK   妝蕾® RAY MASK  呢款RAY MASK 實在太受歡迎啦, 出現好多假貨 甚至係高仿貨  衫/褲/鞋高仿貨都係著係外面者 但MASK 用左高仿，品質無品證，入面用左咩料無人知 真係分分鐘美肌變成傷肌呀 係眾多高仿貨之種，有一隻叫 「 ANJERI 」的, 直頭抄到90%似呀 仲話自己係RAY MASK 的改名添~  RAY MASK賣到咁火紅，做咩無啦啦要改名先? 真係諗唔明!  為免大家買錯假貨，今日就教大家分辨原裝正貨及仿冒品 同埋睇下真同假既品質究竟差幾遠~  呢2盒，就係真既  「妝蕾® RAY MASK 」同高仿貨「 ANJERI 」 今次用左金色的版本黎比較 就咁睇既包裝，相似度有成90% 呀，  但睇番D細節，就會發現有好大出入~ 正貨 「妝蕾® RAY MASK 」的金色明顯深D，而「 ANJERI 」就較淺色 盒上顯示www.rayanskin.net 為「妝蕾®泰國蠶絲面膜」原裝正貨 而「 ANJERI 」 的網站尾就將 "NET" 變成 "COM", 博大家唔覺眼 原廠正貨入口，都會要求用中文標籤，呢個係法例 但「 ANJERI 」成個盒都無標籤說明，唔通佢唔使守法？ 「妝蕾® RAY MASK 」的一邊仲有人像水印，印刷仔細 但「 ANJERI 」就咩都無啦~  「妝蕾® RAY MASK 」名稱及包裝始終如一，無懼侵權威脅。 作為國際品牌的 RAY，絕對不會因被侵權而改名。 睇完外盒睇面膜細節啦~  2者都有珍珠紙同藍色紙~ 「 ANJERI 」摺法求其好多，珍珠紙好多不正常摺痕~ 明顯見到「妝蕾® RAY MASK 」的面膜係較闊身，而「 ANJERI 」就窄身好多~ 面膜質感，「妝蕾® RAY MASK 」 的蠶絲面膜厚身好多，而「 ANJERI 」就單薄得多 再細心D睇 ...
閱讀完整內容