很中胃口的麻辣味~


最近不停食川菜,每次黎黎去去都係口水雞個D,其實開始有D悶

今日去左位於尖沙咀警署對面的 

十二味麻辣三兄弟

呢度都係算旺區,大街大巷,但間鋪真係幾大幾闊落



裝修又唔算好中國式,不過有D好現代中國式既幽默掛畫,都幾得意
仲有QR CODE 點菜,好先進呀, 不過QR CODE 只限微訊,我無裝~XD

呢度張點菜紙初睇時有D複雜,原來佢有一個經典鍋,係幫你SET好既, 唔使諗

但都可以自選鍋,自己揀唔同辣度,唔同材料變成一鍋

仲有好似車仔麵咁既,自己揀麵底,辣度,揀餸~

呢度既飲品都幾特別,除左有象仔的加多寶,仲有呢隻桂花冰釀,有D似米酒咁, 不過就無酒味,有好香既桂花味~



前菜,一直都係我既至愛

網上睇話豬耳好食,  送到上黎賣相真係唔錯


但唔知點解D豬耳好實,一D都唔爽,不過味道就幾好~

青瓜賣哂,唯有呢個要左呢個芥末木耳,木耳幾清爽,亦唔太辣,其實唔係好食到芥末味~ 



再黎一個紅油白玉,個名好好聽,白玉即係豆腐,加上紅油炒手既汁。
雖然豆腐用左布包豆腐唔係好滑個隻,有少少質感再混上個紅油味道真係唔錯。


叫左呢個車仔麵,粉底是粉絲,仲要左中辣
嘩,D粉絲勁索味,辣到呢~ 而且辣到感覺有D苦味添
不過牛腩就好入味,金菇都好夾
建議要粉絲底時揀小辣好了~

呢碗野既麵底18蚊,餸就8蚊至10蚊一款,但都幾大碗,幾抵食, 起碼10蚊有咁多牛腩俾你囉~


再黎就係今晚既主角

香辣素菜鍋


呢個鍋係預設既,有分大同細,呢個係大鍋,真係好大
睇個剷就知~

因為係素菜鍋,主要以菜為主,有蓮藕,蒿苣, 油麥菜等等...
唔好睇佢個樣咁清清淡淡,其實都越食越麻辣架~
D蓮藕,蒿苣全部切到薄薄地,吸收左D麻辣汁,爽得黎又入味,唔會一PAT 野~ 

當然,我地只係叫左小辣,以我既程度當然無問題,仲食得好開心添~

講番呢度點解叫12味?就係佢既麻辣有12種材料

十二味配料及功效:
1. 桂皮:暖胃散寒,醒腦通脈。
2. 八角:溫熱散寒,理氣止痛。
3. 丁香:溫中降逆,溫腎助陽。
4. 香果:行氣開鬱,祛風燥濕。
5. 茴香:溫腎散寒,和胃理氣。
6. 香葉:健胃理氣,養肝補腎。
7. 花椒:止癢解腥,殺蟲解毒。
8. 肉蔻:溫中澀腸,行氣消食。
9. 草果:燥濕溫中,除痰截瘧。
10. 山奈:行氣溫中,消食化積。
11. 紅辣椒:降脂減肥,預防癌種。
12. 燈籠椒:舒緩神經,去濕利尿。



D人成日話食辣野好熱氣,會爆瘡,但我又唔覺喎,仲覺得食完辣野好暖胃添~ 
可能就係呢D 配料既功效~ 
其實四川人咁熱都食辣野,係因為食辣野可以去濕,尤其再配合呢盤素菜簡直就係我既至愛
講真,食肉的話我唔食得多,但菜呢,就多都無問題。

怕食菜唔夠飽?其實係菜底度仲有呢D透明既粉,佢吸收哂D麻辣酒,極之野味~


見到粉上面都沾有唔少麻辣既材料,不過我全部食哂落肚啦~XD

呢度好出名十三香小龍蝦,聽個名應該都係落13種唔同既材料去。
聞落去都幾香不過食茖感覺唔辣既,
隻隻好似手掌咁大架咋,拆左個殼得番好似一隻蝦仔咁~XD
9.9一隻,最少叫10隻,試下無妒,不過我就麻麻啦~


食飽飽,最後當然要黎個甜品,呢個叫四川冰粉的甜品好得意
好似白色既涼枌咁,仲加入左話2粒話梅,甜甜地又有少少咸。幾過癮

呢碗野都幾大同幾飽肚,建議2-3個人SHARE 好D, 一個人食會勁飽囉~HAHA


呢間四川麻辣店都幾有新意,仲有好多新野之前都未食過
而且味道都幾正宗,真係辣就辣,唔會就香港人口味而減少。

如要聯絡本人,請電郵至: smonkichi@hotmail.com





留言

這個網誌中的熱門文章

藍天碧水~我願意~

修靚身型 ,1 次瘦3CM ~ MIMA SKIN Legend Pro + 三極刀

灰甲小知識 ~ Emtrix®安甲適®